রোদ ত্রান্সপোর্ত অমসুং হাইৱে মন্ত্রালয়
শ্রী নিতিন গারকরী অৱাং নোংপোক অমদি সিক্কিমদা পায়খৎলিবা এন.ঐচ. প্রোজেক্তশিং য়েংশিনবগী নুমিৎ ৩গী খোঙচত্তা লৈরি, প্রোজেক্তশিংগী ইসু অমসুং খোঙজেল নৈনখ্রে
प्रविष्टि तिथि:
09 NOV 2022 6:05PM by PIB Imphal
অৱাং নোংপোক লমদম অমদি সিক্কিমদা পায়খৎলিবা এন.ঐচ. প্রোজেক্তশিং য়েংশিনবগী নুমিৎ ৩নিগী খোঙচৎকর অহানবা নুমিত্তা, কেন্দ্র মন্ত্রী শ্রী নিতিন গারকরীনা অসাম, মেঘালয়, সিক্কিম অমসুং নগালেন্দা পায়খৎলিবা এন.ঐচ. প্রোজেক্তশিংগী খোঙজেল অসামগী মুখ্য মন্ত্রী শ্রী হিমন্ত বিস্বা সর্মা, কেন্দ্রগী এম.ও.এস. জেনেরেল ভি.কে. সিংহ, মন্ত্রালয় অমদি স্তেতকী মকোক থোংবা ওফিসিএলশিং অমদি কন্ত্রেক্তরশিংগা লোয়ননা য়েংশিনখ্রে।
লম লৌশিনবগী ৱাফম, হৌজিক পায়খৎলিবা প্রোজেক্তশিংগী খোঙজেল, পায়খৎনবা পুথোরক্লিবা প্রোজেক্তশিং, অনৌবা তেক্নোলোজীশিং শীজিন্নবা, য়েৎনবা অমদি য়ানদবা ৱাফমশিং অমসুং ওইথোকপা য়াবা শেলথুমগী ইন্তরভেন্সনশিংগা মরী লৈনবা ৱাফমশিং মতম কুইনা খন্নখি।
শ্রী গারকরীনা স্তেত ৪দা মতম থেঙথরবা প্রোজেক্তশিংসু থেঙথরিবগী মরম খঙদোক্নবা নৈনখি অমদি থবক নীংথিনা চত্থনবগীদমক অকক্নবা পাউতাকশিং পীখি।
শ্রী গারগরীনা ওফিসিএল পুম্নমক্তা প্রোজেক্তশিং খুৎলৈ থৌনা লোইশিন্নবা পাউতাক পীখি। অৱাং নোংপোক স্তেতশিংদা খ্বাইদগী ফবা ত্রান্সপোর্ত ইনফ্রাস্ত্রকচরশিং শেমগৎনবগীদমক কেন্দ্র অমদি স্তেতকী এজেন্সীশিংগী মরক্তা খুৎশম্ননা চৎমিন্নবা অমদি খোঙবু ওইমিন্নবগী মরুওইবা ৱাফমশিংসু থমখি।
********
(रिलीज़ आईडी: 1874790)
आगंतुक पटल : 176