ନୀତି ଆୟୋଗ
ଅଟଳ ଇନୋଭେସନ୍ ମିଶନ ଭାରତର ୭୫ ଜଣ ସଫଳ ମହିଳା ଉଦ୍ୟୋଗୀ ମାନଙ୍କ ସମ୍ବନ୍ଧିତ କଫି ଟେବୁଲ୍ ପୁସ୍ତକ ଜାରି କରିଛି
Posted On:
04 NOV 2022 5:34PM by PIB Bhubaneshwar
ଅଟଳ ଇନୋଭେସନ୍ ମିଶନ (ଏଆଇଏମ୍), ନୀତି ଆୟୋଗ ଭାରତର ୭୫ ଜଣ ସଫଳ ମହିଳା ଉଦ୍ୟୋଗୀ ମାନଙ୍କର ଚିତ୍ରଣ କରୁଥିବା କଫି ଟେବଲ୍ ପୁସ୍ତକ ‘ଇନୋଭେସନସ୍ ଫର ୟୁ' ର ଚତୁର୍ଥ ସଂସ୍କରଣକୁ ଆଜି ଜାରି କରିଛି ।
ଏହି ୭୫ ଜଣ ମହିଳା ଉଦ୍ୟୋଗୀ ମାନଙ୍କୁ ଏଆଇଏମ୍, ନୀତି ଆୟୋଗର ଅଟଳ ଇନ୍କ୍ୟୁବେସନ୍ ସେଂଟର (ଏଆଇସି) ଦ୍ୱାରା ସହାୟତା ପ୍ରଦାନ କରା ଯାଇଥାଏ । ଏବେ ଯେତେବେଳେ ଦେଶ ଆଜାଦୀର ଅମୃତ ମହୋତ୍ସବ - ସ୍ୱତନ୍ତ୍ରତାର ୭୫ ତମ ବର୍ଷ ପାଳନ କରୁଛି, ‘ଇନୋଭେସନ୍ ଫର୍ ୟୁ' ର ଶୃଙ୍ଖଳା ଏହା ଦର୍ଶାଇଥାଏ ଯେ ବିଭିନ୍ନ କ୍ଷେତ୍ର ଗୁଡିିକରେ ରହିଥିବା ଷ୍ଟାର୍ଟ - ଅପ୍ ଗୁଡିକ କିଭଳି ବିଭିନ୍ନ ସମୁଦାୟ ଗୁଡିକଙ୍କ ନିମନ୍ତେ ଏକ ସ୍ଥିର ଭବିଷ୍ୟତ ନିର୍ମାଣ କାରଣରୁ ନବସୃଜନକୁ ପ୍ରୋତ୍ସାହିତ କରୁଛନ୍ତି ।
‘ଇନୋଭେସନ୍ ଫର ୟୁ' ଏକ କଫି ଟେବଲ୍ ପୁସ୍ତକ ଶୃଙ୍ଖଳା ଅଟେ, ଯାହାର ତିନୋଟି ସଂସ୍କରଣ ପୂର୍ବରୁ ଜାରି କରା ଯାଇ ସାରିଛି । ଏହି ପୁସ୍ତକ ଅଟଳ ଇନୋଭେସନ୍ ଅଧୀନରେ ତିନି ପ୍ରମୁଖ କାର୍ଯ୍ୟକ୍ରମ ଗୁଡିକ - ଅଟଳ ଇନକ୍ୟୁବେସନ ସେଂଟର, ଅଟଳ କମ୍ୟୁନିଟି ଇନୋଭେସନ୍ ସେଂଟର ଏବଂ ଅଟଳ ନ୍ୟୁ ଇଣ୍ଡିଆ ଚ୍ୟାଲେଞ୍ଜ - ଦ୍ୱାରା ସମର୍ଥିତ ବିଭିନ୍ନ ଷ୍ଟାର୍ଟ - ଅପ୍ର ସଫଳତାର କାହାଣୀ ଗୁଡିକୁ ଉଲ୍ଲେଖ କରିଥାଏ । ଏହି ପୁସ୍ତକର ପ୍ରତ୍ୟେକ ସଂସ୍କରଣ ବିଭିନ୍ନ କ୍ଷେତ୍ର ଗୁଡିକରେ କାର୍ଯ୍ୟ କରୁଥିବା ଉଦ୍ୟୋଗୀ ମାନଙ୍କର ଯାତ୍ରାକୁ ପ୍ରଦର୍ଶିତ କରିଥାଏ ଏବଂ ଏହା ସେହି ନୂତନ, ବିଘଟନକାରୀ, ନୂତନ ଉତ୍ପାଦ ଗୁଡିକର, ସେବା ଗୁଡିକର ଏବଂ ସମାଧାନ ଗୁଡିକର ସୃଜନ ପ୍ରତି ସମର୍ପିତ ଅଟେ, ଯାହା ଏକ ସ୍ଥିର ଭବିଷ୍ୟତର ମାର୍ଗ ପ୍ରଶସ୍ତ କରିପାରେ ।
