ইকাই খুম্নরবা প্রধান মন্ত্রীনা লুপা করোর ৫০০০ চংনা শাখিবা বেঙ্গলুরুগী কেম্পেগৌরা এয়রপোর্তকী তর্মিনেল ২ শঙ্গাখ্রে। ‍তর্মিনেল অসিনা এয়রপোর্ত অসিগী পেসেঞ্জর হেন্দলিং তৌবগী কেপাসিতী শরুক অনি হেনগৎহন্দুনা হৌজিক লৈরিবা চহিদা পেসেঞ্জর করোর ২.৫ অসিদগী করোর ৫-৬তা হেনগৎহনগনি‍।

তর্মিনেল ২ অসি গার্দেন সিতী ওইরিবা বেঙ্গলুরুদা কত্থোকপা ওইনা দিজাইন তৌবনি অমদি পেসেঞ্জরশিংদা “লৈকোয়দা চৎপগুম” ইহুল ফাওহনগনি‍। পেসেঞ্জরশিংনা স্ক্বার মিতর ১০,০০০গী অশংবা ফক্লাং, য়ান্দুনা থম্বা লৈকোল অমদি মপানগী লৈকোল মরক্তা চৎকনি‍। এয়রপোর্ত অসিগী কেম্পস শিনবা থুংনা রিন্যুএবল ইনর্জী ১০০% শীজিন্নদুনা সস্তেনেবিলিতীগী পাদম অমা ওইরবনি‍। তর্মিনেল ২ অসি দিজাইন তৌবদা সস্তেনেবিলিতীকী পথাপশিং য়াওনা শেম্বনি‍। সস্তেনেবিলিতী ইনিসিএতিব্তা য়ুম্ফম ওইবা তর্মিনেল ২ অসিনা মথৌ তৌবা হৌদ্রিঙৈদা য়ু.এস. জি.বি.সি. (গ্রীন বিল্দিং কাউন্সিল)না প্রি-সর্তিফাইদ প্লাতিনম রেতিং পীবা মালেমগী খ্বাইদগী চাউবা তর্মিনেল ওইরগনি‍। ‘নৌরাসা’ হায়রিবা থীম অসিনা তর্মিনেল ২গী কম্মিসন তৌরবা আর্তৱর্ক পুম্নমক পুনশিল্লি‍। আর্তৱর্ক অসিদা কর্নাতকা অমদি ভারতকী মপুং ওইবা তোপ তোপ্পা মশক্কী মমি তারি‍।

অপুনবগী ওইনা, তর্মিনেল ২গী দিজাইন অমসুং আর্কিতেকচর অসি লৈকোলদা লৈবা তর্মিনেল, তুং কোইনা চৎকদবা, তেক্নোলোজী অমদি আর্ত অমসুং কলচর হায়রিবা লমজিংলিবা পথাপ মরিসিনা ইথিল পীবনি‍। শক্লোন পুম্নমক অসিনা তি২বু মতমগা চুনবা অদুগা মহৌশাবুসু নুংশিবা তর্মিনেল অমা ওইনা উৎলি অমদি চত্থোক চৎশিন তৌরিবা পুম্নমক্তা নীংশিংনিংঙাই ওইগদবা ‘লমথুংফম’গী মহাও অমা পীরি‍।

লম একর ৪০০৮দা শাখিবা অনৌবা গ্রীনফিল্দ এয়রপোর্ত অসি প্রোজেক্কী অচংবা শেল চাউরাক্না লুপা করোর ২৪৭০ ওইবগা লোয়ননা ২৪.০৫.২০০৮দগী ওপরেসন হৌখি। এয়রপোর্ত অসি ২০১৩গী জুলাই ১৭তা কেম্পেগৌরা ইন্তর্নেস্নেল এয়রপোর্ত ওইনা অমুক হান্না দেজিকনেৎ তৌখি

এয়রপোর্ত অসিগী হৌজিক লৈরিবা কন্নেক্তিবিতী + কেপাসিতী + পেক্স হেনগৎহল্লি

হৌজিক্কী ওইনা বেঙ্গলোর এয়রপোর্ত্তগী এয়রলাইন ৩৬না ওপরেৎ তৌদুনা দোমেস্তিক্কী দিস্তিনেসন ৭৬ অমসুং ইন্তর্নেস্নেলগী দিস্তিনেসন ২৫গা কন্নেক্ত তৌরি। হৌজিক লৈরিবা তর্মিনেল ১ (তি ১)গী দেজিকনেতেদ কেপাসিতী অসি লম স্ক্বার মিতর ১,৬৩,৬৩৫ ওইদুনা মিলিয়ন পেসেঞ্জর পর এনম (এম.পি.পি.এ.) ২৬.৫ ওইদুনা এম.পি.পি.এ. ৩৩.৩ (এফ.ৱাই ১৯-২০দা হেন্দল তৌখিবা পেক্স)দা হেনগৎপা ঙমখি।

বেঙ্গলোর এয়রপোর্ত্তা শেনবা চহিগী মতুং ইন্না হেন্দল তৌখিবা পেসেঞ্জরগী অকুপ্পা ৱারোল

তুংলমচৎকী কন্নেক্তিবিতী প্রোজেক্তসনশিং অমসুং মসিনা মরম ওইদুনা অনৌবা তর্মিনেলগী মথৌ তাবা

বি.আই.এ.এল.না এনুএল ত্রাফিক অসি এফ.ৱাই.২৬তা মিলিয়ন ৫০ হেন্না হেল্লবা য়াই পান্নরি অমসুং এফ.ৱাই.২৮তা মিলিয়ন ৬০ হেনগনি। এয়রপোর্তকী নৌনা শাবা তর্মিনেল ২ অসি স্ক্বার মিতর ২,৫৫,৬৪৫ পাকচাউই অমসুং দিজিকনেতেদ কেপাসিতী এম.পি.পি.এ. ২৫ ওইদুনা তি ১ + তি ২গী অপুনবা দেজিকনেতেদ কেপাসিতী অসি পীক-স্প্রেদিং অমসুং এভরেজ পেক্স/এ.তি.এম.গী মখা পোন্না এম.পি.পি.এ. ৫১.৫তগী এম.পি.পি.এ. ৬০ ফাওবা হেনগৎলকপা য়াই। হেনগৎহল্লিবা কেপাসিতী অসিনা তুংলমচৎতা পেসেঞ্জর ফুতবোলগী গ্রোথ লৈহনবা ঙম্লগনি।

***