وزیر اعظم جناب نریندر مودی نے ہمیشہ گروپورب منانے کو خصوصی اہمیت دی ہے اور اسی جذبے کے تحت مرکزی وزارت داخلہ نے عقیدت مندوں کے لیے بلارکاوٹ اور آرام دہ سفر کے تمام انتظامات کیے ہیں۔

مرکزی وزارت داخلہ نے مرکزی وزیر داخلہ جناب امت شاہ کی ہدایات پر گروپورب کے موقع پر ہندوستانی سکھ عقیدت مندوں کے ننکانہ صاحب کے دورے کی سہولت فراہم کی ہے۔

ایس جی پی سی، ڈی ایس جی ایم سی کے تحت کل 2,420 ہندوستانی سکھ عقیدت مند گرو نانک جینتی تقریبات 2022 میں شرکت کے لیے اٹاری روڈ کے راستے 6 نومبر 2022 کو پاکستان کے لیے روانہ ہوئے۔

عقیدت مندوں کو ننکانہ صاحب، سچا سودا وغیرہ کے لیے 10 روزہ پاکستانی یاتری ویزا (چھ سے پندرہ نومبر 2022 تک) جاری کیا گیا تھا اور انہوں نے بنیادی طور پر مختلف سکھ مذہبی تنظیموں سمیت ایس جی پی سی، ڈی ایس جی ایم سی، ہریانہ یاتری سکھ جتھا، سکھمنی صاحب سیوا سوسائٹی،ہریانہ کے بینر تلے سفر کیا۔ عقیدت مندوں کو 15 نومبر 2022 تک واپس جانا ہے۔

مختلف سکھ تنظیموں کے جن سرکردہ رہنماؤں نے گروپورب جتھا کا حصہ بنایا،ان کی تفصیلات حسب ذیل ہے-

1. ایس جی پی سی - ماسٹر پریت سنگھ بسیر، سابق ایس جی پی سی ممبر اجنالہ

2. ڈی ایس جی ایم سی- دلجیت سنگھ، ڈی ایس جی ایم سی ممبر

3. ہریانہ یاتری سکھ جتھا - شرن جیت سنگھ گروور

4. سکھ یاتری جموں - شمشیر سنگھ

5. سکھمنی صاحب سیوا سوسائٹی، ہریانہ - گرودیپ سنگھ

6. بھائی مردانہ گروپ (فیروز پور) - سردار سوچا سنگھ

اسی طرح، ہندوستان سے کل 433 عقیدت مندوں نے آج گروپورب کے موقع پر پوجاپاٹھ کے لیے آئی سی پی ڈیرہ بابا نانک، امرتسر کے ذریعے پاکستان میں سری کرتار پور صاحب گرودوارہ کا دورہ کیا۔

عقیدت مندوں میں 429 ہندوستانی شہری اور 4 اوسی آئی  کارڈ ہولڈر شامل تھے۔

تمام عقیدت مند پوجاپاٹھ  کے بعد واپس آگئے ہیں۔

**********

ش ح ۔ ع ح

U.No: 13336