ପ୍ରଧାନମନ୍ତ୍ରୀ ବିଶାଖାପାଟଣାଠାରେ ଛଅଲେନ ବିଶିଷ୍ଟ ଏ.ପି. ସେକ୍ସନ ଗ୍ରୀନ୍ ଫିଲ୍ଡ ରାୟପୁର-ବିଶାଖାପାଟଣା ଆର୍ଥିକ କରିଡର ଶିଳାନ୍ୟାସ କରିବେ । ବିଶାଖାପାଟଣା ରେଳ ଷ୍ଟେସନ ପୁନଃର୍ବିନ୍ୟାସ ପ୍ରକଳ୍ପର ମଧ୍ୟ ଶିଳାନ୍ୟାସ କରିବେ । ୨୦୧୬ରେ ପ୍ରଧାନମନ୍ତ୍ରୀ ରାମଗୁଣ୍ଡମଠାରେ ଶିଳାନ୍ୟାସ କରିଥିବା ସାର କାରଖାନାକୁ ଜାତି ଉଦ୍ଦେଶ୍ୟରେ ଉତ୍ସର୍ଗ କରିବେ । ପ୍ରଧାନମନ୍ତ୍ରୀ ଡିଣ୍ଡିଗୁଲଠାରେ ଗାନ୍ଧୀଗ୍ରାମ ଗ୍ରାମୀଣ ପ୍ରତିଷ୍ଠାନର ୩୬ତମ ସମାବର୍ତ୍ତନ ସମାରୋହରେ ଉଦ୍‌ବୋଧନ ଦେବେ । ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ନଭେମ୍ବର ୧୧ ଓ ୧୨ , ୨୦୨୨ରେ କର୍ଣ୍ଣାଟକ, ତାମିଲନାଡୁ, ଆନ୍ଧ୍ରପ୍ରଦେଶ ଓ ତେଲଙ୍ଗାନାକୁ ପୂର୍ବାହ୍ନ ୯ଟା ୪୫ ମିନିଟ୍‌ରେ ଗସ୍ତ କରିବେ । ପ୍ରଧାନମନ୍ତ୍ରୀ ବେଙ୍ଗାଲୁର ବିଧାନସଭା ସୌଧ ନିକଟରେ ସନ୍ଥ କବି ଶ୍ରୀ କନକ ଦାସ ଓ ମହର୍ଷି ବାଲ୍ମିକୀଙ୍କ ପ୍ରତିମୂର୍ତ୍ତିରେ ପୁଷ୍ପମାଲ୍ୟ ଅର୍ପଣ କରିବେ । ସକାଳ ପ୍ରାୟ ୧୦ଟା ୨୦ମିନିଟ୍‌ରେ ପ୍ରଧାନମନ୍ତ୍ରୀ ବେଙ୍ଗାଲୁରର କେଏସଆର ରେଳଷ୍ଟେସନ ଠାରେ ବନ୍ଦେ ଭାରତ ଏକ୍ସପ୍ରେସ ଓ ଭାରତ ଗୌରବ କାଶୀ ଦର୍ଶନ ଟ୍ରେନ ଯାତ୍ରାର ଶୁଭାରମ୍ଭ କରିବେ ।

ପୂର୍ବାହ୍ନ ପ୍ରାୟ ସାଢେ ଏଗାରଟାବେଳେ ପ୍ରଧାନମନ୍ତ୍ରୀ କେମ୍ପେଗୌଡା ଆର୍ନ୍ତଜାତିକ ବିମାନ ବନ୍ଦରର ଦୁଇନମ୍ବର ଟର୍ମିନାଲର ଉଦ୍‌ଘାଟନ କରିବେ । ପ୍ରାୟ ମଧ୍ୟାହ୍ନ ୧୨ଟା ବେଳେ ପ୍ରଧାନମନ୍ତ୍ରୀ ନାଦପ୍ରଭୁ କେମ୍ପେଗୌଡାଙ୍କ ୧୦୮ମିଟର ଉଚ୍ଚତା ବିଶିଷ୍ଟ ବ୍ରୋଞ୍ଚ ପ୍ରତିମୂର୍ତ୍ତିର ଉନ୍ମୋଚନ କରିବେ  ଓ ୧୨ଟା ୩୦ମିନିଟ୍‌ରେ ବେଙ୍ଗାଲୁରୁଠାରେ ଏକ ସାଧାରଣ ଉତ୍ସବରେ ଯୋଗଦେବେ । ଅପରାହ୍ନ ପ୍ରାୟ ୩ଟା ୩୦ମିନିଟ୍‌ରେ ପ୍ରଧାନମନ୍ତ୍ରୀ ତାମିଲନାଡୁର ଡିଣ୍ଡିଗୁଲଠାରେ ଗାନ୍ଧୀଗ୍ରାମ ଗ୍ରାମୀଣ ପ୍ରତିଷ୍ଠାନର ୩୬ତମ ସମାବର୍ତ୍ତନ  ସମାରୋହରେ ଯୋଗଦେବେ ।

