0 3

75 نوجوان، جن کی عمریں 18 سے 35 سال کی عمر کے درمیان ہیں، حکومت کے ‘کل کے 75 تخلیقی اذہان’ اقدام کے ایک حصے کے طور پر بھارت کے بین الاقوامی فلم فیسٹول کے 53ویں ایڈیشن میں بطور مہمان خصوصی شرکت کریں گے۔ اسکریننگ / انتخاب کرنے والی جیوری اور پھر گرینڈ جیوری کے ذریعہ منتخب کردہ کل کے 75 تخلیقی اذہان کی فہرست بہت انتظار کے بعد اب باہر آچکی ہے۔ کل کے امید افزا سنیما ٹیلنٹ کا تعلق بھارت کی 19 مختلف ریاستوں یعنی آندھرا پردیش، آسام، دہلی، گوا، ہریانہ، کرناٹک، کیرالہ، مدھیہ پردیش، مہاراشٹر، منی پور، راجستھان، بہار، ہماچل پردیش، جموں و کشمیر، اڈیشہ، تمل ناڈو، اتر پردیش، جھارکھنڈ اور مغربی بنگال سے ہے۔ منتخب کردہ فاتحین میں سب سے زیادہ تعداد مہاراشٹر سے ہے۔ اس کے بعد تمل ناڈو اور دہلی، اترپردیش اور مغربی بنگال ہیں۔ جیتنے والوں کی فہرست، سنیما کے شعبے اور ریاست کے لحاظ سے یہاں دستیاب ہے۔

75 نوجوانوں کا انتخاب فلم سازی کے مختلف شعبوں یعنی ہدایت کاری، اداکاری، سنیماٹوگرافی، ایڈیٹنگ، اسکرپٹ رائٹنگ، پلے بیک سنگنگ، میوزک کمپوزیشن، کاسٹیوم اور میک اپ، آرٹ ڈیزائن اور اینیمیشن، ویژول ایفیکٹس (وی ایف ایکس)، اوگمنٹیڈ ریالٹی (اے آر) اور ورچوئل رئیلٹی (وی آر) میں ان کی مہارت کی بنیاد پر کیا گیا ہے۔ ہدایت کاری زمرے سے 15 فنکار، 13 ابھرتے ہوئے اداکار اور 11 فنکار ایڈیٹنگ کے شعبے سے ہیں۔

سب سے کم عمر جیتنے والے ہریانہ کے 18 سالہ نتیش ورما اور مہاراشٹر کے 18 سالہ توفیق منڈل ہیں، دونوں کو میوزک کمپوزیشن میں ان کی صلاحیتوں کی وجہ سے منتخب کیا گیا ہے۔ جیتنے والوں کی زیادہ سے زیادہ تعداد (23 فنکار) مہاراشٹر  سے ہے۔ اس کے بعد تمل ناڈو (9 فاتح) اور دہلی (6 تخلیقی اذہان) ہیں۔

‘‘کل کے 75 تخلیقی ذہن’’ کے دوسرے ایڈیشن میں چار نئے زمرے

ان مختلف شعبوں میں مہارت کے چار شعبوں کی نشاندہی کی گئی ہے اور کل کے 75 تخلیقی اذہان کے اس ایڈیشن میں یہ شامل کیے گئے ہیں۔ یہ چار نئے زمرے ہیں i) میوزک کمپوزیشن، ii) کاسٹیوم اور میک اپ، iii) آرٹ ڈیزائن اور iv) اینیمیشن / وی ایف ایکس / اے آر / وی آر۔ ان شعبوں کو غیر روایتی مہارتوں اور مہارت کو فروغ دینے اور زیادہ سے زیادہ لوگوں کو ان شعبوں میں کیریئر کے مواقع تلاش کرنے کی ترغیب دینے کے لیے متعارف کرایا گیا ہے۔

75 فاتحین کو بھارت کے بین الاقوامی فلم فیسٹول (افی) کے جشن میں شامل ہونے اور بین الاقوامی سنیما کے گرینڈ ماسٹرز کی طرف سے تیار کردہ سیشنز اور ورکشاپس میں شرکت کا موقع ملتا ہے۔ انہیں فلم بازار میں سنیما کے کاروبار کا مشاہدہ کرنے کا موقع بھی ملتا ہے - ایک پلیٹ فارم جس کا مقصد جنوبی ایشیائی اور بین الاقوامی فلمی برادریوں کے درمیان تعاون کی حوصلہ افزائی کرنا ہے۔ نوجوان فنکاروں کو 53 ویں افی تک مفت سفر، رہائش، مقامی سفر اور رسائی کی سہولت فراہم کی جا رہی ہے۔

75 ابھرتے ہوئے فنکار انڈیا 100@  پر مختصر فلمیں بنائیں گے۔

اپنے افی کے تجربے کو مزید دلچسپ اور پرجوش بنانے کے لیے 75 نوجوانوں کو 15 کے گروپس میں تقسیم کیا جائے گا تاکہ وہ ‘‘53 گھنٹے کے چیلنج’’ میں حصہ لے سکیں۔ مقابلہ انہیں چیلنج کرے گا کہ وہ 53 گھنٹوں میں انڈیا100@ کے اپنے آئیڈیا پر ایک مختصر فلم تیار کریں۔ یہ مقابلہ نیشنل فلم ڈیولپمنٹ کارپوریشن نے شارٹس ٹی وی کے تعاون سے چلایا ہے۔

