نیشنل ایس سی-ایس ٹی ہب اسکیم کے تحت ہائی پاورڈ مانیٹرنگ کمیٹی (ایچ پی ایم سی) کی 5ویں میٹنگ 3 نومبر 2022 کو نئی دہلی میں ایم ایس ایم ای کے مرکزی وزیر جناب  نارائن رانے کی زیر صدارت میں منعقد ہوئی ۔ میٹنگ  کے شریک  صدارت میں ایم ایس ایم ای کے وزیر مملکت جناب بھانو پرتاپ سنگھ ورما تھے۔

میٹنگ کی صدارت کرتے ہوئے جناب  نارائن رانے نے کہا کہ نیشنل ایس-ایس ٹی ہب  کا مقصد درج فہرست ذاتوں/ درج فہرست قبائل سے تعلق رکھنے والے  کاروباری افراد کے لیے ایک معاون ایکو سسٹم  تیار کرنا ہے تاکہ سی پی ایس سیز کے ذریعے ایس سی/ ایس ٹی  کاروباریوں سے لازمی 4 فیصد خریداری کی جا سکے جیسا کہ  بہت چھوٹی اور چھوٹی صنعتوں کے لئے مرکزی حکومت کی  پبلک پروکیورمنٹ پالیسی  میں میں طے کیا گیا ہے۔ انہوں نے اسکیم کے نفاذ کے بعد ایس سی – ایس ٹی انٹرپرائزز سے خریداری میں نمایاں اضافہ پر بھی روشنی ڈالی۔ انہوں نے مزید یقین دلایا کہ میٹنگ  کے دوران اراکین کی جانب سے پیش کی گئیں تمام قابل قدر تجاویز پر مناسب غور کیا جائے گا۔

مرکزی وزیر مملکت جناب بھانو پرتاپ سنگھ ورما نے این ایس ایس ایچ کی پیش رفت پر اپنے خیالات کا اظہار کیا اور کہا کہ اراکین کی قابل قدر تجاویز کو غور کرنے کے لیے نوٹ کرلیا گیا ہے۔

میٹنگ میں ایچ پی ایم سی کے ارکان  نے شرکت کی جن میں دلت انڈین چیمبر آف کامرس اینڈ انڈسٹری (ڈی آئی سی سی آئی)، ٹرائبل انڈین چیمبر آف کامرس اینڈ انڈسٹری ( ٹی آئی سی سی آئی) ، ایسوچیم، بزنس ایسوسی ایشن ناگالینڈ (بی اے این)، سماجی انصاف اور تفویض اختیارات کی وزارت، قبائلی امور کی وزارت، نیتی آیوگ وغیرہ کے  نمائندے شامل تھے۔

۔۔۔۔۔۔۔۔۔۔۔

ش ح۔ا گ۔ن ا۔

U-12221