ইনফোর্মেসন অমসুং ব্রোদকাস্তিং মন্ত্রালয়
#WhenIsIFFI?
Posted On:
05 NOV 2022 4:55PM by PIB Imphal
#TheWorldOfFilms, নবেম্বর ৫, ২০২২
করম্বা মতমদা? আই.এফ.এফ.আই.? করিগুম্বা অদোম ঐখোয়গুম্না ওইদ্রিবা ওইরগদি আই.এফ.এফ.আই. হায়বসিবু করিনো হায়না অদোম হংলকপসু য়াই। করিগুম্বা অদোম্না ৱাহং অসি হংলগদি, ঐখোয় অদোমগী মফমদা পাউদমজবা পাম্মী, নুংশিজরবা অপাবশিং, পেলিন্দ্রোমিক এক্রোনীম অসিনা হায়রিবসি ইন্তরনেস্নেল ফিল্ম ফেস্তিবেল ওফ ইন্দিয়া হায়বনি।
#WhatIsIFFI? হে্ন্না মরু ওইবনা, #WhyIFFI?
ইং ১৯৫২দা হৌদোকখিবা আই.এফ.এফ.আই. অসি এসিয়াগী খ্বাইদগী মশক নাইবা ফিল্ম ফেস্তিবেলশিংগী মরক্তা অমনি। হৌজিক লম কোয়বশিংগী স্তেত গোৱাদা চহিগী ওইনা পাঙথোক্লিবা ইন্তরনেস্নেল ফিল্ম ফেস্তিবেল ওফ ইন্দিয়াগী ৱাখল্লোন্দি ফিল্ম, মখোয়না লীরিবা ৱারীশিং অমসুং মদুগী মরুমদা লৈরিবা মীওইশিংবু সেলেব্রেৎ তৌবনি। অসুম্না তৌদুনা, ঐখোয়না ফিল্মবু থাগৎচবা অমদি খোয়দাজনা য়েংজরিবশিংবু মফম শিনবা থুংনা মখোঙ শোম্নবা, য়োকখৎনবা অমদি শন্দোক্নবা; মীওইবগী মরক্তা নুংশিনবা, ৱাখল তামিন্নবা অমদি পুন্না হিংমিন্নবগী থোং শানবা; অমদি মখোয়বু লনাইগী অমদি অপুনবগী অথোইবা পন্দোল মথং মথং কাবা ঙম্নবা পুক্নিং থৌগৎনবা হোৎনবনি।
ফেস্তিবেল অসিনা মালেমগী সিনেমাশিংদা মান্নবা ফম্পাক অমা পীদুনা, মখোয়দা ফিল্ম আর্তকী ফজবা মতৌ উত্থোকপা ঙমহন্দুনা হায়রিবা পান্দমশিং অসি ফংবা ঙম্নবা হোৎনরি; অমদি তোঙান তোঙানবা লৈবাকশিংগী ফিল্ম কলচরশিংবু মখোয়গী খুন্নাইগী অমদি নাৎকী মচত্তা খঙননবা অমদি থাগৎনবা হোৎনরি; অমদি মালেমগী মীয়ামগী মরক্তা মরূপ মপাঙ ওইবা অমদি তেংবাংনবগী মরী য়োকখৎলি।
অদুগা খঙজিনবা মরুওইবা ৱাফম অমনা ফেস্তিবেল অসি লৈঙাক্না পাঙথোকপনি। মসি চহি খুদিংগী ভারত লৈঙাক্কী ইনফোর্মেসন অমসুং ব্রোদকাস্তিং মন্ত্রালয়না য়ুম্বু ওইরিবা স্তেত গোৱা লৈঙাক্কী এন্তরতেনমেন্ত সোসাইতী ওফ গোৱাগা খুৎশম্নরগা পাঙথোকপনি। ইনফোর্মেসন অমসুং ব্রোদকাস্তিং মন্ত্রালয়গী দাইরেক্তোরেৎ ওফ ফিল্ম ফেস্তিবেল্স (দি.এফ.এফ.)না মকোক চিংদুনা হেক হেক পাঙথোক্লম্বদগী, ফিল্ম মিদিয়া য়ুনিৎশিং নেস্নেল ফিল্ম দিভেলপমেন্ত কোর্পোরেসন (এন.এফ.দি.সি.)কা পুনশিনখিবা মতুংদগী, ফেস্তিবেল অসি শীনবগী থৌদাং এন.এফ.দি.সি.না পায়খ্রে।
অহানবা ওইনা গোৱাদা ২০০৪দা পাঙথোকখিবা ফেস্তিবেল অসি মতমদুদগী হৌনা সমুদ্র খোঙবালগী স্তেত অদুদা মফম অমা কন্দুনা চহি খুদিংগী পাঙথোক্তুনা লাক্লি। ইং ২০১৪দা গোৱাবু আই.এফ.এফ.আই.গী লেঙদ্রবা মফম ওইনা লাউথোকখি।
#WhenIsIFFI?