کل کے 75 تخلیقی ذہنوں کی پہل مرکزی وزیر برائے اطلاعات و نشریات اور نوجوانوں کے امور اور کھیلوں کے وزیر انوراگ سنگھ ٹھاکر کے دماغ کی اختراع ہے۔ اس اقدام کا مقصد ملک کے تمام طول و عرض سے فلم سازی میں نوجوان تخلیقی صلاحیتوں کی شناخت، حوصلہ افزائی اور ان کی پرورش کرنا ہے۔

‘‘کل کے 75 تخلیقی ذہنوں کے دوسرے ایڈیشن کو تقریباً 1,000 اندراجات موصول ہوئے’’: وزیر اطلاعات و نشریات

کل کے 75 تخلیقی ذہنوں کے بارے میں اپنے وژن کا اشتراک کرتے ہوئے اطلاعات و نشریات کے مرکزی وزیر نے کہا کہ "کل کے 75 تخلیقی ذہنوں کے نوجوانوں، فنکاروں اور تخلیق کاروں کو، خاص طور پر دور دراز علاقوں سے سیکھنے، مشغول ہونے اور ہندوستانی فلم انڈسٹری کے لوگوں کے ساتھ رشتہ جوڑنے کے لیے مواقع کے ایک منفرد پلیٹ فارم کے طور پر تصور کیا گیا ہے۔ گوا میں منعقد ہونے والے بھارت کے بین الاقوامی فلم فیسٹول میں اس سال کل کے 75 تخلیقی ذہنوں کے دوسرے ایڈیشن میں پورے ہندوستان سے تقریباً 1,000 اندراجات موصول ہوئے، جن میں آسام کے لکھیم پور اور سونیت پور، اڈیشہ میں خوردہ، آندھرا پردیش میں کرشنا اور پرکاشم، تمل ناڈو کے تھینی اور مہاراشٹر کے بھنڈارا جیسے مقامات شامل ہیں۔ یہ چند ایک نام ہیں۔ ان درخواستوں میں سے 75 تخلیقی ذہنوں کو رہنمائی کے لیے منتخب کیا گیا ہے۔ میں سبھی کو مبارکباد دیتا ہوں اور 53ویں افی میں ان سب سے ملنے کا منتظر ہوں۔

75 فاتحین کی حتمی فہرست کا انتخاب انتخابی عمل کے ذریعے کیا گیا ہے جس میں سلیکشن جیوری کی اسکریننگ اور پھر گرینڈ جیوری کے ذریعے حتمی انتخاب شامل ہے۔

گرینڈ جیوری میں درج ذیل افراد شامل ہیں:

•  پرسون جوشی
• ریسول پوکوٹی
• آر بلکی
• رکی کیج
• مالا دے بنتھیا
• گوتمی تاڈیملا
• بلو سلوجا
• منجل شراف
• نریندر راہوریکر
• روی کے چندرن

سلیکشن / اسکریننگ جیوری کے ممبران ہیں:

•  نکھل مہاجن
• جول آنند
• بشاخ جیوتی
• مالویکا
• پرنیتا سبھاش
• ایمی باروہ
• دھوانی دیسائی
• دیپک سنگھ
• کارتک پالانی
• سجیت ساونت

‘‘نوجوان فنکاروں کو دنیا کے کنارے سے باہر دیکھنے کی ترغیب دی جاتی ہے’’: رسول پوکوٹی

معروف ساؤنڈ ڈیزائنر اور گرینڈ جیوری ممبر رسول پوکوٹی کا ماننا ہے کہ کل کے 75 تخلیقی ذہن کے نوجوان فنکاروں کو دنیا کے کناروں سے باہر دیکھنے اور سینما کے ذریعے اپنے عزائم کو آگے بڑھانے کی ترغیب دینے کی طاقت رکھتے ہیں۔ ‘‘مستقبل کے نوجوان اذہان پروگرام نوجوان ذہنوں کو دنیا کے کناروں سے باہر دیکھنے اور سینما کے ذریعے اپنے عزائم کو آگے بڑھانے کے لیے تلاش کرنے اور پروان چڑھانے کا ایک حیرت انگیز طریقہ ہے۔ معاشرے میں اچھی تبدیلی کو متاثر کرنے کے لیے ان کی اپنی کہانیاں بیان کرنے کا ایک پلیٹ فارم ہے۔ سب سے اہم افی 2022 میں حصہ لینے کا موقع ہے جو ہندوستان کے سب سے مشہور فلمی میلوں میں سے ایک ہے۔’’

کل کے 75 تخلیقی اذہان ہندوستان کو عالمی مواد اور پروڈکشن کے بعد کا مرکز بنانے کی طرف ایک قدم ہے۔ یہ پہل ہندوستانی فلم انڈسٹری کی نامور شخصیات کی سرپرستی میں نوجوان اختراعی ذہنوں کو پہچانتی ہے، تیار کرتی ہے اور پرائم کرتی ہے۔ اس اقدام کا مقصد نوجوانوں کو صنعت کے روابط کو فروغ دینے اور مربوط تعاون اور مشترکہ تخلیق کرنے کے لیے بااختیار بناکر نوجوان فلم سازوں کے ایک متحرک ماحولیاتی نظام اور کمیونٹی کی پرورش اور ترقی کا ارادہ ہے۔

 تخلیقی ذہنوں سے رابطہ کرنا چاہتے ہیں؟

کیا آپ اس ایڈیشن کے فاتحین میں سے کسی سے رابطہ کرنا چاہیں گے؟ ہمیں iffi-pib[at]nic[dot]in,پر لکھیں۔

آپ آخری ایڈیشن مقابلے کے پہلے ایڈیشن کے فاتحین کے اعلان کو دیکھنے میں بھی دلچسپی لے سکتے ہیں: https://pib.gov.in/PressReleaseIframePage.aspx?PRID=1773530

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 12482)