ரயில்களில் உணவு வழங்கல் சேவைகளை மேம்படுத்துவதற்காக, பல்வேறு மாநிலங்களைச் சேர்ந்த பாரம்பரிய உணவு வகைகள், பருவகால உணவு வகைகள், பண்டிகைக் கால உணவுகள், பயணிகளின் தேவை மற்றும் விருப்பத்துக்கேற்ற உணவுப் பொருட்கள் ஆகியவற்றை உள்ளடக்கும் வகையில் உணவுப் பட்டியல் தொகுப்பைத் தனிப்பயனாக்குவதற்கான நெகிழ்வுத் தன்மையை,  இந்திய ரயில்வே உணவு வழங்கல் மற்றும் சுற்றுலாக் கழகமான ஐஆர்சிடிசி-க்கு வழங்க ரயில்வே அமைச்சகம் முடிவு செய்துள்ளது. நீரிழிவு நோயாளிகளுக்கான  உணவு, குழந்தைகளுக்கான உணவு, சிறு தானிய அடிப்படையிலான உள்ளூர் தயாரிப்புகள் உள்ளிட்ட ஆரோக்கிய உணவு விருப்பத் தேர்வுகள் இதில் அடங்கும்.  அதன்படி, பின்வரும் அம்சங்களுக்கு ஒப்புதல் அளிக்கப்பட்டுள்ளது.

பயணிகள் கட்டணத்தில் உணவுக்கான கட்டணங்கள் சேர்க்கப்பட்டுள்ள, முன்கூட்டியே உணவுக்கான கட்டணம் செலுத்தும் ரயில்களில், உணவுப் பட்டியலை ஏற்கனவே அறிவிக்கப்பட்ட கட்டணத்திற்குள் ஐஆர்சிடிசி முடிவு செய்யும். கூடுதலாக, இந்த ப்ரீபெய்ட் உணவுக் கட்டண ரயில்களில், தனிப்பட்டியல் உணவுகள் (A-la-carte meals) மற்றும் பிராண்டட் உணவுப் பொருட்களை குறைந்தபட்ச சில்லறை விலையில் விற்பனை செய்யவும் அனுமதிக்கப்படும். அத்தகைய தனிப்பட்டியல் (a-la-carte) உணவுகளின் பட்டியல் மற்றும் கட்டணத்தை ஐஆர்சிடிசி முடிவு செய்யும்.

2. ஏ) மற்ற மெயில்/எக்ஸ்பிரஸ் ரயில்களால், நிலையான உணவுகள் போன்ற குறைந்த விலைப் பிரிவுப் பொருட்களின் பட்டியல் ஐஆர்சிடிசி-யால் ஏற்கனவே அறிவிக்கப்பட்ட நிலையான கட்டணத்திற்குள் வழங்கப்படும். ஜனதா எனப்படும் குறைந்த விலை உணவின் பட்டியல் மற்றும் கட்டணம் மாறாமல் இருக்கும்.

பி) மெயில்/எக்ஸ்பிரஸ் ரயில்களில் தனிப்பட்ட தேவை (ஏ-லா-கார்டே) உணவு வகைகள் மற்றும் பிராண்டட் உணவுப் பொருட்களை குறைந்தபட்ச சில்லறை விலையில் விற்பனை செய்ய அனுமதிக்கப்படும். அத்தகைய உணவுகளின் பட்டியல் மற்றும் கட்டணத்தை ஐஆர்சிடிசி முடிவு செய்யும்.

3) உணவு பட்டியலைத் தீர்மானிக்கும் போது, ​​ கீழ்க்கண்டவற்றை ஐ ஆர் சி டி சி உறுதிசெய்யும்:

ஏ) உணவு மற்றும் சேவையின் தரம் மற்றும் தரநிலைகள் மேம்படுத்தப்பட்டு பராமரிக்கப்படும்.  அளவு மற்றும் தரத்தில் குறைப்பு, தரம் குறைந்த பிராண்டுகளின் பயன்பாடு போன்ற தேவையற்ற சம்பவங்களைத் தவிர்த்து பயணிகளுக்கு குறைகள் ஏற்படாதவாறு பாதுகாப்பு நடைமுறைகள் கட்டமைக்கப்படும்.

b) உணவுப் பட்டியல் தொகுப்பு, கட்டணத்திற்கு ஏற்ற தரத்துடன் இருக்க வேண்டும். மேலும் உணவுப் பட்டியல் பயணிகளின் தகவலுக்காக முன்கூட்டியே அறிவிக்கப்பட்டு, அறிமுகப்படுத்தப்படுவதற்கு முன் ரயில்வேக்கு தெரியப்படுத்தப்படும்.

---------------

SG/PLM/RS/IDS