য়ুমলৈ-কৈরৈ মন্ত্রালয়

কেন্দ্রগী গৃহ মন্ত্রী, শ্রী অমিত শাহনা নই দিল্লীদা পাংথোকপা ৩শুবা “নো মনী ফোর তেরর” কনফরেন্স (কাউন্তর তেরোরিজম ফাইনান্সিং) লোইশিনবগী সেসন্দা ঙসি থমখিবা ৱারোইশিন ৱারোল


Posted On: 19 NOV 2022 4:42PM by PIB Imphal

মরুপশিং,

ভারতকী নিংতম্বগী অমৃত মহোৎসবকী মতমদা, ঙসি নই দিল্লিদা পাংথোক্লিবা ৩শুবা “নো মনী ফোর তেরর” কনফরেন্স (কাউন্তর তেরোরিজম ফাইনান্সিং) লোইশিনবগী সেসন্দা ৱাফম খরা থমজবা ফংবদা ঐহাক্না য়াম্না নুংঙাইজৈ।

ঐহাক্না খ্বাইদগী অহানবদা, তোঙানবা লৈবাকশিংদগী লাক্লিবা দেলিগেতশিংবু, মলতিলেতরেল ওর্গনাইজেসনবু কনফরেন্স অসিদা শরুক য়াবগীদমক্তা থাগৎচরি।

নুমিৎ নিনি পাংথোকপা কনফরেন্স অসিগী মনুংদা দেলিগেতশিংনা তেরর ফাইনান্সিংগী অনৌবা চৎনবী, নৌনা থোক্লক্লিবা ফাইনেন্সিএল তেক্নোলোজী লান্না শিজিন্নবা অমসুং তেররগী হীরমদা মালেমগী থাক্তা তেংবাংনবগী থৌওংশিংগী মতাংদা খন্ন-নৈনখি। মসিগী মপুং ওইবা পান্দমদি “নো মনী ফোর তেরর”গী ঐখোয়গী পান্দম ফংবা ঙম্নবনি। ঙসিগী খন্ন-নৈনরিবশিং অসিবু ঐখোয়না লাক্কদৌরিবা মতমশিংদা স্ত্রেতজিক থিঙ্কিংদা ওন্থোকপদসু তেংবাংগনি।

কনফরেন্স অসিদি মসিদা শরুক য়ারিবা লৈবাক অমসুং লুপশিংনা তেরর ফাইনান্সিং তৌবগী মাইয়োক্তা লান্থেংননবা হৌজিক লৈরিবা মালেমগী পথাপকী মথৌ পাংথোকপগী মতৌ অমসুং নৌনা থোক্লক্লিবা শিংনবশিংগী ৱারোইশিন পুরক্নবা খন্ন-নৈনবগী য়াম্না তোপ-তোপ্পা ফোরম অমা ওইরি

তেরোরিজমগী থৌওংনা ঙসিদি য়াম্না অকীবা মশক অমা লৌরে, মসিগী ফত্তবশিং অসিসু থাক খুদিংদা য়াম্না লায়না উবা ফংলে তেরোরিজম হায়বসি গনতন্ত্রা, মীওইবগী হক, শেন্মিৎলোনগী চাউখৎ-থৌরাং অমসুং মালেমগী শান্তিগী খ্বাইদগী চাউবা য়েক্নবনি, মসি ঐখোয়না কৈদৌনুংদা মায় পাকহনবা য়াদে লৈবাক অমা নত্ত্রগা লুপ অমনা তেরোরিজমগা মথন্তগা মায় পাক্না মাইয়োক্নবা ঙম্লোই য়াম্না লুবা হেনগৎলক্লিবা অমসুং ঙমখৈ নাইদবা ফত্তবা অসিগী মাইয়োক্তা মালেমগী খুন্নাইনা লেং-মান্ননা লেপ্তনা লান্থেংনমিন্নগদবনি।