ନଭେମ୍ବର ୧୨ତାରିଖ ଦିନ ପୂର୍ବାହ୍ନ ପ୍ରାୟ ସାଢେ ଦଶଟା ବେଳେ ପ୍ରଧାନମନ୍ତ୍ରୀ ଆନ୍ଧ୍ରପ୍ରଦେଶର ବିଶାଖାପାଟଣାଠାରେ କେତେକ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିବେ । ଅପରାହ୍ନ ପ୍ରାୟ ସାଢେ ତିନିଟାବେଳେ ପ୍ରଧାନମନ୍ତ୍ରୀ ତେଲଙ୍ଗାନାର ରାମଗୁଣ୍ଡମ ସ୍ଥିତ ଆରଏଫସିଏଲ କାରଖାନା ପରିଦର୍ଶନ କରିବେ । ପରେ ପରେ ଅପରାହ୍ନ ପ୍ରାୟ ୪ଟା ୧୫ମିନିଟ୍‌ରେ ରାମଗୁଣ୍ଡମଠାରେ କେତେକ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିବେ ।

କର୍ଣ୍ଣାଟକର ବେଙ୍ଗାଲୁରୁରେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ପ୍ରାୟ ପାଞ୍ଚ ହଜାର କୋଟି ଟଙ୍କାର ନିର୍ମିତ ବେଙ୍ଗାଲୁର  ସ୍ଥିତ କେମ୍ପେଗୌଡା ଆନ୍ତର୍ଜାତିକ ବିମାନ ବନ୍ଦରର ଦୁଇ ନମ୍ବର ଟର୍ମିନାଲକୁ ଉଦ୍‌ଘାଟନ କରିବେ । ଏହି ଟର୍ମିନାଲ ଯୋଗୁଁ ଯାତ୍ରୀ ଗମନାଗମନ ଦୁଇଗୁଣ ବୃଦ୍ଧି ପାଇବ । ବର୍ତ୍ତମାନ ବାର୍ଷିକ ଅଢେଇ କୋଟି  ଯାତ୍ରୀ ଯାତାୟତର କ୍ଷମତା ବିମାନବନ୍ଦରର ଥିବାବେଳେ ଏହା ପ୍ରାୟ ୫ରୁ ୬କୋଟିକୁ ବୃଦ୍ଧି ପାଇବ ।

