سڑک ٹرانسپورٹ اور شاہ راہوں کے مرکزی وزیر جناب نتن گڈکری نے آج مدھیہ پردیش کے منڈلا میں 1261 کروڑ روپے کی لاگت سے کل 329 کلومیٹر طوالت والی 5 قومی شاہ راہوں  کے پروجیکٹوں کا افتتاح کیا۔ وزیر اعلیٰ جناب  شیوراج سنگھ چوہان، مرکزی وزیر مملکت جناب فگن سنگھ کُلستے، وزیر مملکت جناب گوپال بھارگو جناب بساہولال سنگھ کے علاوہ  پارلیمانی و اسمبلی اراکین  اور دیگر عہدیدار اس موقع پر موجود تھے۔

جناب گڈکری نے کہا کہ منڈلا اور کانہا نیشنل پارک کی قدرتی خوبصورتی نے ہمیشہ سیاحوں کو اپنی طرف متوجہ کیا ہے۔ ان سڑکوں کی منصوبہ بند تعمیر سے اس علاقے اور اس کے جنگلاتی مکینوں کو بہتر سہولیات میسر آئیں گی۔ یہ پروجیکٹ منڈلا کو جبل پور، ڈنڈوری، بالاگھاٹ اضلاع سے اچھی طرح سے جوڑ دیں گے۔

وزیر موصوف نے کہا کہ ان راستوں کی تعمیر سے پنچ مڑھی، بھیدا گھاٹ اور امرکانتک جیسے مذہبی مقامات کے ساتھ ساتھ جبل پور سے امرکانتک کے راستے بلاس پور، رائے پور اور درگ جانے والی ٹریفک میں آسانی ہوگی۔ انہوں نے مزید کہا کہ قریبی علاقوں اور ریاستوں سے زرعی اور صنعتی مصنوعات کی نقل و حمل میں سہولت فراہم ہو گی اور اس طرح وقت اور ایندھن کی بھی بچت ہوگی۔

جناب گڈکری نے کہا کہ وزیر اعظم جناب نریندر مودی اور وزیر اعلیٰ شیوراج سنگھ چوہان کی قیادت میں ہماری حکومت مدھیہ پردیش کی خوشحالی اور ترقی کو یقینی بنانے کے رُخ پر مسلسل آگے کی طرف بڑھ رہی ہے۔

***

ش ح۔ع س۔ ک ا