ভারতনা মমাংগী দিকেদ খরসিদা তেরোরিজম য়াওনা শিংনবা কয়াগা মায় পাক্না থেংনখ্রে তেরোরিজমগী মাইয়োক্তা জিরো তোলরেন্স লৈবগী ভারতকী পোলিসী, কাউন্তর-তেরর লোগী মপাঙ্গল লৈবা ফ্রেমৱর্ক অমসুং এজেন্সীশিংদা মপাঙ্গল হাপ্পদগী ভারতনা তেরোরিজমগী থৌদোক কয়া মশক থোক্না হন্থহনবা ঙম্লে অমসুং তেরোরিজমগা মরী লৈনবা মীওইশিংদা অহকপা চৈরাক পীবা ঙমখ্রে থিজিন হুমজিনবগী থবকশিংবু সাইন্স অমসুং তেক্নোলোজীনা তেংবাংবগী পান্দমগা লোয়ননা ফোরেন্সিক সাইন্সপু পুক্নিং থৌগৎলি অমসুং প্রধান মন্ত্রী শ্রী নরেন্দ্র মোদীগী মঙলানগী মখা পোন্না, মালেমগী অহানবা নেস্নেল ফোরেন্সিক সাইন্স য়ুনিভর্সিতীসু ভারত্তা লিংখৎখ্রে। তেরোরিজম, নার্কোতিক্স অমসুং শেন্মিৎলোনগী ক্রাইমগুম্বা আইন্না য়াদবা থৌওংশিংগী লৈবাক অমসুং মালেমগী দেতাবেজ শানবা ভারত সরকারনা ৱারেপ লৌখ্রে সাইবরক্রাইম্বু য়াম্না পাক-শনবা মওংদা লান্থেংনবা ঙম্নবগীদমক্তা ভারত সরকারনা ইন্দিয়ন সাইবর্ক্রাইম কো-ওর্দিনেসন সেন্তর লিংখৎখ্রে “কাউন্তর তেরোরিজম (সি.তি.) অমসুং কম্বেতিং ফাইনান্সিং ওফ তেরোরিজম (সি.এফ.তি.)”গী হীরমদা মালেমগী মরক্তা তেংবাংনবগী মতাংদা ভারতনা খ্বাইদগী ময়োলদা লৈগনি হায়লো প্রধান মন্ত্রী, শ্রী নরেন্দ্র মোদীনা ফোংদোকখিবা লৈখ্রবনি।

তেরোরিজমগী শক্লোন খুদিংগী মাইয়োক্তা নীংথিনা, অশাংবা মতমগী ওইনা অমসুং পুম্নমক্না পুন্দুনা লান্থেংনদ্রিবমখৈ অকীনা লৈতবা, খুন্নাই অমসুং অকীবা লৈতবা মালেম অমগীদমক্তা ঐখোয়না কৈদৌনুংদা খনবা ঙম্লোই ঐখোয়গী লৈবাক মীয়াম্না মখোয়বু ঙাক শেনবগী অচৌবা থৌদাং অমা মখোয়গী লুচিংবশিংদা শিন্নরে অমসুং থৌদাং অসি পাংথোকপনা ঐখোয়গী ইথৌনি। মসিগুম্বা শিংনবা অসিগা মাইয়োক্ননবগীদমক্তা য়ুনাইতেদ নেসন্সকী সেক্যুরিতী কাউন্সিলনা “কাউন্তর তেরোরিজম সেঙ্কসন রেজিম” অমা শেম্বগী মরু ওইবা পান্দমগা লোয়ননা মমাংগী দিকেদ অনিদা  ফ্রেমৱর্ক অমা শেমখ্রে য়ূনাইতেদ নেসন্সনা শেম্লিবা পথাপ অসিনা তেরোরিজম্বু থাক খরদা মায় পাক্না লাকশিনবা ঙমখ্রে, তেরোরিজম্বু লৈবাক্না শেল-থাদবা ইন্তর্প্রাইস ওইহল্লিবা মদুগুম্বা লৈবাক খরগী থবক-থৌরমদা অথিংবা পীখ্রে, অদুবু থৌওং অসিগী মপাঙ্গল হেনগৎহনবা, নুং-পান ফাওনা উহনবা অমসুং হেন্না হকচিনবগী তঙাই ফদবদি অদুমক লৈরি

