ইনফোর্মেসন অমসুং ব্রোদকাস্তিং মন্ত্রালয়
প্রধান মন্ত্রীনা আই.এফ.এফ.আই. ৫৩গী য়াইফ-পাউজেল পীরক্লি
“গোৱাদা তিল্লরিবা অপীকপা মালেম অসিদা ৱারী-ৱাতায় শানবনা কলাগী তাইবংদা হেন্না মমুৎ তানা খঙননবা অমদি অনৌবা কয়া তমশিন্নবা খুদোংচাবা পীগনি”
Posted On:
18 NOV 2022 5:47PM by PIB Imphal
#IFFIWood, নবেম্বর ১৮, ২০২২
ভারতকী প্রধান মন্ত্রী নরেন্দ্র মোদীনা আই.এফ.এফ.আই., ইন্তরনেস্নেল ফিল্ম ফেস্তিবেল ওফ ইন্দিয়া অসিনা, সিনেমানা পুনশিল্লিবা, তোঙান তোঙানবা লৈবাক অমসুং খুন্নাইশিংদগী লাক্লিবা দেলিগেৎশিংগী মরক্তা ইচঙ থৌবা মরী অমা শেমগৎলি হায়খ্রে। আই.এফ.এফ.আই.বু ভারতকী খ্বাইদগী চাউবা ফিল্ম ফেস্তিবেল অমা ওইনা তাক্লদুনা, প্রধান মন্ত্রীনা “গোৱাদা তিল্লরিবা অপীকপা মালেম অসিদা ৱারী-ৱাতায় শানবনা কলাগী তাইবংদা হেন্না মমুৎ তানা খঙননবা অমদি অনৌবা কয়া তমশিন্নবা খুদোংচাবা পীগনি” হায়না থাজবা ফোঙদোকখি।
মহাক্কী পাউজেলদা, প্রধান মন্ত্রীনা আই.এফ.এফ.আই. অমদি ভারতকী সিনেমানা মালেমগী ফম্পাক্তা মশাগী ওইবা মফম অমা কল্লি হায়বা ৱাফম থমখি। “ভারতকী তোঙান তোঙানবা লোলশিংদা পুথোক্লিবা ফিল্মশিংনা হেন্না পাক চাউবা মালেমগী অয়েংবশিংদা য়ৌশিল্লি অমদি মালেম শিনবা থুংনা শিংথানবা হেনগৎলক্লি।”
প্রধান মন্ত্রীনা খুন্নাইগী মশক মওং উৎপদা অমদি শেমবদা সিনেমাগী শক্লোনগী মরমদা মহাক্কী ৱাখল্লোনশিং ফোঙদোকখি। “ঙসিদগী চহিচা অমা হেন্না, সিনেমানা মালেম পুম্বগী মীয়ামগী পুক্নিংগী ইহুলবু উত্তুনা লাক্লি। সিনেমাদা ঐখোয়গী মতমসিগী খুন্নাইগী মশক মওংগী মমি তারি অমদি শেম্লি।”
প্রধান মন্ত্রীনা খুন্নাইদা অওনবা পুরকপদা ফিল্মগী নরেতিব পৱার অমদি ভারতকী লোলশিংগী ইনাক খুল্লবা পুৱারী অমসুং ৱারী লিবগী কলাগী মরমদা ৱাফম কয়া ফোঙদোকখি। “ফিল্মশিং অসিদা পলশিং নমখায়নবা অমদি অয়েংবশিংগী পুক্নিংগী ওইবা মরী শেমগৎনবগী তোপ তোপ্পা মতিং অমা য়াওরি। মুভীশিংনা মখোয়গী মতিং লৈরবা ৱারী লিবগী থৌওংগী খুত্থাঙদা মীয়ামবু নুংঙাইহল্লি, মহৈ মশিং তম্বি অমদি পুক্নিংসু থৌগৎলি। খুন্নাইদা অওনবা পুরক্নবগী পাম্বৈ অমা ওইনা মখোয়দা লৈরিবা মতিং অসি তশেংনা ময়ামগা মান্নদে। ভারত অসি ইনাক খুল্লবা অমদি খেন্নবা নাৎ, চৎনবী অমদি মতমসিগী ওইবা মওং মতৌ পুনশিনবগী ফজরবা মশক লৈ। ৱারেং, শৈরেং, ঈশৈ, প্লে, দ্রামানচিংবদগী সিনেমা ফাওবদা লৈরিবা ভারতকী তোঙান তোঙানবা লোলশিংগী পুৱারী অমদি ৱারী লিবগী কলাশিং অসিনা ঐখোয়গী মশক মচু ফজরবা লেন্দস্কেপ অসিবু সেলেব্রেত তৌবা ঙমহল্লি।”
প্রধান মন্ত্রীনা গোৱা অসি ফেস্তিবেল অসিগী চপ চারবা মফম্নি অমদি মসিনা ফেস্তিবেল দেলিগেৎশিংবু সিনেমাবু হেন্না পাক চাউবা অয়েংবশিংদা য়ৌবা ঙমহনগদবা অনৌবা ৱাখল্লোনশিং পুথোরক্নবগীমক পুক্নিং থৌগৎগনি হায়খি। “মফমসিগী মহৌশাগী ফজবা অমদি মচু মমেন্না থল্লবা নাৎকা লোয়ননা, গোৱানা আই.এফ.এফ.আই. পাঙথোক্নবগী চপ চারবা মফম অমা পীরি। গোৱানা শরুক য়ারিবশিংগী ক্রিএতিব ইমাজিনেসন হেনগৎহন্দুনা, সিনেমাবু হেন্না পাক চাউবা অয়েংবশিংগী মফমদা য়ৌশিনহনবা ঙমহনগদবা অনৌবা ৱাখল্লোনশিং পুথোরক্নবগীদমক পুক্নিং থৌগৎকনি হায়না ঐনা থাজৈ।”
প্রধান মন্ত্রীনা আই.এফ.এফ.আই.গী ৫৩শুবা ইদিসন অসি মায় পাক্না পাঙথোক্নবগীদমক য়াইফ-পাউজেল পীখি।
***
(Release ID: 1877172)
Visitor Counter : 141