ଏକ ମାସ ଧରି ଚାଲୁଥିବା "କାଶୀ ତାମିଲ ସଙ୍ଗମମ” ସମୟରେ ଭାରତୀୟ ରେଳବାଇ ତାମିଲନାଡୁରୁ ଉତ୍ତରପ୍ରଦେଶର କାଶୀ ପର୍ଯ୍ୟନ୍ତ ମୋଟ ୧୩ ଟି ରେଳଗାଡି ଚଳାଇବ । କାଶୀ ତାମିଲ ସଙ୍ଗମମ ପାଇଁ ୨୧୬ ପ୍ରତିନିଧିଙ୍କୁ ନେଇ ପ୍ରଥମ ରେଳଗାଡି ଆଜି ତାମିଲନାଡୁର ରାମେଶ୍ୱରମରୁ ଯାତ୍ରା ଆରମ୍ଭ କରିଛି । ତାମିଲନାଡୁ ଛାଡୁଥିବା ପ୍ରଥମ ଟ୍ରେନରେ ଅଂଶଗ୍ରହଣ ପାଇଁ ରମେଶ୍ୱରମର ପ୍ରାୟ ୩୫ ପ୍ରତିନିଧି, ତିରୁଚିରାପଲ୍ଲୀରୁ ୧୦୩ ଏବଂ ଚେନ୍ନାଇ ଏଗମୋରରୁ ୭୮ ଜଣ ଯିବେ । ତାମିଲନାଡୁର ରାଜ୍ୟପାଳ ଥିରୁ ଆର.ଏନ. ରବି ଆସନ୍ତାକାଲି (୧୭-୧୧-୨୦୨୨)ରେ ଚେନ୍ନାଇ ଏଗମୋରରେ ପତାକା ଦେଖାଇ ରେଳ ଯାତ୍ରାର ଶୁଭାରମ୍ଭ କରିବେ । ଏହି ଉତ୍ସବରେ ଭାରତ ସରକାରଙ୍କ ସୂଚନା ଓ ପ୍ରସାରଣ, ମତ୍ସ୍ୟ ଓ ପଶୁପାଳନ ରାଷ୍ଟ୍ରମନ୍ତ୍ରୀ ଡକ୍ଟର ଏଲ.ମୁରୁଗନ ଉପସ୍ଥିତ ରହିବେ ।

ଏହି ଟ୍ରେନ୍ ସେବା ତାମିଲନାଡୁର ୨୫୯୨ ପ୍ରତିନିଧିଙ୍କୁ ନେଇ ଯିବ । ପ୍ରତିନିଧିମାନେ ରାମେଶ୍ୱରମ୍, କୋଏମ୍ବାଟୁର ଏବଂ ଚେନ୍ନାଇରୁ ଯାତ୍ରା ଆରମ୍ଭ କରିବେ । ଏହି ଟ୍ରେନ୍ ଗୁଡିକ ୨୧ ଟି ଷ୍ଟେସନରେ ଅଟକି ରହିବ । ପ୍ରତ୍ୟେକ ରେଳ ୨୧୬ ଯାତ୍ରୀଙ୍କୁ ନେଇ ଯିବ ।

କାଶୀ ତାମିଲ ସଙ୍ଗମମ ୨୦୨୨ ହେଉଛି ଆଜାଦି କା ଅମୃତ ମହୋତ୍ସବର ଏକ ଅଂଶ ଭାବରେ ଭାରତ ସରକାରଙ୍କ ଏକ ପଦକ୍ଷେପ । ଏହା "ଏକ ଭାରତ ଶ୍ରେଷ୍ଠ ଭାରତ” ର ଆବେଗର ଉତ୍ସବ ହେବ ଏବଂ ତାମିଲ ଭାଷା ତଥା ସଂସ୍କୃତିର ସୁନ୍ଦରତା ମଧ୍ୟ ପାଳନ କରିବ ।

ଏକ ମାସ ଧରି ଚାଲିବାକୁଥିବା ‘କାଶୀ ତାମିଲ ସଙ୍ଗମମ' କାର୍ଯ୍ୟକ୍ରମ ବାରାଣାସୀରେ ନଭେମ୍ବର ୧୭ ରୁ ଡିସେମ୍ବର ୧୬ ପର୍ଯ୍ୟନ୍ତ ଆୟୋଜିତ ହେବ ଏବଂ କାଶୀ ଏବଂ ତାମିଲନାଡୁ ମଧ୍ୟରେ ଶତାବ୍ଦୀ ପୁରୁଣା ଜ୍ଞାନର ବନ୍ଧନ ଏବଂ ପ୍ରାଚୀନ ସଭ୍ୟତା ସଂଯୋଗକୁ ପୁନଃ ଆବିଷ୍କାର କରିବ ।

ଆଇଆଇଟି ଏବଂ ବିଏଚୟୁ କାର୍ଯ୍ୟକ୍ରମର ଏକ ଅଂଶ ଭାବରେ, ଭାରତୀୟ ସଂସ୍କୃତିର ଦୁଇଟି ପ୍ରାଚୀନ ପ୍ରକାଶନର ବିଭିନ୍ନ ଦିଗ ଉପରେ ବିଶେଷଜ୍ଞ / ବିଦ୍ୱାନଙ୍କ ମଧ୍ୟରେ ଜ୍ଞାନର ଆଦାନପ୍ରଦାନ - ଆଲୋଚନା ଇତ୍ୟାଦି ଅନୁଷ୍ଠିତ ହେବ ଏବଂ ଉଭୟଙ୍କ ମଧ୍ୟରେ ସମ୍ପର୍କ ଏବଂ ଅଂଶୀଦାରିତ ମୂଲ୍ୟବୋଧ ଉପରେ ଧ୍ୟାନ ଦିଆଯିବ । ଏହାର ବ୍ୟାପକ ଉଦ୍ଦେଶ୍ୟ ହେଉଛି ଦୁଇଟି ଜ୍ଞାନ ଏବଂ ସାଂସ୍କୃତିକ ପରମ୍ପରାକୁ ନିକଟତର କରିବା, ଆମର ସହଭାଗୀ ଐତିହ୍ୟର ସୃଷ୍ଟି ଏବଂ ବୁଝାମଣା ଏବଂ ଅଞ୍ଚଳଗୁଡିକ ମଧ୍ୟରେ ଲୋକମାନଙ୍କ ବନ୍ଧନକୁ ସୁଦୃଢ କରିବା ।

ଅଧିକ ବିବରଣୀ ପାଇଁ, ଦୟାକରି ପରିଦର୍ଶନ କରନ୍ତୁ https://kashitamil.iitm.ac.in/

****

HS/PS