ঐখোয়না খ্বাইদগী হান্না খোঙফম চেৎকদবসিদি নুং-পান ফাওনা উদুনা তেংবাংনবা অমসুং লৈবাক অমসুং লুপশিংনা মখোয়গী ইন্তেল্লিজেন্স লান্নবদা হেন্না নুং-পান ফাওনা উহন্দুনা অমসুং নীংথিনা পাংথোক্নবা ৱারেপ লৌবগী মথৌদি তারি জিওগ্রাফিকেল অমসুং ভর্চুএল স্পেস খুদিংমক্তা ঐখোয়না তেরোরিজম অমসুং তেরোরিস্ত কাঙবুগী মাইয়োক্তা লান্থেংনগদবনি থবক অমা পাংথোক্লি হায়বগী মরুমদা লুপ খরনা তেরোরিজম শৌগৎপা অমসুং লৈবাক অমসুং মালেমগী থাক্তা রেদিকেলাইজ তৌবগী থবক পাংথোকপগী মতৌ কয়া ঐখোয়না মমাংদা উবা ফংখ্রে মসিগুম্বা লুপশিং অসিনা তেরর ফাইনান্সিং তৌবগী পাম্বৈ ওই হায়বসু খঙবা ঙমখ্রবনি নহাশিংবু লান্না লমজিংনবা হোৎনরম্বা লুপ অমা ভারত সরকারনা হন্দক্তা থিংজিনখ্রে অমসুং লৈবাক খুদিংনা মসিগুম্বা লুপশিংবু মশক খঙদোক্তুনা মখোয়গী মথক্তা অহকপা থবক পায়খৎফম থোকই

লৈবাক খরা অমসুং মখোয়গী সরকার অমদি এজেন্সীশিংনা “তেরোরিজম”বু মখোয়গী লৈবাক্কী থৌশিল-থৌরাং ওইহল্লি; তেরোরিস্তশিংগী তেক্ত-কায়দবা মসিগুম্বা মফমশিংদা শেন্মিৎলোনগী লমদা অথিংবা থম্বগা লোয়ননা মিৎয়েং চঙবীদ্রবা মখোয়গী থৌওংশিংবু থিংবা হায়বসি য়াম্না তঙাই ফদবা ওইরে, অমসুং মালেমগী লৈবাক খুদিংনা মখোয়গী জিও-পোলিতিকেল অপাম্বগী ৱাংমা লান্থোক্তুনা হীরম অসিগী মতাংদা অচেৎপা ৱারেপ লৌফম থোক্লবনি লৈবাক খরদি তেরোরিজম্বু হঞ্জিন হঞ্জিন্না শৌগৎলি অমসুং তেরোরিজম্বু য়োকখৎলি, অদুবু তেরোরিজমগীদি মালেমগী ঙমখৈ হায়বদু লৈতবনি, অদুনা লৈবাক খুদিংনা মখোয়গী রাজনিতীগী ৱাংমা লান্না খনফম থোকই অমসুং অমগা অমগা মতেং পাংনফম থোকই লৈবাক খুদিংনা ‘তেরোরিজম’ অমসুং ‘তেরর ফাইনান্সিং’গী পুম্নমক্না য়ানবা ৱাহন্থোক অমা শেম্ফম থোকই, মরমদি, মসিদি ঐখোয়গী মীয়াম, মখোয়গী মীওইবা ওইবা অমসুং গনতন্ত্রগী হক ঙাক শেনবগী মতাংনি, অদুনা হীরম অসিবু ঐখোয়না রাজনিতীগী হীরম ওইহল্লোইদবনি