ଦୁଇନମ୍ବର ଟର୍ମନାଲ ଉଦ୍ୟାନନଗରୀ ବେଙ୍ଗାଲୁର ପ୍ରତି ଏକ ଶ୍ରଦ୍ଧାଞ୍ଜଳି ହେବା ଭଳି ପରିପାଟୀରେ ଗଠିତ ହୋଇଛି ଓ ଯାତ୍ରୀମାନେ ଉଦ୍ୟାନରେ ଭ୍ରମଣ କରିବାର ଅଭିଜ୍ଞତା ପାଇବେ । ଯାତ୍ରାମାନେ ଦଶହଜାର ବର୍ଗ ମିଟର ଦୀର୍ଘ ସବୁଜ ପାଚେରୀ, ଝୁଲା ବଗିଚା ଓ ବାହ୍ୟ ଉଦ୍ୟାନ ନେଇ ଯାତ୍ରା କରିବେ । ଏହି ବିମାନ ବନ୍ଦର ଏହାର ପରିସର ମଧ୍ୟରେ ଶତପ୍ରତିଶତ ନିରନ୍ତର ଅକ୍ଷୟ ଶକ୍ତି ଉପଯୋଗ ବ୍ୟବସ୍ଥା କରିଛି । ଦୁଇନମ୍ବର ଟର୍ମିନାଲ ମଧ୍ୟ ସ୍ଥାୟୀ ଓ ନିରନ୍ତର ପରିପାଟିରେ ବିକଶିତ ହୋଇଛି । କାର୍ଯ୍ୟାରମ୍ଭ ଆଗରୁ ଏହି ଦୁଇନମ୍ବର ଟର୍ମିନାଲ ବିଶ୍ୱର ବୃହତ୍ତମ ଟର୍ମିନାଲଭାବେ ୟୁଏସ୍ ଜିବିସି (ଗ୍ରୀନବିଲଡିଂ କାଉନସିଲ) ପକ୍ଷରୁ ପ୍ଲାଟିନମ୍ ରେଟିଂ ପ୍ରମାଣପତ୍ର ପାଇଛି । ଦୁଇନମ୍ବର ଟର୍ମିନାଲରେ ଥିବା ସମସ୍ତ କଳାତ୍ମକ କୃତିରେ ନବରସ ବାର୍ତ୍ତା ରହିଛି । ଏହି କଳାକୃତି ଗୁଡିକରେ କର୍ଣ୍ଣାଟକର ଐତିହ୍ୟ ଓ ସଂସ୍କୃତି ସମେତ ଭାରତୀୟ ସୀମା ମଧ୍ୟରେ ଲୋକାଚାର ବିଷୟବସ୍ତୁ ରହିଛି । ମୋଟ ଉପରେ କହିବାକୁ ଗଲେ ଦୁଇନମ୍ବର ଟର୍ମିନାଲର ପରିପାଟୀ ଓ ସ୍ଥାପତ୍ୟ ଚାରିଟି ନୀତି ଦ୍ୱାରା ପ୍ରଭାବିତ ହୋଇଛି । ସେଗୁଡିକ ହେଲା ଟର୍ମିନାଲ ଏକ ଉଦ୍ୟାନ ମଧ୍ୟରେ ଅଛି । ସ୍ଥାୟୀ ଓ ନିରନ୍ତରତା, ପ୍ରଯୁକ୍ତି, କଳା ଓ ସଂସ୍କୃତି । ଟର୍ମିନାଲ-୨ଦୁଇର ଏହି ସମସ୍ତ ବିଭବ ଏହାକୁ ଆଧୁନିକ ଅଥଚ ପ୍ରକୃତି ସହ ମିଶାମିଶି ଓ ପରିଦର୍ଶକମାନଙ୍କୁ ଏକ ସ୍ମରଣୀୟ ଦର୍ଶନୀୟ ସ୍ଥାନର ଅଭିଜ୍ଞତା ପ୍ରଦାନ କରୁଛି ।

 ପ୍ରଧାନମନ୍ତ୍ରୀ ଚେନ୍ନାଇ-ମହିଶୁର ବନ୍ଦେ ଭାରତ ଏକ୍ସପ୍ରେସକୁ ପତାକ ଦେଖାଇ ଯାତ୍ରାର ଶୁଭାରମ୍ଭ କରାଇବେ । ଏହି ଯାତ୍ରା କ୍ରାନ୍ତିବୀର ସାଙ୍ଗେଲୀ ରାୟନ୍ନା(କେଏସଆର) ରେଳଷ୍ଟେସନଠାରେ ଆରମ୍ଭ ହେବ । ଏହା ଦେଶର ପଂଚମ ଓ ଦକ୍ଷିଣ ଭାରତର ପ୍ରଥମ ବନ୍ଦେ ଭାରତ ଏକ୍ସପ୍ରେସ ଟ୍ରେନ ହେବ । ଏହା ଚେନ୍ନାଇର ଶିଳ୍ପ ବହୁଳ ଅଞ୍ଚଳ, ବେଙ୍ଗାଲୁରୁର ଷ୍ଟାର୍ଟଅପ ଓ ପ୍ରଯୁକ୍ତି ପେଣ୍ଠ ଓ ପ୍ରସିଦ୍ଧ ପର୍ଯ୍ୟଟନ ନଗରୀ ମହିଶୁର ମଧ୍ୟରେ ସଂଯୋଗ ବୃଦ୍ଧି କରିବ ।

