ఆధునిక కుటుంబ నియంత్రణ పద్ధతులను మెరుగుగా అందుబాటులో ఉంచడంలో దేశం చేసిన కృషికి గణనీయమైన అభివృద్ధి, గుర్తింపుపై థాయ్‌లాండ్‌లోని పట్టాయా నగరంలో అంతర్జాతీయ కాన్ఫరెన్స్‌లో 'దేశం విభాగంలో' లీడర్‌షిప్ ఇన్ ఫ్యామిలీ ప్లానింగ్ (ఎక్స్‌సెల్) అవార్డులు-2022ను అందుకున్న ఏకైక దేశం భారత్. 

కుటుంబ నియంత్రణను మెరుగుపరచడంలో భారతదేశ విశేషమైన ప్రయత్నాలను అభినందిస్తూ, ఆరోగ్య, కుటుంబ సంక్షేమ మంత్రి డాక్టర్. మన్సుఖ్ మాండవియా తన ఆనందాన్ని వ్యక్తం చేస్తూ ఒక ట్వీట్‌చేశారు. 

@ICFP2022 ద్వారా భారతదేశం ప్రతిష్టాత్మకమైన ఎక్సెల్ అవార్డును గెలుచుకుంది - కుటుంబ నియంత్రణలో నాయకత్వం. సరైన సమాచారం, నమ్మకమైన సేవల ఆధారంగా నాణ్యమైన కుటుంబ నియంత్రణ ఎంపికలను పొందేందుకు ప్రధానమంత్రి నరేంద్రమోదీ జీ నాయకత్వంలో భారతదేశం చేస్తున్న కృషికి ఈ అవార్డు గుర్తింపుగా చెప్పవచ్చు.

భారతదేశం ప్రాప్యతను మెరుగుపరచడంలో మాత్రమే కాకుండా ఆధునిక గర్భనిరోధక పద్ధతులను అవలంబించడంలో కూడా అద్భుతమైన పురోగతిని సాధించింది, తద్వారా కుటుంబ నియంత్రణ గురించి సమాచారం ఎంపిక చేసుకునేందుకు జంటలకు వీలు కల్పిస్తాయి. ఇవి జాతీయ కుటుంబ ఆరోగ్య సర్వే (ఎన్ఎఫ్హెచ్ఎస్) - 5 డేటాలో ప్రతిబింబిస్తాయి. ఎన్ఎఫ్హెచ్ఎస్-5 డేటా ప్రకారం, మొత్తం గర్భనిరోధక వ్యాప్తి రేటు (సీపీఆర్) దేశంలో ఎన్ఎఫ్హెచ్ఎస్-4 లో 54 శాతం నుండి 67 శాతానికి గణనీయంగా పెరిగింది. అదేవిధంగా కుటుంబ నియంత్రణ అవసరాలు 13 శాతం నుండి 9 శాతానికి గణనీయంగా తగ్గాయి. 

ప్రస్తుతం భారతదేశంలో 15-49 ఏళ్ల మధ్య వయసున్న వివాహిత మహిళల్లో కుటుంబ నియంత్రణ విషయంలో సంతృప్తి కరమైన రేటు, 2015-16లో 66 శాతం నుండి 2019-21లో 76 శాతానికి పెరిగింది. ఇది ఇప్పటికే ప్రపంచవ్యాప్తంగా 2030కి నిర్దేశించిన 75 ఎస్డిజి లక్ష్యాన్ని అధిగమించింది. ప్రభుత్వం  ఎన్ఎఫ్హెచ్ఎస్-5 డేటా ప్రకారం, 68% ఆధునిక గర్భనిరోధక వినియోగదారులు తమ పద్ధతిని ప్రజారోగ్య రంగం నుండి పొందుతున్నారు అనే వాస్తవంలో ఆధునిక గర్భనిరోధకాలకు సులభమైన మరియు సరసమైన ప్రాప్యతను మెరుగుపరచడంపై దృష్టి కేంద్రీకరించడం జరిగింది. కుటుంబ నియంత్రణలో లేని అవసరాలను తగ్గించడానికి ప్రభుత్వ ప్రధాన కార్యక్రమాలలో ఒకటైన మిషన్ పరివార్ వికాస్, మొత్తం అభివృద్ధిలో కీలకమైన అంశం. 

కుటుంబ నియంత్రణపై అంతర్జాతీయ కాన్ఫరెన్స్ (ఐసిఎఫ్పి) ప్రపంచవ్యాప్తంగా 120 కంటే ఎక్కువ దేశాలు, సంస్థలు, వ్యక్తులు ప్రపంచంలోనే అతిపెద్ద శాస్త్రీయంగా విజయాలు సాధించేందుకు, కుటుంబ నియంత్రణ, పునరుత్పత్తి ఆరోగ్యంపై సమావేశం ప్రపంచ వేదికను అందించింది. . ఈ కార్యక్రమానికి ప్రత్యక్షంగా  3500 మంది ప్రతినిధులు, వర్చువల్ ప్లాట్‌ఫారమ్‌లో పదివేల మంది హాజరయ్యారు.

****