প্রধান মন্ত্রী শ্রী নরেন্দ্র মোদীনা ওক্তোবর ৩০, ২০২২দা গুজরাতকী বদোদরাদা – লৈবাক অসিগী অহানবা প্রাইবেৎ সেক্তরগী – সি-২৯৫ ত্রান্সপোর্ত এয়রক্রাফ মেন্যুফেকচরিং ফেসিলিতীগী উরেপ-উয়ুং তমখ্রে। ফেসিলিতী অসিনা তাতা এদভান্স সিস্তেম্স লিমিতেদ অমসুং এয়রবস দিফেন্স এন্দ স্পেস এস.এ. স্পেননা চুংশিন্নদুনা ইন্দিয়া এয়র ফোর্সকীদমক সি-২৯৫ এয়রক্রাফ মেন্যুফেকচর তৌরগনি। মসি ভারতকী প্রাইবেৎ কম্পনী অমনা মিলিতরী এয়রক্রাফ মেন্যুফেকচর তৌবগী অহানবা প্রোজেক্ত ওইরগনি। প্রোজেক্ত অসিগী অপুনবা শেনফম লুপা করোর ২১,৯৩৫নি। এয়রক্রাফ অসি সিবিলিয়নগীদমক্তসু শীজিন্নবা য়াগনি।

প্রধান মন্ত্রীগী ৱারোল

থৌরম অদুদা ৱা ঙাংলদুনা প্রধান মন্ত্রীনা হায়খি মদুদি ঙসি ঐখোয়না ভারতপু মালেমগী মেন্যুফেকচরিং হব ওইহন্নবা মাইকৈদা অচৌবা খোঙথাং অমা থাংজিনখি। মহাক্না হায় ভারতনা লৈবাক কয়াদা পাম্নরবা ফাইতর জেৎশিং, তেঙ্কশিং, সবমেরিনশিং, হীদাক-লাংথকশিং, ভেক্সিনশিং, ইলেক্ত্রোনিক গেদজেৎশিং, মোবাইল ফোনশিং অমসুং কারশিং শারি। প্রধান মন্ত্রীনা হায় ভারতনা ‘মেক ইন ইন্দিয়া, মেক ফোর দি গ্লোব’ হায়বা মন্ত্রগা লোয়ননা মাংদা চংশিল্লি অমসুং হৌজিক ভারতনা মালেমগী ওইনা ত্রান্সপোর্ত এয়রক্রাফকী অচৌবা মেন্যুফেকচর্র অমা ওইরক্লি। প্রধান মন্ত্রীনা হায় চাউথোকচবগা লোয়ননা ভারতনা ‘মেক ইন ইন্দিয়া’ হায়বা ৱাহৈশিং অসি য়াওবা অচৌবা পেসেঞ্জর এয়রক্রাফশিং অথুবদা শারগনি।

মহাক্না হায়খি মদুদি ঙসি উরেপ-উয়ুং তম্লিবা ফেসিলিতী অসিনা লৈবাক অসিগী দিফেসন্স অমসুং ত্রান্সপোর্ত সেক্তরদা অওনবা পুরকপগী শক্তি লৈ। মহাক্না হায় মসি অহানবা ওইনা ভারতকী দিফেন্স সেক্তরদা অচৌবা ইনভেস্তমেন্ত তৌবনি। মফম অসিদা শাজবা ত্রান্সপোর্ত এয়রক্রাফশিংনা আর্মদ ফোর্সশিংগী মপাঙ্গল হাপ্পা খক্তা নত্তনা মসিনা এয়রক্রাফ মেন্যুফেকচরিংগী অনৌবা ইকোসিস্তেম অমা শেমগৎপদা মতেং পাংলগনি। মহাক্না হায়, “কলচরেল অমসুং এজুকেসন সেন্তরগীদমক খঙনরম্বা বদোদরা অসি এভিএসন সেক্তর হব হায়না নৌনা শক খঙনরগনি”। প্রধান মন্ত্রীনা এম.ই.এম.ই. ১০০ হেনবনা প্রোজেক্ত অসিদা য়াওবদা নুংঙাইবা ফোঙদোকখি। মহাক্না হায় ‘মেক ইন ইন্দিয়া, মেক ফোর দি গ্লোব’কী ৱাশক অসিনা লমদম অসিদগী অনৌবা শাহৌ ফংলগনি মরমদি প্রোজেক্ত অসিনা তুংলমচৎতা অতোপ্পা লৈবাকশিংদগী এক্সপোর্তকী ওর্দর লৌবা ঙম্লগনি।

