#IFFIWood, ১৯ নবেম্বর ২০২২

গোৱাদা নবেম্বর ২০দগী ২৮, ২০২২ ফাওবা পাঙথোক্কদবা ৫৩শুবা ইন্তরনেস্নেল ফিল্ম ফেস্তিবেল ওফ ইন্দিয়া হকচাঙগী ফীভম মীমান্নদ্রবশিংগা চুনবা ওইরগনি অমদি ফিল্ম পামজবা পুম্নমক চঙবা য়ারগনি‍।

আই.এফ.এফ.আই. অসিদা ওদিও দেসক্রিপ্সন য়াহল্লবা, সব-তাইতল য়াওবা মুভী, মুভী মেকিং অমসুং এক্তিংদা তেক্নিকেল ৱর্কসোপ্নচিংবা পাঙথোকপা, ইনফ্রাস্ত্রকচরগী লমদা এসেসিবল রেম্পশিং, তেক্তাইল ৱাল্কৱে, ব্রাইল সাইনবোর্দনচিংবা মীমান্নদ্রবা সিনেমাবু পামজবশিংগী খুদোংচাবা কয়া য়াওরি‍।

হন্দক চহিসিদা এম.আই.বি. অমদি আই.এফ.এফ.আই.গী লৌখৎপা থৌরাং অমা ওইনা দিব্যাংজন স্পিসিএল অমা য়াওহন্দুনা সিনেমাবু পুম্নমক কোনশিল্লবা অমদি পুম্নমক্না চঙবা য়াবা মফম অমা ওইহন্নবগীদমক খোঙথাঙ অমা থাংজিল্লে‍। সেক্সন অসিদা, স্পিসিএল্লী-এবল্দ ওদিএন্সশিংগীদমক ফিল্ম স্ক্রিনিংগী ফোর্মেৎ অমসুং ভেন্যু ইনফ্রাস্ত্রকচর অমদি মেনেজমেন্তকী লমদা মখোয়গী মথৌ তাবশিংদা মীৎয়েঙ থমদুনা অখন্নবা স্ক্রিনিং লৈগনি‍।

সেক্সন অসিদা উৎকদৌরিবা ফিল্মশিংদা ইম্বেদেদ সবতাইতলশিং, লোয়ননা ওদিও দেস্ক্রিপসন য়াওগনি‍। ওদিও দেস্ক্রিপসন হায়বসি ফিল্ম অমদা য়াওরিবা ভিজুএল ইনফোর্মেসনশিংবু ৱারী ওইনা লীদুনা খঙহল্লিবা অখন্ননা শেম্লবা ওদিও ত্রেকশিংনি‍। অয়েংবশিংনা মসিবু তাবা ফংগনি, অমদি ফিল্মগী মচাকশিং য়েংবা ফংদবশিংদা পাউদম্মী‍।

মখা তানা, রিচার্দ এত্তেনবোরোগী ওস্কার ফংখ্রবা ফিল্ম গান্ধী অমদি অনন্থ নারায়ন মহাদেবন্না দাইরেক্স পীবা দি স্তোরীতেল্লর অসিনচিংবা, আই.এফ.এফ.আই.গী ‘দিব্যাংজন’ সেক্সনদা উৎকদবা ফিল্মশিং অসি ওদিএ দেস্ক্রিপ্সন অমদি সবতাইতলশিং য়াওগনি‍। মসিনা মখোয়বু মীমান্নদ্রবা ফিল্মদা ঙাওজবশিংদা মহাও লৌবা ফংহন্দুনা পুম্নমক কোনশিনবগী ৱাখল্লোন য়োকখৎকনি‍।

রিচার্দ এত্তেনবোরোগী ওস্কার ফংখ্রবা গান্ধী

অনন্থ নারায়ন মহাদেবন্না দাইরেক্সন পীবা দি স্তোরীতেল্লর

কলা শেম্বগী থৌওং পুম্নমক্না মহাও লৌবা য়াহন্নবগী পান্দমদা, ফিল্ম এন্দ তেলিভিজন ইন্সতিত্যুৎ ওফ ইন্দিয়ানা মীমান্নদ্রবা মীওইশিংগীদমক – ওতিজম লৈবা মীওইশিংগীদমক স্মার্তফোন ফিল্ম মেকিংগী বেসিক কোর্স অমদি হ্বীলচ্যেরদা তাংদুনা লৈরবা মীওইশিংগীদমক স্ক্রীন এক্তিংগী বেসিক কোর্স – হায়রিবা কোর্স অনি অসি আই.এফ.এফ.আই. ৫৩গী শরুক অমা ওইনা লেম্না নবেম্বর ২১ – ২৮, ২০২২ ফাওবা পাঙথোক্কনি‍।

মথক্তা পল্লিবশিং অসিগী মথক্তা ভেন্যুগী ইনফ্রাস্ত্রকচরশিংসু দিব্যাংজনশিংগী অখন্নবা মথৌ তাবশিং য়েংলগা নৌনা শেমদোক শাদোক্লে‍। ফিল্মশিং উৎকদৌরিবা ই.এস.জি. অমদি অতৈ মফমশিং রেম্প, হেন্দরেল, দিব্যাংজন-ফ্রেন্দলী ৱাল্কৱে, পার্কিং স্পেস, রেত্রোফিত্তেদ তোইলেৎ, ব্রাইলদা সাইনবোর্দ থেৎপনচিংবা খুদোংচাবশিং থমদুনা খোঙলৌ পল্লৌদবা ওইহল্লে‍।

ব্রাইল ময়েক্তা থেৎপা সাইনবোর্দ

তোইলেত্তা খোঞ্জেলদা য়ুম্ফম ওইবা এসিস্তেন্ত সিস্তেম

লায়না খঙবা য়াবা সাইনবোর্দশিং য়াওবা দিব্যাংজন ফ্রেন্দলী পার্কিং স্পেসশিং

লায়না চঙথোক চঙশিন য়াহন্নবগীদমক তেক্তাইল ৱাল্কৱে

বেকগ্রাউন্দ:

এসেসিবিলিতী ইন্দিয়া (সুগম্য ভারত) কেম্পেন্না – বিল্ত অপ এনভাইরনমেন্ত, ত্রান্সপোর্তেসন ইকোসিস্তেম অমদি ইনফোর্মেসন অমসুং কম্ম্যুনিকেসন ইকোসিস্তেম – হায়রিবা ভর্তিকেল অহুম অসিদা পান্দম থম্নবা ৱাফম থম্লি‍।

কেম্পেন অসিদা ভারতকী ত্রান্পোর্ত, পব্লিক স্পেস, তুরিস্ত মফমশিং, ইন্তরনেস্নেল এয়রপোর্তশিং, রেলৱে স্তেসনশিং অমদি ইনফোর্মেসন অমসুং কম্ম্যুনিকেসন তেক্নোলোজীবু দিফরেন্তলী-এবল ফ্রেন্দলী ওইহন্নবা থৌরাং য়াওরি‍।

মচাকশিং:

https://pib.gov.in/PressReleasePage.aspx?PRID=1875884

https://www.un.org/development/desa/disabilities/about-us/sustainable-development-goals-sdgs-and-disability.html

https://www.ftii.ac.in/p/vtwa/basic-course-in-screen-acting-21st-to-28th-november-2022-for-individuals-on-wheelchair-in-goa

* * *