కమ్యూనికేషన్లు- సమాచార సాంకేతిక విజ్ఞాన మంత్రిత్వ శాఖ
డిఓటి టెలికాం, నెట్వర్కింగ్ ఉత్పత్తుల కోసం 42 మంది లబ్ధిదారులకు విస్తరించిన పిఎల్ఐ పథకం. దీని మొత్తం పరిమాణం రూ. 4,115 కోట్లు
5G కోసం బలమైన పర్యావరణ వ్యవస్థను నిర్మించడానికి డిజైన్-ఆధారిత తయారీ; పిఎల్ఐ పథకం కింద 17 కంపెనీలు దరఖాస్తు
పెరుగుతున్న ఉత్పత్తి సుమారు రూ. 2.45 లక్షల కోట్లు, పిఎల్ఐ పథకం ద్వారా 44 వేల మందికి ఉపాధి
Posted On:
31 OCT 2022 3:56PM by PIB Hyderabad
ప్ర‌ధాన మంత్రి శ్రీ న‌రేంద్ర మోదీ ఆత్మనిర్భ‌ర్ భార‌త్ దార్శనికతకు పెద్ద ఊతంగా, క‌మ్యూనికేష‌న్స్ మంత్రిత్వ శాఖ టెలికాం, నెట్వర్కింగ్ ప్రొడ‌క్ట్‌ల కోసం పిఎల్ఐ స్కీమ్ కింద 28 ఎంఎస్‌ఎమ్‌ఇలతో సహా 42 కంపెనీలకు ఆమోదం తెలిపింది. వీటిలో 17 కంపెనీలు డిజైన్-లీడ్ మ్యానుఫ్యాక్చరింగ్ ప్రమాణాల ప్రకారం 1% అదనపు ప్రోత్సాహకం కోసం దరఖాస్తు చేసుకున్నాయి. ఈ 42 కంపెనీలు రూ. 4,115 కోట్లు పెట్టుబడులు పెట్టడానికి ముందుకు వచ్చాయి. దీనివల్ల అదనంగా రూ. రూ. 2.45 లక్షల కోట్లు, స్కీమ్ వ్యవధిలో 44,000 మందికి పైగా అదనపు ఉపాధి అవకాశాలు సృష్టిస్తుంది.
బలమైన దేశీయ విలువ గొలుసును సృష్టించడానికి, 2022-23 ఆర్థిక సంవత్సరం యూనియన్ బడ్జెట్ టెలికాం, నెట్వర్కింగ్ ఉత్పత్తుల కోసం డిజైన్-లీడ్ పిఎల్ఐ పథకాన్ని ప్రకటించింది. ఇది భారతదేశంలో రూపొందించిన, తయారైన ఉత్పత్తులకు ఇప్పటికే ఉన్న ప్రోత్సాహకాల కంటే 1% అదనపు ప్రోత్సాహకాన్ని అందించింది. డిజైన్ నేతృత్వంలోని పిఎల్ఐ స్కీమ్ జూన్ 2022లో ప్రారంభం అయింది. 1 ఏప్రిల్ 2022 నుండి ప్రారంభమయ్యే ఐదేళ్ల పాటు పిఎల్ఐ స్కీమ్ కింద ప్రోత్సాహకాన్ని పొందడం కోసం డిజైన్ ఆధారిత తయారీదారులు అలాగే ఇతరుల నుండి దరఖాస్తులు ఆహ్వానించారు.
టెలికాం, నెట్వర్కింగ్ ఉత్పత్తుల కోసం పిఎల్ఐ పథకం కింద ఉన్న కంపెనీలు మరిన్ని ఉత్పత్తులను జోడించడానికి, డిజైన్ ఆధారిత పిఎల్ఐ పథకం కింద దరఖాస్తు చేసుకోవడానికి అనుమతించారు. వారి 5-సంవత్సరాల పిఎల్ఐ స్కీమ్ కాలాన్ని ఒక సంవత్సరం పాటు మార్చుకునే ప్రయోజనం కూడా వారికి అందించారు. 22 కంపెనీలు తమ మొదటి సంవత్సరాన్ని మార్చుకునే అవకాశాన్ని ఉపయోగించుకున్నాయి, ఇందులో తాజాగా దరఖాస్తుదారులుగా దరఖాస్తు చేసుకున్న 13 కంపెనీలు ఉన్నాయి.
టెలికాం పరికరాల తయారీని ప్రోత్సహించేందుకు భారత ప్రభుత్వం తీసుకున్న నిర్దిష్ట చర్యలకు దేశీయ, ప్రపంచ తయారీదారుల నుండి ఉత్సాహభరితమైన ప్రతిస్పందన ప్రభుత్వం కార్యక్రమాలపై బలమైన విశ్వాసాన్ని సూచిస్తుంది. టెలికాం, నెట్వర్కింగ్ పరికరాల కోసం డిజైన్, తయారీ కేంద్రంగా భారతదేశం ఉద్భవించబోతోంది.
***
(Release ID: 1872515)
Visitor Counter : 184