ফরে, ফরে, ঐখোয়না হৌরকখিবা মতাঙদা অমুক হঞ্জিলক্লসি; অদোম আই.এফ.এফ.আই. করিনো হায়বসি হান্ননা খঙলে, নৎত্রগা হৌজিক্তি খঙলে। অদুগা, ইচম চম্বা মানবা ৱাহং অসিবু ফেস্তিবেল শীল্লিবা ঐখোয় ইশানা হংজরিবসি করিগীনো হায়না অদোম্না অমুক হংলি। আই.এফ.এফ.আই. অসি চহি খুদিংগী নবেম্বর ২০-২৮দা পাঙথোক্লি হায়না অদোম্না হায়রি। মদু ঐখোয় খঙদবরা? মদু ইখঙদা খঙনরবা ৱাফম নত্তবরানে? অদু ওইরগদি করিগীদমক্তা ৱাহং অসি হংলিবা, অদুবু ফেস্তিবেল শীল্লিবশিংদগী?
নুংশিরবা ফিল্মবু পামজবশিং, সিনেমাদা ঙাওজবশিং, আর্তপু খোয়দাজবশিং অমদি পুন্সিবু হরাও তয়াম্না চৎলিবশিং, ইচম চম্বা ৱাহংশিং অসি খ্বাইদগী নুংঙাইবা অমদি খ্বাইদগী মরুওইবা ওইদবরানে? মসিগীসু মথক্তা, চাউখ্রবা আর্তকী থৌরম অসিবু পাঙথোক্নবা থৌদাং শিন্নবিরিবা মীয়ামগী থৌগল্লোই ওইনা, অচুম্বা পাউখুমখক্তনতা মপুং ফাবা ওইদে হায়না খল্লি, অফবা অমদি হেন্না ফবা পাউখুম অমা ফংলগদি হেন্না মতেং ওইগনি হায়বসিদা অদোমসু শোয়দনা য়াবিগনি। অচুম্বা পাউখুম ফংবগী থাজবদুনা মখা তানা থিজিন্নিংবগী ঐখোয়দগী অপাম্বা মাঙহনখিগনি, মদুনা হেন্না ফবা নৎত্রগা হেন্না চুম্বা পাউখুম নৎত্রগা হেন্না ফবা ৱাহংগী লম্বীদা অপনবা ওইরক্কনি। করি হায়বগে?
অদোমদগী পাউখুম তাসি! খ্বাইদগী ফবা পাউখুম্না পুক্নিং লাংতক্নিংঙাই ওইরবা মনা ফংগনি...
ৱাখল্লোন অসিদা, ঐখোয়না পুখৎলিবা ৱাহং: #WhenIsIFFI? অসিদা মীয়ামগী পাউখুম ঐখোয়না তরাম্না ওকচরি। অদোমগী পাউখুম iffi-pib[at]nic[dot]in দা থাবিরকউ: হেন্না ফবদি, পাউখুমদু ত্বীত তৌদুনা (অদোমগী পাউখুম ঐখোয়না উহৌদবা লৈতনবা হেসতেগ #WhenIsIFFI শীজিন্নবা কাউবিগনু) মালেম পুম্বদা সেয়র তৌবিয়ু।
ঐখোয়না অদোমদা থমখিবা ৱাফম নীংশিংবিয়ু, ঐখোয় অফবা অমদি হেন্না ফবা পাউখুম পাম্বনি, চুম্নগী অচুম্বা পাউখুম পাম্বা নত্তে। অদুগা ৱাফম অমগা হায়গে, ঐখোয়না ইমেল অমসুং ত্বীতরদা ফংলিবা পাউখুমশিং য়েংদুনা পাউখুম অমা খ্বাইদগী ফবা ওইনা খনগনি; অদুগা হায়রিবা পাউখুম অদু থারক্লিবা মীওই অদুনা ঐখোয়দগী পুক্নিং লাংতক্নিংঙাই ওইরবা মনা অমা ফংগনি। মসিগী মথক্তা, করিগুম্বা অদোম গোৱাদা আই.এফ.এফ.আই. য়াওবা লাক্কদবা ওইরগদি, অদোম লাক্কনি হায়না ঐখোয়না থাজৈ, অদোম্না মনা অসি ঐখোয়দগী হকথেংননা লৌবিবা য়াগনি।
অদুগা, পুন্সিগী খুদোংচাবা কয়াগুম, মসি অকক্নবা মতমগী ওফরনি, নবেম্বর ১৩, ২০২২গী নুমিদাং পুং ১১.৫৯.৫৯ আই.এস.তি. ফাওবদং চৎনগনি।
অদুগা হোয়, অদোম্না থাগৎপিরকপা খ্বাইদগী ফবা পাউখুমদুগা লোয়ননা খ্বাইদগী চম্বা ৱাহং: #WhenIsIFFI? অসি হংনবগীদমক করিনা পুক্নিং থৌগৎখিবনো হায়বদুসু অদোমদা ঐখোয়না সেয়র তৌজগনি।
[৫৩শুবা আই.এফ.এফ.আই.গা মরী লৈনবা অপদেৎ খুদিংমক ফেস্তিবেল ৱেবসাইত www.iffigoa.org, নৎত্রগা পি.আই.বি. ৱেবসাইত (pib.gov.in), আই.এফ.এফ.আই.গী ত্বীতর, ফেসবুক অমসুং ইন্সতাগ্রামদা লৈরিবা সোসিএল মিদায়া একাউন্তশিংদা অমদি পি.আই.বি. গোৱাগী সোসিএল মিদিয়া হেন্দলশিংদগী ফংবিগনি।]
ঙাইদুনা লৈবিয়ু, ঐখোয় সিনেমাতিক সেলেব্রেসনগী কপ্তগী মরাং কায়না থকখিসি... অমদি মসিগী নুংঙাইবা লৌমিন্নখিসি।
***
(Release ID: 1874084)
Visitor Counter : 120