তেরোরিস্তশিংনা ইনফোর্মেসন তেক্নোলোজী অমসুং সাইবর্স্পেস নীংথিজনা খঙই অমসুং মখোয়না মীয়াম্না করি পাম্বগে হায়বসু খঙবনা মরম ওইরগা মদুগী কান্নবা লৌগে হায়নসু খল্লি তেরোরিজমগী মাইয়োক্তা লান্থেংনবদা সাইবর্স্পেসনা ঙসিদি অচৌবা লানফম অমা ওইরে খুৎলায়গী তেক্নোলোজীশিংদসু অহোংবা কয়া লৈরে অমসুং হৌজিক্কী ২১শুবা চহি-চাগী শাথীনা মাঙহন তাকহনবা ঙম্বা তেক্নোলোজী অমসুং দ্রোন তেক্নোলোজীশিংবু তেরোরিস্তশিংগী মনাক্তা লৈরে তেরোরিজম অমসুং নার্কোতিক্স, কৃপ্তো করেন্সী অমসুং হৱালাগুম্বা ওর্গনাইজ ক্রাইমশিংগা নক্নবা মরী লৈনবা হেনগৎলক্লিবা অসিনা তেরর ফাইনান্সিং তৌবগী চাংসু মশক থোক্না হেনগৎহল্লে কনফরেন্স অসিগী মপুং ওইবা পান্দমদি তেরর ফাইনান্সিংগী তোঙানবা লম্বী কয়া মশক খঙদোকপা অমসুং মসিগী মাইয়োক্তা থেংনবা ঙম্নবগীদমক্তা থবক ওইবা পাংথোকপা য়াবা থৌরাং য়াৎপনি

আই.এম.এফ. অমসুং ৱর্ল্দ বেঙ্কনা পাবা ৱাফমগী মতুং ইন্না, মালেম শিনবা থুংবগী ক্রিমিনেলশিংনা চহিদা চাউরাক্না ত্রিলিয়ন দোল্লর ২দগী ৪ ফাওবা আইনগী মিৎয়েংগী ৱাংমদা থাদোক থাজিন তৌই, শিজিন্নৈ মসিগী অচৌবা শরুক অমদি তেররদা মতেং পাংবদা শিজিন্নৈ। মসিগী চাং অমসুং শিংনবশিংবু ইয়েংলুরবা মতুংদা, কাউন্তর-তেরর অমসুং তেরর ফাইনান্সিংগী হীরমদা থবক তৌরিবা এজেন্সী অমসুং ওথোরিতীশিংনা অশাংবা মতমগী থৌরাং য়াৎপগী মথৌ তাই ঐহাক্না গেলিগেতশিংগী পুক্নিংবু অহেনবা মিৎয়েং চঙফম থোকপা হীরম কয়াদা চিংশিঞ্জরি।

১) ফাইনেন্সিএল নেতৱর্কশিংদা শকখঙদবা মীওই লৈবগী মতৌগা মাইয়োক্নদুনা লিগেল ফাইনেন্সিএল ইন্সত্রুমেন্তশিংদগী নাথৈবগী থৌওং থিংবা,

২) অতোপ্পা ক্রাইমশিংদগী তানবা শেলবু তেরোরিস্তকী থৌওংদা শিজিন্নবদা অথিংবা থম্বা,

৩) অনৌবা ফাইনেন্সিএল তেক্নোলোজী, কৃপ্তোকরেন্সী, ৱালেতনচিংবা ভর্চুএল এসেতশিংবু তেররগী থবক্তা শিজিন্নহন্দবা,

৪) ইল্লেগেল চেনেল, কেশ কুরিয়র, হৱালাবু তেরর নেতৱরক্না শিজিন্নবা য়াহন্দবা,

৫) নন-প্রোফিত ওর্গনাইজেসন, এন.পি.ও. সেক্তরশিংবু তেররগী ৱাখল্লোন শন্দোকপদা শিজিন্নবা থিংবা,

৬) লৈবাক খুদিংগী কাউন্তর-তেরর অমসুং ইন্তেল্লিজেন্স এজেন্সীশিংগী কেপাসিতী বিলদিং লেপ্তনা তৌবীবা।

লৈবাক খুদিংনা ফাইনেন্সিএল এক্সন তাস্ক ফোর্স, এফ.এ.তি.এফ.না থম্বা পাউতাক অমসুং কাঙলোনশিংবু চেদা খক্তা নত্তনা থবক ওইনা তুং ইনফম থোকই তেরর ফাইনেন্সিংগী মাইয়োক্তা লেপ্নবগীদমক্তা ঐখোয়গী থবকশিং অসি য়ুম্বী মঙাগী মখা পোনগদবনি