ପ୍ରଧାନମନ୍ତ୍ରୀ ମଧ୍ୟ ବେଙ୍ଗାଲୁରୁର କେଏସଆର ରେଳଷ୍ଟେସନଠାରୁ ଭାରତ ଗୌରବ କାଶୀ ଯାତ୍ରା ଟେନ୍ରର ଚଳାଚଳର ଶୁଭାରମ୍ଭ କରାଇବେ । ଭାରତ ଗୌରବ ଯୋଜନା ଅଧୀନରେ କର୍ଣ୍ଣାଟକ ହେଉଛି ପ୍ରଥମ ରାଜ୍ୟ ଯେଉଁଥିରେ କର୍ଣ୍ଣାଟକ ସରକାର ଏବଂ ରେଳ ମନ୍ତ୍ରଣାଳୟ ମିଳିତ ପ୍ରଚେଷ୍ଟାରେ କର୍ଣ୍ଣାଟକରୁ ତୀର୍ଥଯାତ୍ରୀଙ୍କୁ କାଶୀ ପଠାଇବା ନେଇ ପଦକ୍ଷେପ ନେଇଛନ୍ତି । ତୀର୍ଥଯାତ୍ରୀ ମାନେ କାଶୀ, ଅଯୋଧ୍ୟା ଓ ପ୍ରୟାଗରାଜ ଭ୍ରମଣ କାଳରେ ଆରାମ ଦାୟକ ରହଣୀ ଓ ମାର୍ଗଦର୍ଶନ ସୁବିଧା ପାଇପାରିବେ ।

ପ୍ରଧାନମନ୍ତ୍ରୀ ଶ୍ରୀ ନାଦପ୍ରଭୁ କେମ୍ପେଗୌଡାଙ୍କ ୧୦୮ ମିଟର ଉଚ୍ଚତା ବିଶିଷ୍ଟ ବ୍ରୋଞ୍ଜ ପ୍ରତିମୂର୍ତ୍ତିକୁ ମଧ୍ୟ ଉନ୍ମୋଚନ କରିବେ । ବେଙ୍ଗାଲୁରୁ ନଗରୀ ପ୍ରତିଷ୍ଠାତା ତଥା ଏହାର ଅଭିବୃଦ୍ଧିର ଜନକ ନାଦପ୍ରଭୁ କେମ୍ପେଗୌଡାଙ୍କ ଅବଦାନର ସ୍ମରଣାର୍ଥେ ଏହି ପ୍ରତିମୂର୍ତ୍ତି ନିର୍ମିତ ହୋଇଛି । ଏକତା ପ୍ରତିମୂର୍ତ୍ତିର ସ୍ଥପତି ରାମ ଭି ସୂତାରଙ୍କ କଳ୍ପନା ପ୍ରସ୍ତୁତ ଏହି ପ୍ରତିମୂର୍ତ୍ତି ନିର୍ମାଣରେ ୯୮ଟନ ବ୍ରୋଞ୍ଚ ଓ ୧୨୦ଟନ ଇସ୍ପାତ ବ୍ୟବହୃତ ହୋଇଛି ।

ଆନ୍ଧ୍ରପ୍ରଦେଶର ବିଶାଖାପାଟଣାରେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ୧୦, ୫୦୦ କୋଟି ଟଙ୍କାର ବିଭିନ୍ନ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିବେ । ସେ ଗ୍ରୀନ ଫିଲ୍ଡ ରାୟପୁର-ବିଶାଖାପାଟଣା ଆର୍ଥିକ କରିଡରର ଛଅ ଲେନ ଯୁକ୍ତ ଆନ୍ଧ୍ରପ୍ରଦେଶ ସେକ୍ସନର ଶିଳାନ୍ୟାସ କରିବେ । ଏହା ୩୭,୫୦ କୋଟିରୁ ଊର୍ଦ୍ଧ୍ୱ ଅର୍ଥରେ ନିର୍ମିତ ହେବ । ଏହି ଆର୍ଥିକ କରିଡର  ଛତିଶଗଡ ଶିଳ୍ପାଂଚଳ ଓ ଓଡିଶାରୁ ବିଶାଖାପାଟଣା ବନ୍ଦର ଓ ଚେନ୍ନାଇ କୋଲକାତା ଜାତୀୟ ରାଜପଥରେ ଯାତାୟତ ଦ୍ରୁତ କରିବ ।