ଏହି ପୁସ୍ତକର ପ୍ରଥମ ସଂସ୍କରଣ ସ୍ୱାସ୍ଥ୍ୟ ସେବା କ୍ଷେତ୍ର ଉପରେ ଆଧାରିତ ହୋଇଥିଲା ; ଦ୍ୱିତୀୟଟି କୃଷି ଏବଂ ସମ୍ବନ୍ଧିତ କ୍ଷେତ୍ର ଉପରେ ଏବଂ ତୃତୀୟଟି ପରିବହନ ଏବଂ ଗତିଶୀଳତା ଉପରେ କେନ୍ଦ୍ରିତ ଥିଲା । ଏଆଇଏମ୍ ଦ୍ୱାରା ସମର୍ଥିତ ୨୯୦୦ ଷ୍ଟାର୍ଟ - ଅପ୍ ଗୁଡିକ ମଧ୍ୟରୁ ୮୫୦ରୁ ଅଧିକ ଷ୍ଟାର୍ଟ - ଅପ୍ ଗୁଡିକର ନେତୃତ୍ୱ ମହିଳା ମାନେ ନେଉଛନ୍ତି ।
ଏହି ପୁସ୍ତକର ଉନ୍ମୋଚନ କରି ଅଟଳ ଇନୋଭେସନ ମିଶନର ନିର୍ଦ୍ଦେଶକ ଡଃ. ଚିନ୍ତନ ବୈଷ୍ଣବ କହିଥିଲେ ଯେ ‘ନାରୀ ତୁ ନାରାୟଣୀ' ଆମ ଦେଶର ପରମ୍ପରା ରହି ଆସିଛି । ଆମେ ଏହି ପୁସ୍ତକକୁ ସେହି ସମସ୍ତ ମହିଳା ମାନଙ୍କୁ ଉତ୍ସର୍ଗ କରୁଛୁ , ଯେଉଁମାନେ ଦେଶର ନେତୃତ୍ୱ ନେଉଛନ୍ତି ଏବଂ ଭବିଷ୍ୟତର ନେତୃତ୍ୱ ନେବା ପାଇଁ ଅଭିଳାଷ ପୋଷଣ କରନ୍ତି । ଆଗାମୀ ଦଶକରେ ଭାରତରେ କାର୍ଯ୍ୟ କରୁଥିବା ଲୋକ ମାନଙ୍କର ସଂଖ୍ୟା ସାରା ବିଶ୍ୱରେ ସବୁଠାରୁ ଅଧିକ ହେବ ଏବଂ ଏହି ଶ୍ରମ ଶକ୍ତିରେ ମହିଳା ମାନଙ୍କର ଭାଗିଦାରୀ ଭାରତର ଆର୍ଥିକ ଏବଂ ସାମାଜିକ ବିକାଶ କ୍ଷେତ୍ରରେ ପରିବର୍ତନ ଆଣିବାରେ ଏକ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିବ ।
ଏହି କାର୍ଯ୍ୟକ୍ରମରେ ଆନ୍ନା ରୟ, ବରିଷ୍ଠ ପରାମର୍ଶଦାତା (ଡିଏମ୍ ଆଣ୍ଡ ଏ), ଚାରୁ ଅଗ୍ରୱାଲ୍, ଲିଡ୍ ପ୍ରୋଜେକ୍ଟ ହର୍ ଆଣ୍ଡ ନାଓ, ଜିଆଇଜେଡ୍, ଅର୍ପିତା କାଲାନୁରିଆ, ପ୍ରତିଷ୍ଠାତା ଆମ୍ପଲଆର୍ଥ ପ୍ୟାକେଜିଂ ଆଣ୍ଡ ସିଷ୍ଟମସ୍ ପ୍ରାଇଭେଟ୍ ଲିମିଟେଡ୍, ମେହା ଲାହିରି, ସହ - ପ୍ରତିଷ୍ଠାତା, ରେସିଟି ଏବଂ ସୋନଲ ଅଗ୍ରୱାଲ୍ ବାଲି, ସିଏଫ୍ଓ, ଇଂଟେଲୋ ଲାବସ୍ ଇତ୍ୟାଦି ମଧ୍ୟ ଉପସ୍ଥିତ ଥିଲେ ।
ପୁସ୍ତକର ଲିଙ୍କ୍ https://aim.gov.in/CTB-75-womenpreneurs-of-India.pdf ୱେବ୍ସାଇଟ୍ ରେ ଉପଲବ୍ଧ ।
***
SSP
(Release ID: 1873841)
Visitor Counter : 216