১) ইন্তেল্লিজেন্স অমসুং ইনভেস্তিগেতিব এজেন্সীশিংগী মরক্তা তেংবাংনবগী থৌওং য়েংশিন্নবা ফ্রেমৱর্ক অমা শেম্বা।

২) ত্রেস, তার্গেত, অমসুং তর্মিনেত”কী থৌরাং অসি লো-লেভেল ইকোনোমিক ওফেন্সতগীনা নীংথিনা পোরম য়াত্তুনা পাংথোকপা ইকোনোমিক ক্রাইম ফাওবগী মাইয়োক্তা চত্থবা।

৩) তেরর ফাইনান্সকা মরী লৈনবা লিগেল স্ত্রকচরশিংবু মপাঙ্গল হাপ্তুনা মখোয়গী মরক্তা তেংবাংনবা হেনগৎহনবা।

৪) নেক্স জেনেরেসন তেক্নোলোজী লান্না শিজিন্নবগী মাইয়োক্তা অচৌবা মেকানিজম অমা শেম্বা।

৫) এসেত লৌশিন্নবগীদমক্তা লৈবা লিগেল অমসুং রেগ্যুলেতরী ফ্রেমৱর্ক মপাঙ্গল কনখৎহনবা।

 

তেরোরিজম্বু শৌগৎপা ওইনা ঙমখৈ নাইদনা শেল-থুম থাদবগী থৌওং থিংনবগীদমক্তা, ঐখোয় মশেলগী মরক্তা “ঙমখৈ ৱাংমা লান্না তেংবাংনবা” হায়বা ৱাখল্লোন ঐখোয়না ইনবা তাই, মসি পাংথোক্লবা মতমদখক্তা ঐখোয়না ঐখোয়গী পান্দমদা মায় পাক্কনি

ঐহাক্না লোইশিল্লকপদা ভারতকী মহুৎ শিন্দুনা ভারতনা তেরর ফাইনান্সিং অমসুং তেরোরিজমগী মাইয়োক্তা লেপ্লি হায়না অমুক হন্না হায়জরি। মনী লোন্দরিং তৌবা, দিজিতেল ফাইনেন্সিএল প্লেতফোর্ম লান্না শিজিন্নবা, হৱালানচিংবগুম্বা তেরর ফাইনান্স তৌবগী শক্লোন খুদিংমক অতোপ্পা লৈবাকশিংগা তেংবাংনদুনা তেরর থিংনবা হোৎনমিন্নসি হায়না প্রধান মন্ত্রীনা চেৎনা লেপ্লি।

ৱারী কয়া শান্নখিবশিং অসিদা, এন.এম.এফ.তি.গী তোপ-তোপ্পা থৌওংশিংবু মত্ম চুপ্পগী ওইহনবগী তঙাই ফদবা খঙবা ঙমখি হৌজিক্তি, থৌওং অসিগীদমক্তা মতম পুম্বগী লৈগদবা সেক্রেতরিএত অমগী মতম চপচারে ৱাখল্লোন অসিবু মখা তানা চত্থহন্নবগীদমক্তা, লৈবাক খুদিংদা পর্মানেন্ত সেক্রেতরিএত অমা লৈহনবা হায়বা ৱাফম অসি মরু ওইবা ৱারোলশিংগী মনুং চল্লবনি, অদুগা থৌরম অসিদা শরুক য়ারিবা জুরিসদিক্সন পুম্নমক্কী মফমদা দিসকসন পেপর ভারতনা য়ৌহল্লগনি

ঐহাক্না লৈবাক পুম্নমক অমসুং ওর্গনাইজেসন পুম্নমক্কী দেলিগেসনশিংবু নই দিল্লীদা পাংথোক্লিবা ‘নো মনী ফোর তেরর’ কনফরেন্স অসিদা শরুক য়াবগীদমক্তা অমুক্কা হন্না থাগৎচরি। ঐহাক্না ৱারোল লোইশিনবসিদা, পুম্নমকপু য়াইফ পাউজেল পীজবগা লোয়ননা য়ুমদা তেক্ত কায়দনা য়ৌবীয়ু হায়জরি।

থাগৎচরি।

*****



(Release ID: 1877378) Visitor Counter : 131


Read this release in: Kannada , English , Urdu , Hindi