ଏହା ମଧ୍ୟ ଆନ୍ଧ୍ରପ୍ରଦେଶ ଏବଂ ଓଡିଶାର ଆଦିବାସୀ ଓ ଅନଗ୍ରସର ଅଞ୍ଚଳ ସହ ଯୋଗାଯୋଗ ବ୍ୟବସ୍ଥାର ଉନ୍ନତି କରିବ । ପ୍ରଧାନମନ୍ତ୍ରୀ ମଧ୍ୟ ବିଶାଖାପାଟଣାରେ କନଭେଣ୍ଟ  ଜଙ୍କସନରୁ ଶୀଲାନଗର ଜଙ୍କସନ ପୋର୍ଟ ରୋଡର ଶିଳାନ୍ୟାସ କରିବେ । ଏହା ମଧ୍ୟ ସ୍ଥାନୀୟ ଓ ବନ୍ଦର ଗାମୀ ମାଲ ପରିବହନ ବ୍ୟବସ୍ଥାକୁ ଅଲଗା କରି ବିଶାଖାପାଟଣାରେ ପରିବହନ ଜନିତ ଭିଡକୁ କମାଇବ । ଶ୍ରୀକାକୁଲମ-ଗଜପତି କରିଡର ଅଂଶବିଶେଷ ତଥା ଦୁଇଶହ କୋଟି ଟଙ୍କାରୁ ଅଧିକ ବ୍ୟୟରେ ନିର୍ମିତ ନରାସନ ପେଟାରୁ ପାଥପାଟନମ୍ ସେକ୍ସନର ଏନଏଚ ୩୨୬ଏ କୁ ଜାତି ଉଦ୍ଦେଶ୍ୟରେ ଉତ୍ସର୍ଗ କରିବେ । ଏହି ପ୍ରକଳ୍ପ ଯୋଗୁଁ ସେ ଅଞ୍ଚଳର ସଂଯୋଗ ବ୍ୟବସ୍ଥାରେ ଉନ୍ନତି ଘଟିବ ।

 ପ୍ରଧାନମନ୍ତ୍ରୀ ମଧ୍ୟ ଆନ୍ଧ୍ରପ୍ରଦେଶର ଓଏନଜିସିର ୟୁ ଫିଲ୍ଡ ଆଫସୋର ଡିପ୍ ୱାଟର ବ୍ଲକ ପ୍ରୋଜେକ୍ଟ ଜାତି ଉଦ୍ଦେଶ୍ୟରେ ଉତ୍ସର୍ଗ କରିବେ । ଏହି ପ୍ରକଳ୍ପ ବାବଦକୁ ୨୯୦୦କୋଟି ଟଙ୍କା ଖର୍ଚ୍ଚ ହୋଇଛି । ଏହା ସବୁଠାରୁ ଗଭୀରତମ ଗ୍ୟାସ ଉତ୍ତୋଳନକାରୀ ପ୍ରକଳ୍ପ ହୋଇଥିବା ବେଳେ ଏଥିରୁ ଦିନକୁ ତିନି ନିୟୁତ ମେଟ୍ରିକ ଷ୍ଟାଣ୍ଡାର୍ଡ ଘନମିଟର ଗ୍ୟାସ ଉତ୍ପାଦିତ ହେବ । ସେ ମଧ୍ୟ ଗେଲର ଶ୍ରୀକାକୁଲମ-ଅଙ୍ଗୁର ପ୍ରାକୃତିକ ଗ୍ୟାସ ପାଇପ ଲାଇନ ପ୍ରକଳ୍ପର ଶିଳାନ୍ୟାସ କରିବେ । ଏଥିରେ ପ୍ରାୟ ୬. ୬୫ ନିୟୁତ ମେଟ୍ରିକ  ଷ୍ଟାଣ୍ଡାର୍ଡ ଘନ ମିଟର ଗ୍ୟାସ ଦୈନିକ ଉତ୍ପାଦିତ ହେବ । ୭୪୫ କିଲୋମିଟର ଦୀର୍ଘ ଏହି ପାଇପଲାଇନ ନିର୍ମାଣ ବାବଦକୁ ପ୍ରାୟ୨୬୦୦କୋଟି ଟଙ୍କାରୁ ଅଧିକ ଖର୍ଚ୍ଚ ହେବ । ପ୍ରାକୃତିକ ଗ୍ୟାସ ଗ୍ରୀଡ (ଏନ ଜି ଏଚ)ର ଅଂଶ ବିଶେଷ ହୋଇଥିବାରୁ ଏହା ଘରୋଇ ଗ୍ୟାସ ବ୍ୟତୀତ ଶିଳ୍ପ ଓ ବାଣିଜ୍ୟିକ ସଂସ୍ଥା ଓ ଯାନବାହାନକୁ ଆନ୍ଧ୍ରପ୍ରଦେଶ ଓ ଓଡିଶାର ଅନେକ ଜିଲ୍ଳାକୁ ଗ୍ୟାସ ଯୋଗାଇବ । ଏହି ପାଇପ ଲାଇନ ଆନ୍ଧ୍ରପ୍ରଦେଶର ଶ୍ରୀକାକୁଲମ ଓ ବିଜୟନଗର ଜିଲ୍ଲାର ନିଗର ଗ୍ୟାସ ବଂଟନ ଉତ୍ସକୁ ଗ୍ୟାସ ଯୋଗାଇବ । ପ୍ରାୟ ୪୫୦କୋଟି ଟଙ୍କାରେ ପୁନଃବିକଶିତ ହେବାକୁ ଥିବା ବିଶାଖାପାଟଣା ରେଳଷ୍ଟେସନ ପ୍ରକଳ୍ପର ମଧ୍ୟ ପ୍ରଧାନମନ୍ତ୍ରୀ ଶିଳାନ୍ୟାସ କରିବେ । ଏହି ପୁନଃ ବିକଶିତ ରେଳଷ୍ଟେସନ ଦୈନିକ ୭୫ହଜାର ଯାତ୍ରୀଙ୍କ ଗମନାଗମନ ସାମର୍ଥ୍ୟ ସହ ସେମାନଙ୍କୁ ଅତ୍ୟାଧୁନିକ ସୁବିଧା ସୁଯୋଗ ମଧ୍ୟ ଯୋଗାଇଦେବ ।

