ইনফোর্মেসন অমসুং ব্রোদকাস্তিং মন্ত্রালয়
ভারতকী রাস্ত্রপতিনা আইজোলদা ইন্দিয়ান ইন্সতিতুৎ ওফ মাস কম্মুনিকেসন(আই আই এম সি) নোর্থ ইস্তর্ন রিজনেল কেম্পস শঙ্গাখ্রে
Posted On:
03 NOV 2022 3:48PM by PIB Imphal
মিজোরমগী খোঙচত্তা লৈরিবা ভারতকী রাস্ত্রপতি শ্রীমতি দ্রৌপতি মুর্মুনা ভর্চুএল ওইনা মিজোরম য়ুনিভর্সিতিদা ইন্দিয়ান ইন্সতিতুৎ ওফ মাস কম্মুনিকেসন(আই আই এম সি) নোর্থ ইস্তর্ন রিজনেল কেম্পস শঙ্গাখ্রে। ইন্দিয়ান ইন্সতিতুৎ ওফ মাস কম্মুনিকেসন(আই আই এম সি) অসি আই অমসুং বি মিনিস্ত্রিগী মখাদা লৈবা মনিংতম্বা মহৈলোয়শঙ অমনি।
ইন্দিয়ান ইন্সতিতুৎ ওফ মাস কম্মুনিকেসন(আই আই এম সি) নোর্থ ইস্ত কেম্পস অসি ২০১১দগী হৌনা মিজোরম য়ুনিভর্সিতিনা মতম খরগী ওইনা পীবা বিল্দিং অমদগী হৌদোকখিবনি। কেম্পস অসি শেমগৎপগী থবক ২০১৫দগী হৌখি অমসুং ২০১৯দা লোইশিনখি। মসিগী অপুনবা শেনফম লুপা কোতি ২৫নি। মিজোরম য়ুনিভর্সিতিনা পীবা লম একর ৮দা লৈরিবা আই.আই.এম.সিগী কেম্পস অসিদা তোঙানবা এদমিনিস্ত্রেতিপ অমসুং একাদেমিক বিল্দিংশিং অমসুং হোস্তেলশিং অমসুং স্তাফ ক্বাতরশিং য়াওরি।
ইন্সতিতুৎ অসি থবক হৌরকপদগী ভারতকী অতোপ্পা মফমশিং অমসুং অৱাং-নোংপোক রাজ্য খরগী মহৈরোয়শিংদা ইংলিস জর্নেলিজমগী পি.জি দিপ্লোমা কোর্স পীদুনা লাক্লি। চহি অসিদা ইন্সতিতুৎ অসিনা অনিরকশুবা ওইনা ইংলিস জর্নেলিজমগী তোপ্পর অমা পুথোকখ্রে। কেম্পস প্লেসমেন্তশিং অমসুং মখোয় মশানা হোৎনদুনা লৈবাক শীনবা থুংনা লৈরিবা তোঙান-তোঙানবা মমিং লৈরবা মেদিয়া ওর্গনাইজেসনশিংদা ইন্সতিতুৎ অসিগী মহৈরোয়শিং থবক ফংলে। চহি মথং-মথং, মহৈরোয়শিংনা মমিং লৈরবা মেদিয়া ওর্গনাইজেসন দুরদর্সনগুম্বদা মখোয় মশাগী হৈজবশিং উৎথোকপা ঙম্লে।
২০২২-২৩ সেসন্দগী, আই.আই.এম.সিগী অতোপ্পা কেম্পস অনিগা লোয়ন্না নোর্থ ইস্ত কেম্পস অসিদা দিজিতেল মেদিয়াগী পি.জি দিপ্লোমা কোর্স হৌনবা খল্লে। হৌজিক্কী মতমদা দিজিতেল মেদিয়াগী মরুওইবা অমসুং কান্নবশিং য়েংলগা কোর্স অসি হৌনবা ৱারেপ লৌখিবনি। য়ুনিভর্সিতি অসিগী কেম্পসতগী থবক হৌরকপদগী মরুওইনা য়ুনিভর্সিতি অসিনা একাদেমিক অমসুং এদমিনিস্ত্রেতিপকী মতেং পাংখিবা অমসুং মওং অমা নত্ত্রগা মওং অমদা মতেং পাংখিবশিং ইন্সতিতুৎ অসিনা থাগৎলি।
২০১১দগী ইন্সতিতুৎ অসি থবক হৌরকপদগী, চহি ২০ হেন্না মিজোরম সরকারগী ইনফোর্মেসন অমসুং পব্লিক রিলেসন্সকী দিরেক্তর ওইরম্লবা অমসুং পব্লিক রিলেসন্সকী লমদা চহি কয়াগী এক্সপেরিয়েন্স লৈরিবা শ্রী এল.আর সাইলোনা রিজনেল দিরেক্তর ওইদুনা ইন্সতিতুৎ অসিগী মকোক ওইরি।
ইন্দিয়ান ইন্সতিতুৎ ওফ মাস কম্মুনিকেসন(আই আই এম সি) অসি আই অমসুং বি মিনিস্ত্রিগী মখাদা লৈবা মমিং লৈরবা জর্নেলিজম ইন্সতিতুৎ অমনি। লৈবাক অসিগী অমসুং অতোপ্পা চাউখৎলক্লিবা লৈবাকশিংগী মেদিয়াগী শীনফমদা থবক তৌরিবশিংগী ত্রেনিংগী দরকার ওইবশিং ফংহন্নবা ইন্সতিতুৎ অসি ১৯৬৫তা লিংখৎখি। হেক হৌবদগী হৌনা ইন্সতিতুৎ অসি ইন্দিয়ান ইনফোর্মেসন সর্বিসকী ত্রেনিং ইন্সতিতুৎ অমা ওইনা থবক তৌরক্লি অমসুং তুংদা ইন্ত্রান্স একজামিনেসনগী খুৎথাংদা পাউমী ওইনিংবশিংগী কোর্স কয়া পাংথোকপা হৌরকখি। লৈবাক অসিগী মেদিয়া ইজুকেসনগী দরকার ওইবশিং ফংহন্নবা আই.আই.এম.সি পাকথোক-চাউথোক্লে অমসুং লৈবাক্কী তোঙান-তোঙানবা মফমশিংদা রিজনেল কেম্পস ৫ লিংখৎলে।
*****
(Release ID: 1873616)
Visitor Counter : 145