ಪ್ರಕಟಣಾ ದಿನಾಂಕ:
07 NOV 2022 6:12PM by PIB Bengaluru
ವಿದ್ಯುತ್ ಸಚಿವಾಲಯವು 14.01.2022 ರಂದು ಎಲೆಕ್ಟ್ರಿಕ್ ವಾಹನಗಳಿಗೆ ಮೂಲಸೌಕರ್ಯವನ್ನು ಒದಗಿಸುವುದಕ್ಕಾಗಿ ಸಚಿವಾಲಯವು ಹೊರಡಿಸಿದ ಪರಿಷ್ಕೃತ ಏಕೀಕೃತ ಮಾರ್ಗಸೂಚಿಗಳು ಮತ್ತು ಮಾನದಂಡಗಳಿಗೆ ತಿದ್ದುಪಡಿಗಳನ್ನು ಪ್ರಕಟಿಸಿದೆ.
ಈ ಮಾರ್ಗಸೂಚಿಗಳಲ್ಲಿ ಈ ಕೆಳಗಿನ ಸೇರ್ಪಡೆಗಳನ್ನು ಮಾಡಲು ನಿರ್ಧರಿಸಲಾಗಿದೆ:
(ಎ) 3ನೇ ಶೀರ್ಷಿಕೆಯ ಅಡಿಯಲ್ಲಿ ಸಾರ್ವಜನಿಕ ಚಾರ್ಜಿಂಗ್ ಮೂಲಸೌಕರ್ಯ (ಪಿಸಿಐ) ಅವಶ್ಯಕತೆಗಳು", ಪರಿಚ್ಛೇದ 3.1 (xi) ಅನ್ನು ಈ ಕೆಳಗಿನಂತೆ ಸೇರಿಸಲಾಗಿದೆ:
xi. ಸಾರ್ವಜನಿಕ ಚಾರ್ಜಿಂಗ್ ಕೇಂದ್ರಗಳು ದಿನದ ಸಮಯದ ದರ ಮತ್ತು ಸೌರ ಗಂಟೆಗಳಿಗೆ ರಿಯಾಯಿತಿಯೊಂದಿಗೆ ಸೇವಾ ಶುಲ್ಕಗಳ ಪೂರ್ವಪಾವತಿ ಸಂಗ್ರಹದ ವೈಶಿಷ್ಟ್ಯವನ್ನು ಹೊಂದಿರುತ್ತವೆ.
(ಬಿ) "8" ನೇ ಶೀರ್ಷಿಕೆಯಡಿಯಲ್ಲಿ ಪಿಸಿಎಸ್ ನಲ್ಲಿ ಸೇವಾ ಶುಲ್ಕಗಳು", ಪರಿಚ್ಛೇದ 8.3 ಅನ್ನು ಈ ಕೆಳಗಿನಂತೆ ಸೇರಿಸಲಾಗಿದೆ:
8.3 ಕೇಂದ್ರೀಯ ವಿದ್ಯುಚ್ಛಕ್ತಿ ಪ್ರಾಧಿಕಾರದ (ಸಿಇಎ) ಅಡಿಯಲ್ಲಿನ ಸಮಿತಿಯು ಈ ಮೇಲಿನ ಪರಿಚ್ಛೇದ 8.2 ರ ಅಡಿಯಲ್ಲಿ ವಿಧಿಸಬೇಕಾದ ಸೇವಾ ಶುಲ್ಕಗಳ ಗರಿಷ್ಠ ಮಿತಿಯನ್ನು ರಾಜ್ಯ ಸರ್ಕಾರಕ್ಕೆ ನಿಯಮಿತವಾಗಿ ಶಿಫಾರಸು ಮಾಡುತ್ತದೆ. ಈ ಸಮಿತಿಯು ಸೇವಾ ಶುಲ್ಕಕ್ಕಾಗಿ "ದಿನದ ಸಮಯ ದರ"ವನ್ನು ಮತ್ತು ಸೌರ ಗಂಟೆಗಳಲ್ಲಿ ವಿಧಿಸಲು ನೀಡಬೇಕಾದ ರಿಯಾಯಿತಿಯನ್ನು ಸಹ ಶಿಫಾರಸು ಮಾಡುತ್ತದೆ.
*****