• وزیر موصوف نے کہا کہ لانچ اسرو کے سفر میں ایک اہم سنگ میل کی نشاندہی کرے گا، انہوں نے مزید کہا کہ وزیر اعظم مودی نے 2020 میں خلائی شعبے کو نجی شراکت کے لیے کھول دیا تھا۔
• وکرم راکٹ لانچ داخلے کی رکاوٹوں کو توڑ کر لاگت سے موثر سیٹلائٹ لانچ خدمات کے لیے ایک برابر کا میدان کھولے گا: ڈاکٹر جتیندر سنگھ

بھارتی خلائی تحقیقی ادارہ (اسرو) جمعہ کو تاریخ رقم کرے گا جب وہ پہلا نجی راکٹ لانچ کرے گا اور ہندوستان کی آزادی کے 75 سال کے سفر میں ایک نیا سنگ میل طے کرے گا۔

یہ معلومات آج یہاں سائنس و ٹیکنالوجی اور ارضیاتی سائنسز کے مرکزی وزیر مملکت (آزادانہ چارج) اور وزیراعظم کے دفتر، عملہ، عوامی شکایات، پنشن، ایٹمی توانائی اور خلا کے وزیر مملکت ڈاکٹر جتیندر سنگھ نے دی،جو سری ہری کوٹا، آندھرا پردیش میں 18 نومبر کو تاریخی پہلے پرائیویٹ وکرم-سبوربیٹل(وی کے ایس) راکٹ کی لانچنگ کا مشاہدہ کرنے کے لیے وہاں موجود ہوں گے۔

ڈاکٹر جتیندر سنگھ نے 18 نومبر کو صبح 11 بجے ہونے والے لانچ سے قبل آج ایک میڈیا بیان جاری کرتے ہوئے کہا کہ وزیر اعظم نریندر مودی نے دو سال قبل ہندوستان کے خلائی شعبے کو نجی شراکت کے لیے کھول دیا تھا، جس کے بعد اٹھایا گیا یہ قدم اسرو کے سفر میں اہم سنگ میل ثابت ہوگا۔

ڈاکٹر جتیندر سنگھ نے بتایا کہ یہ وی کے ایس راکٹ ایک غیر سرکاری تنظیم/اسٹارٹ اپ،اسکائی روٹ ایرواسپیس پرائیویٹ لمیٹیڈ (ایس اے پی ایل) کی طرف سے تیار کیا گیا ہے، یہ ایک سنگل سٹیج اسپن سٹیبلائزڈ ٹھوس پروپیلنٹ راکٹ ہے جس کا وزن تقریباً 550 کلوگرام ہے۔ انہوں نے کہا کہ راکٹ زیادہ سے زیادہ 100 کلومیٹر کی بلندی تک پہنچ کر سمندر میں گرے گا اور لانچ کا کل دورانیہ صرف 300 سیکنڈ ہوگا۔

ڈاکٹر جتیندر سنگھ نے کہا کہ اسکائی روٹ پہلا اسٹارٹ اپ ہے جس نے اپنا راکٹ لانچ کرنے کے لیے اسرو کے ساتھ مفاہمت نامے پر دستخط کیے ہیں۔ انہوں نے کہا کہ ملک کا پہلا پرائیویٹ راکٹ لانچ ہونے کے علاوہ یہ ‘پرارمبھ’ نامی اسکائی روٹ ایرو اسپیس کا پہلا مشن بھی ہوگا۔ یہ خلا میں کل تین پے لوڈ لے جائے گا، جس میں ایک پے لوڈ غیر ملکی ہے۔

وزیر موصوف نے کہا کہ اس کے ذریعے داخلے کی رکاوٹوں کو توڑ کر سرمایہ کاری مؤثر سیٹلائٹ لانچ سروسز میں ایک لیول پلیئنگ فیلڈ حاصل کیا جائے گا اور خلائی پروازوں کو سستا اور قابل اعتماد بنانے میں اسٹارٹ اپس کی مدد بھی ہوگی۔

ڈاکٹر جتیندر سنگھ نے کہا کہ خلائی اصلاحات نے اسٹارٹ اپس کے لیے اختراعی امکانات پیدا کیے ہیں۔ تین سے چار سال پہلے ہمارے پاس کچھ خلائی اسٹارٹ اپس تھے لیکن بہت ہی کم وقت میں آج ہمارے پاس 102 اسٹارٹ اپس جدید ترین شعبوں مثلاً خلائی ملبہ مینجمنٹ، نینو سیٹلائٹ، لانچ وہیکلز، گراؤنڈ سسٹم، ریسرچ میں کام کر رہے ہیں۔ وزیر موصوف نے کہا کہ تحقیق اور ترقی، تعلیمی برادری اور صنعت کے یکساں شراکت داری کے ساتھ یہ کہنا بالکل درست ہے کہ اسرو کی قیادت میں نجی شعبے اور اسٹارٹ اپس کے ساتھ خلائی انقلاب برپا ہو رہا ہے۔

عڈاکٹر جتیندر سنگھ نے اس بات پر زور دیا کہ وزیر اعظم مودی نے ملک کو اس قابل بنایا ہے کہ وہ ہندوستان کی سائنس، ٹیکنالوجی، اختراعی صلاحیتوں کے لیے عالمگیر شناخت حاصل کر سکے اور آج ہمارے اسٹارٹ اپس کی بہت زیادہ مانگ ہے۔ انہوں نے کہا کہ آج پوری دنیا ہندوستان کو ایک متاثر کن مقام کے طور پر دیکھ رہی ہے کیونکہ وہ ابھرتے ہوئے ممالک کی صلاحیت سازی، سیٹلائٹ اور نینو سیٹلائٹ مینوفیکچرنگ میں مدد کر رہا ہے۔

خلائی ٹیکنالوجی کے مختلف شعبوں جیسے ریلوے، ہائی ویز، زراعت، واٹر میپنگ، سمارٹ سٹیز، ٹیلی میڈیسن اور روبوٹک سرجری کا حوالہ دیتے ہوئے، جس نے عام آدمی کے لیے 'زندگی میں آسانی' لایا، ڈاکٹر جتیندر سنگھ نے کہا کہ ایٹمی انرجی کی اسی طرح کی ایپلی کیشنز شعبوں مثلاً جوہری زراعت اور فصل کی بہتری، پودوں اور مٹی کی صحت کے لیے زرعی ٹیکنالوجیز اور خوراک کے تحفظ کے لیے ریڈی ایشن ٹیکنالوجیز، پھلوں اور سبزیوں کی ریڈی ایشن پروسیسنگ اور فصل کی نشوونما اور پانی کے تحفظ کو بڑھانے کے لیے تابکاری پر مبنی ٹیکنالوجیز توانائی کے شعبے سیٹلائٹ لانچ اور صاف توانائی کی پیداوار کے اپنے روایتی کرداروں سے الگ خلائی اور ایٹم کے ترقیاتی مینڈیٹ کی بہترین مثالیں ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 12613)