 ପ୍ରଧାନମନ୍ତ୍ରୀ ମଧ୍ୟ ବିଶାଖାପାଟଣା ମାଛଧରା ବନ୍ଦରର ଆଧୁନିକୀକରଣ ପାଇଁ ୧୫୦କୋଟି ଟଙ୍କା ଖର୍ଚ୍ଚ ହେବ। ଏହାର ଆଦୁନିକୀକରଣ ପରେ ବନ୍ଦରର ସାମର୍ଥ୍ୟ ଦୈନିକ ୧୫୦ଟନରୁ ୩୦୦ଟନକୁ ବୃଦ୍ଧି ପାଇବ ।

ରାମଗୁଣ୍ଡମରେ ପ୍ରଧାନମନ୍ତ୍ରୀ

 ପ୍ରଧାନମନ୍ତ୍ରୀ ରାମଗୁଣ୍ଡମ ଠାରେ ୯୫୦୦ କୋଟିରୁ ଅଧିକ ଟଙ୍କାର ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିବେ । ସେ ରାମଗୁଣ୍ଡମ ସାର କାରଖାନାକୁ ଜାତି ଉଦ୍ଦେଶ୍ୟରେ ଉତ୍ସର୍ଗ କରିବେ । ପ୍ରଧାନମନ୍ତ୍ରୀ ମଧ୍ୟ ୭ ଅଗଷ୍ଟ,୨୦୧୬ରେ ରାମଗୁଣ୍ଡମ ପ୍ରକଳ୍ପର ଶିଳାନ୍ୟାସ କରିଥିଲେ ।  ୟୁରିଆ ଉତ୍ପାଦନରେ ଆତ୍ମନିର୍ଭରଶୀଳତା ହାସଲ ନିମନ୍ତେ ରାମଗୁଣ୍ଡମ ପ୍ରକଳ୍ପର ପୁନରୁଦ୍ଧାର ପ୍ରଧାନମନ୍ତ୍ରୀଙ୍କ କଳ୍ପନା ପ୍ରସୂତ ଥିଲା । ରାମଗୁଣ୍ଡମ କାରଖାନା ବାର୍ଷିକ ୧୨. ୭ ଲକ୍ଷ ମେଟ୍ରିକ ଟନ୍ ନିମ୍ ପ୍ରେଲେପ ଯୁକ୍ତ ୟୁରିଆ ଉତ୍ପାଦନ କରିବ ।

