قومی اتحاد کے دن یا راشٹریہ ایکتا دیوس کے موقع پر، 31 اکتوبر 2022 کو سردار ولبھ بھائی پٹیل کی 147ویں یوم پیدائش کی یاد میں، اور اتحاد پر ان کے یقین کو خراج عقیدت پیش کرنے کے لیے، الیکٹرانکس اور آئی ٹی کی وزارت (MeitY) اور اس کے منسلک/ خود مختار دفاتر کے 500 سے زیادہ افسران نے کل یہاں الیکٹرانکس نکیتن کے احاطے سے جواہر لال نہرو اسٹیڈیم تک ’رن فار یونٹی‘ میں جوش و خروش کے ساتھ حصہ لیا۔

 

MeitY کے اہلکار رن فار یونٹی میں حصہ لیتے ہوئے

 

MeitY کے سکریٹری جناب الکیش کمار شرما نے الیکٹرانکس نکیتن کے احاطے سے ’رن فار یونٹی‘ کو جھنڈی دکھا کر اس کی قیادت کی۔ اجتماع سے خطاب کرتے ہوئے انھوں نے کہا کہ ”سردار پٹیل ایک آئیکن ہیں جو ہر ہندوستانی کے دل میں بستے ہیں“۔ ”راشٹریہ ایکتا دیوس اور سوچھتا“ کی حقیقی روح کو مد نظر رکھتے ہوئے، عہدیداروں نے بھی دوڑ میں حصہ لیا، MeitY اور اس کے آس پاس کے علاقوں کو صاف کیا اور مل کر کوڑا اکٹھا کیا، قومی اتحاد کے دن پر قوم کے لیے مشترکہ ذمہ داری کا مظاہرہ کیا۔

 

 

MeitY کے اہلکار رن فار یونٹی میں حصہ لیتے ہوئے

MeitY اور اس کی تمام تنظیموں بشمول منفرد شناختی اتھارٹی آف انڈیا (UIDAI)، نیشنل انفارمیٹکس سینٹر (NIC)، نیشنل انٹرنیٹ ایکسچینج آف انڈیا (NIXI)، نیشنل انفارمیٹکس سینٹر سروسز انکارپوریٹڈ (NICSI)، سینٹر فار ایڈوانسڈ کمپیوٹنگ (C-DAC)، سیمی کنڈکٹر لیبارٹری (SCL) اور سینٹرل انڈسٹریل سیکیورٹی فورس (CISF) کے 500 سے زیادہ افسران نے اس تقریب میں شرکت کی، جنھوں نے MeitY کے مختلف دفاتر کے درمیان ہم آہنگی کا مظاہرہ کیا۔

 

MeitY کے اہلکار رن فار یونٹی میں حصہ لیتے ہوئے

یہ دوڑ راشٹریہ ایکتا دیوس اور سالمیت کے عہد کے ساتھ اختتام پذیر ہوئی جسے تمام شرکا نے اپنے ملک کی یکجہتی، سالمیت اور سلامتی کو برقرار رکھنے، ملک کو صاف ستھرا رکھ کر اور دیانتداری اور ایمانداری کے اعلیٰ ترین معیارات پر قائم رہنے کے ذریعے مادر ہند کی خدمت کرنے کے وعدے کے انجام دیا۔

                                               **************

ش ح۔ ف ش ع-م ف

U: 12102

(Release ID: 1872858) Visitor Counter : 147