2022 మే, 22 వ తేదీకి ముందు ఉన్న యథాతథ స్థితిని పునరుద్ధరిస్తూ, 58 శాతం కంటే తక్కువ ఎఫ్.ఈ. కంటెంట్ ఉన్న ముడి ఇనుము లంప్స్, ఫైన్స్, ముడి ఇనుము గుళికలు, పిగ్-ఐరన్‌ తో సహా ప్రత్యేకంగా పేర్కొన్న ఉక్కు ఉత్పత్తులపై ఎగుమతి సుంకాన్ని, కేంద్ర ప్రభుత్వం ఉపసంహరించుకుంది.  ఆంత్రాసైట్ / పి.సి.ఐ. బొగ్గు, కోకింగ్ బొగ్గు, కోక్, సెమీ కోక్, ఫెర్రోనికెల్‌ పై దిగుమతి సుంకం రాయితీలను కూడా ప్రభుత్వం ఉపసంహరించింది. 

2022 నవంబర్, 19వ తేదీ నుంచి ఈ ఉపసంహరణలు అమలులో ఉంటాయి:   

*  58 శాతం కంటే తక్కువ ఎఫ్.ఈ. కంటెంట్ ఉన్న ముడి ఇనుము లంప్స్, ఫైన్స్ ఎగుమతులపై ఎగుమతి సుంకం లేదు.

*  58 శాతం కంటే ఎక్కువ ఎఫ్.ఈ. కంటెంట్ ఉన్న ముడి ఇనుము లంప్స్, ఫైన్స్ ఎగుమతులపై 30 శాతం మేర మాత్రమే ఎగుమతి సుంకం ఉంటుంది. 

*     ముడి ఇనుము గుళికల ఎగుమతులపై ఎగుమతి సుంకం లేదు.

*     హెచ్.ఎస్-7201, 7208, 7209, 7210, 7213, 7214, 7219, 7222, 7227 కింద వర్గీకరించబడిన పిగ్ ఐరన్, స్టీల్ ఉత్పత్తుల ఎగుమతులపై ఎగుమతి సుంకం లేదు.

*     ఆంత్రాసైట్ / పి.సి.ఐ., కోకింగ్ కోల్, ఫెర్రోనికెల్ పై 2.5 శాతం దిగుమతి సుంకం ఉంటుంది. 

*     కోక్, సెమీ కోక్‌ లపై 5 శాతం దిగుమతి సుంకం ఉంటుంది.

ఉక్కు ధరలు 2022 మే నెలలో ఒక్కసారిగా, స్థిరంగా పెరిగి పోతూ ఉండడంతో,  శుద్ధిచేసిన ఉక్కుతో పాటు ముడి పదార్థాలు లేదా ఉక్కు తయారీకి అవసరమైన ఇతర వస్తువుల లభ్యతను పెంచడానికి,  ఈ ఏడాది ప్రారంభంలో ప్రభుత్వం అనేక సుంకాల చర్యలను చేపట్టింది.

2022 మే, 22వ తేదీ నుంచి అమలులోకి వచ్చే విధంగా – 

58 శాతం కంటే ఎక్కువ ఎఫ్.ఈ. కంటెంట్ ఉన్న ముడి ఇనుము లంప్స్ పై ఎగుమతి సుంకం 30 శాతం నుండి 50 శాతానికి పెంచడం జరిగింది;  

58 శాతం కంటే తక్కువ ఎఫ్.ఈ. కంటెంట్ ఉన్న ఇనుప ఖనిజం పై 50 శాతం ఎగుమతి సుంకం విధించడం జరిగింది;

ముడి ఇనుము పెల్లెట్స్ పై 45 శాతం ఎగుమతి విధించడం జరిగింది;  పిగ్ ఐరన్ (హెచ్.ఎస్. 7201, 7208, 7209, 7210, 7213, 7214, 7219, 7222, 7227) తో సహా వివిధ రకాల మిశ్రమం, నాన్-అల్లాయ్ స్టీల్‌ పై 15 శాతం ఎగుమతి సుంకం విధించబడింది;  

ఆంత్రాసైట్ / పి.సి.ఐ. బొగ్గు, కోకింగ్ బొగ్గు, కోక్, సెమీ కోక్, ఫెర్రోనికెల్‌ లకు దిగుమతి సుంకం మినహాయింపులు ఇవ్వడం జరిగింది. 

ప్రస్తుత చర్యలు దేశీయ ఉక్కు పరిశ్రమకు ఊరటనిస్తూ, ఎగుమతులను పెంచుతాయి.

*****