ଜାତୀୟ ସାର ଲିମିଟେଡର ଏନଏଫଏଲ, ଇଆଇଏଲ ଓ ଏଫସିଆଇଆଲ ମିଳିତ ଉଦ୍ୟୋଗଭାବେ ରାମଗୁଣ୍ଡିମ ସାର ଓ ରସାୟନ ଲିମିଟେଡ(ଆରଏଫସିଏଲ) ଅଧୀନରେ ଏହି ପ୍ରକଳ୍ପ ଆରମ୍ଭ ହୋଇଥିଲା ।  ୬୩୦୦ କୋଟି ଟଙ୍କା ବ୍ୟୟ ଅଟକଳରେ ଆରଏଫସିଏଲକୁ ନୂତନ ଆମୋନିଆ-ୟୁରିଆ କାରଖାନା ସ୍ଥାପନ ପାଇଁ ଅନୁମତି ପ୍ରଦାନ କରାଯାଇଥିଲା। ଆରସିଏଫଏଲ କାରଖାନାକୁ ଗ୍ୟାସ ଜଗଦୀଶପୁର-ଫୁଲପୁର-ହଳଦିଆ ପାଇପଲାଇନ ଜରିଆରେ ଯୋଗାହେବ ।

ଏହି କାରଖାନା ତେଲଙ୍ଗାନା, ଆନ୍ଧ୍ରପ୍ରଦେଶ, ଛତିଶଗଡ ଓ ମହାରାଷ୍ଟ୍ରର ଚାଷୀମାନଙ୍କୁ ସମୟାନୁସାରେ ୟୁରିଆ ସାର ଯୋଗାଣ ସୁନିଶ୍ଚିତ କରିବ । ଏହି କାରଖାନା ସାର ଯୋଗାଇବା ସହ ସେ ଅଞ୍ଚଳର ଆର୍ଥିକ ବିକାଶର ମଧ୍ୟ ସହାୟକ ହେବ । ଆରସିଏଫଏଲ ‘ଭାରତ ୟୁରିଆ’ ଅର୍ଥ ବ୍ୟବସ୍ଥା ପ୍ରତି ଅନୁକୂଳ ହୋଇ ଏହା ଆମାଦାନୀ ହ୍ରାସ କରିବା ସହ ସ୍ଥାନୀୟ ଚାଷୀଙ୍କୁ ସମୟୋପଯୋଗୀ ସାର ଯୋଗାଇବାରେ ସହାୟକ ହେବ ।

ପ୍ରଧାନମନ୍ତ୍ରୀ ଭଦ୍ରାଚଳମରୋଡ-ସତୁପାଲ୍ଲୀ ରେଳପଥ ମଧ୍ୟ ଜାତି ଉଦ୍ଦେଶ୍ୟରେ ଲୋକାର୍ପଣ କରିବେ । ଏହା ଏକ ହଜାର କୋଟି ଟଙ୍କା ବ୍ୟୟରେ ନିର୍ମିତ ହୋଇଛି  । ସେ ମଧ୍ୟ ୨୨୦୦ କୋଟି ଟଙ୍କାରେ ବିଭିନ୍ନ ସଡକ ପ୍ରକଳ୍ପର ଶିଳାନ୍ୟାସ କରିବେ । ସେଗୁଡିକ ମଧ୍ୟରେ ମେଡକ-ସିଦ୍ଧିପେଟେ-ଏଲକାର୍ଥୁଥୀ, ଏନଏଚ ୭୬୫ ଡିଜି ସେକ୍ସନ, ବୋଧନ-ବସର-ଭୈସା ସେକ୍ସନ, ଏନଏଚ୍‌୧୬୧ବିବି, ଏନଏଚ୩୫୩ସି  ସିରୋଞ୍ଚରୁ ମହାଦେବପୁର ସେକ୍ସନ ଅନ୍ତର୍ଭୁକ୍ତ ।

ତାମିଲନାଡୁର ଗାନ୍ଧୀଧାମରେ ପ୍ରଧାନମନ୍ତ୍ରୀ

ପ୍ରଧାନମନ୍ତ୍ରୀ ଗାନ୍ଧୀଧାମ ଗ୍ରାମୀଣ ପ୍ରତିଷ୍ଠାର ୩୬ତମ ସମାବର୍ତ୍ତନ ସମାରୋହରେ ମଧ୍ୟ ଉଦ୍‌ବୋଧନ ଦେବେ ।   ୨୦୧୮-୧୯ ବ୍ୟାଚର ୨୩୦୦ରୁ ଅଧିକ ଛାତ୍ରଛାତ୍ରୀ ଏହ ସମାବର୍ତ୍ତନ ସମାରୋହରେ ସେମାନଙ୍କୁ ଉପାଧି ଗ୍ରହଣ କରିବେ।  

*****

SM/SLP