তুরিজম মন্ত্রালয়
শ্রী জি. কিসন রেদ্দিনা নবেম্বর ১৭তা আইজোলদা পাংথোক্কদবা অৱাং-নোংপোক লমদমগী ১০শুবা ইন্তরনেসনেল তুরিজম মার্ত্তা ৱা ঙাংগনি
ইন্তরনেসনেল তুরিজম মার্ত ২০২২না “তুরিজম ত্রেক্কীদমক জি-২০গী মরুওইবা’ হায়বা অসিদা মীৎয়েং থমগনি
Posted On:
16 NOV 2022 5:47PM by PIB Imphal
মরুওইবা ৱাফমশিং:
- আই.তি.এম ২০২২গী পান্দমদি লৈবাক মনুং অমসুং মালেমগী মীয়ামদা অৱাং-নোংপোক লমদমগী তুরিজমগী মগুনশিং খঙহনবনি
- মার্ত অদুদা অৱাং-নোংপোক্কী রাজ্য নিপালনা মখোয়গী তুরিজমগী মফমশিং উৎকনি, কলচরগী থৌরমশিং পাংথোক্কগনি, আইজোল মনুং অমসুং অকোয়বদা লৈবা ফজরবা মফমশিং য়েংহনবা য়াওরি
ভারত সরকারগী তুরিজম মিনিস্ত্রিনা শীন্দুনা মিজোরমগী আইজোলদা নবেম্বর ১৭দগী নবেম্বর ১৯ ফাওবা ১০শুবা ইন্তরনেসনেল তুরিজম মার্ত(আই তি এম) পাংথোক্কনি। য়ুনিয়ন তুরিজম মিনিস্তর শ্রী জি. কিসন রেদ্দিনা অৱাং-নোংপোক লমদমগী ১০শুবা ইন্তরনেসনেল তুরিজম মার্ত হৌদোকপা থৌরমদা ৱা ঙাংগনি। আই.তি.এম ২০২২গী পান্দমদি লৈবাক মনুং অমসুং মালেমগী মীয়ামদা অৱাং-নোংপোক লমদমগী তুরিজমগী মগুনশিং খঙহনবনি। হৌদোকপা থৌরম অদুদা মিজোরমগী চীফ মিনিস্তর শ্রী জোরমথাঙ্গাশু শরুক য়াগনি।
নুমিৎ অহুম্নিগী আই.তি.এম অদুদা অৱাং-নোংপোক লমদমগী তুরিজম মিনিস্তরশিং, অৱাং-নোংপোক রাজ্যশিংগী সেনিয়র ওফিসিএলশিং, রাজ্য সরকারশিং অমসুং তুরিজম অমসুং হোস্পিতেলিতি এসোসিএসনশিংগী লুচিংবশিং শরুক য়াগনি।
লাক্লিবা দিশেম্বর ১, ২০২২দগী চহি অমগী ওইনা ভারতনা জি-২০গী প্রসিদেন্দ ওইগদৌরিবা অসি য়েংলগা, থৌরম অসি “তুরিজম ত্রেক্কীদমক জি-২০গী মরুওইবা’ হায়বা অসিদা মীৎয়েং থমগনি। মার্ত অসিনা অৱাং-নোংপোক রাজ্যশিংগী তুরিজমগী বিজিনেসকী লমদা থবক থৌরিবশিং অমসুং ওন্ত্রেপ্রেনিউয়রশিং অমতা ওইনা পুন্নবা খুদোংচাবা পীগনি। থৌরম অসিগী থৌরাং তৌবা লোইরে অমসুং বয়রশিং, সেল্লরশিং, মেদিয়া, সরকারগী এজেন্সিশিং অমসুং অতোপ্পা মরী লৈনবশিং ৱা তান্নগনি।
মার্ত অদুদা অৱাং-নোংপোক্কী রাজ্য নিপালনা মখোয়গী তুরিজমগী মফমশিং উৎকনি, কলচরগী থৌরমশিং পাংথোক্কগনি, আইজোল মনুং অমসুং অকোয়বদা লৈবা ফজরবা মফমশিং য়েংহনবা য়াওরি। মার্ত অসিদা বি২বি মীফম পাংথোক্তুনা লৈবাক্কী তোঙান-তোঙানবা মফমশিংদগী লাকপা বয়রশিংগা অৱাং-নোংপোক্কী সেল্লরশিংগা অমমমতা ওইনা মীফমশিং পাংথোক্কনি। শরুক য়াগদৌরিবা রাজ্যশিংগী তুরিজমগী পোৎথোকশিং উৎনবা ফজরবা হেন্দিক্রাফ অমসুং হেন্দলুমগী পোৎথোকশিং একজিবিসন অমসু পাংথোক্কনি।
মফম হোঙ-হোঙদুনা অৱাং-নোংপোক্কী রাজ্যশিংদা ইন্তরনেসনেল তুরিজম মার্ত পাংথোক্লি। অহানবা ওইনা মিজোরমদা মার্ত অসি পাংথোক্কদবনি। মার্ত অসিগী ইদিসনশিং গুৱাহাতি, তৱাং, সিল্লোং, গেঙতোক, অগর্তালা, ইম্ফাল অমসুং কোহিমাদা পাংথোকখ্রে।
*****
(Release ID: 1876610)
Visitor Counter : 172