ভারতকী খোঙজেল য়াংনা খুমাং চাউশিল্লিবা এভিএসন সেক্তরগী মতাংদা পল্লদুনা প্রধান মন্ত্রীনা হায় ঐখোয়না এয়র ত্রাফিক্কা মরী লৈননা মালেমগী মকোক থোংবা লৈবাক অহুমগী মনুংদা চনবা ঙম্লগনি। উরান স্কিমনা চৎথোক চৎশিন তৌরিবা মীওইশিংবু এয়র ত্রেবেলরশিংদা ওন্থোকপদা মতেং পাংলি হায়না মহাক্না ফোঙদোকখি। পেসেঞ্জর অমসুং কার্গো এয়রক্রাফশিংগী দিমান্দ হেনগৎলক্লিবা অসিগী মতাংদা প্রধান মন্ত্রীনা হায়খি মদুদি ভারতনা মথংগী চহি ১৫দা এয়রক্রাফ ২০০০ হেন্না মথৌ তারগনি। প্রধান মন্ত্রীনা হায় ঙসি অসি মাইকৈ অসিদা মরু ওইবা খোঙথাং অমা থাংজিল্লি অমসুং ভারতনা হায়রিবা অসিগীদমক শেম শাবা হান্নদগী হৌখ্রবনি। শ্রী মোদীনা হায় কোরোনাগী লাইচৎ অমসুং লান্না শোকহল্লবা অমসুং সপ্লাই চেন্দা অপনবশিং থোকপদা অকাইবা পীরিবা মালেম অসিগীদমক মালেমগী ওইবা খুদোংচাবা অমা ভারতনা পীরি। অসিগুম্বা অৱাবা ফীভমশিংদসু ভারতনা খুমাং চাউশিনবগী খোঙজেল অসি অদুমক লেংদনা লৈখি হায়না মহাক্না ফোঙদোকখি। মহাক্না হায় ওপরেতিং কন্দিসনশিং লেপ্পা লৈতনা ফগৎলক্লি অমসুং ভারতনা কোস্ত কম্পিতিতিবনেস লোয়ননা ক্বালিতীদা মীৎয়েং চংলি। প্রধান মন্ত্রীনা হায়, “ভারতনা লো কোস্ত মেন্যুফেকচরিং অমসুং হায় আউতপুৎকী খুদোংচাবা ফংহল্লি”। মহাক্না মখা তারদুনা হায় ভারত্তা স্কিল মেনপাৱরগী অচৌবা তেলেন্ত পুল অমা লৈ। হৌখিবা চহি ৮ অসিদা সরকারনা পুরকখিবা রিফোর্মশিংগী মতাংদা পল্লদুনা প্রধান মন্ত্রীনা হায় ভারতনা লৈবাক অসিদা মেন্যুফেকচরিংগীদমক অমুক্তা ওইখিদ্রিবা এনভাইর্নমেন্ত অমা শেমগৎলি। প্রধান মন্ত্রীনা অরাইবা কোর্পোরেৎ তেক্স স্ত্রকচর অমা শেম্লি লোয়ননা মদু গ্লোবেল ওইনা কম্পিতিতিব ওইহনবা, চাদা ১০০ ওইবা এফ.দি.আই. রুৎ হাংদোকপা, প্রাইবেৎ কম্পনীশিংগীদমক দিফেন্স অমসুং স্পেস সেক্তরশিং হাংদোকপা, সেন্ত্রেল লেবর লো ২৯বু কোদ ৪দা রিফোর্ম তৌবা, কমপ্লায়েন্স ৩৩,০০০ মুত্থৎপা অমসুং তেক্সশিংগী লোইনাইদ্রবা লাং অদু মুত্থৎতুনা গুদস এন্দ সর্ভিস তেক্স শেম্বা অসিগুম্বা খুদমশিং পীখি। মহাক্না হায়, “ঙসি ভারত্তা ইকনোমিক রিফোর্মশিংগী অনৌবা চহিচা অমা হৌরে অমসুং রাজ্যশিংগী মথক্তা মসিগী খ্বাইদগী কান্নবা অসি মেন্যুফেকচরিং সেক্তরনা ফংলি”।

প্রধান মন্ত্রীনা মাইপাক্নবগীদমক ৱাখল্লোন্দা অহোংবা পুরকপা অসি থাগৎখি। মহাক্না হায়, “ঙসি ভারতনা অনৌবা ৱাখল্লোন, অনৌবা ৱার্ক-কলচরগা লোয়ননা থবক তৌরি”। মহাক্না সরকারনা পুম্নমক খঙই হায়বা ৱাখল্লোন্দা লৈবাক অসিগী তেলেন্ত অমসুং প্রাইবেৎ সেক্তরগী শক্তি নমথদুনা লৈঙাকপগী ৱাখল্লোন লৈরমখিবা মতম অদু নীংশিংখি। “হৌজিক ঐখোয়না ‘সবকা প্রয়াস’ ঙাক্না চৎতুনা সরকারনা পব্লিক অমসুং প্রাইবেৎ সেক্তর চপ মান্ননা মরু ওইনা লৌবা হৌরকখি”। প‌্রধান মন্ত্রীনা মমাং সরকারগী মেকশিফ এপ্রোচতা মেন্যুফেকচরিং সেক্তর অসিবু সবসিদীগী খুত্থাংদা মমিংতগী চলাইদুনা থমখিবা অদুবু নীংঙমদবা ফোঙদোকখি। লোজিস্তিক্স, ইলেক্ত্রিসিতী সপ্লাই নত্ত্রগা ৱাতর সপ্লাইগুম্বা তঙাই ফদবা ফেসিলিতীশিংবু নাথৈদুনা থমখি। মহাক্না হায়, “ঐখোয়না ৱারেপ লৌবদা মেকশিফ এপ্রোচ অসি থাপ্না থমখি অমসুং ইনভেস্তরশিংগীদমক তোঙান-তোঙানবা অনৌবা ইনসেন্তিবশিং পুথোকখি। প্রদক্সন লিঙ্ক ইনসেন্তিব স্কিম হৌদোকখি মদিনা অহোংবা অসিবু ময়েক শেংহনখি। ঙসি ঐখোয়গী থৌশিল থৌরাংশিং অসি স্তেবল, প্রিদিক্তেবল অমসুং ফ্যুচরিস্তিক ওইরে”।

প্রধান মন্ত্রীনা মেন্যুফেচকরিং অসি য়ৌশিনবা ঙমদনা লৈ হায়না লৌবনা সর্ভিস সেক্তরদা মপুং ওইনা মীৎয়েং চংখিবগী ৱাখল্লোন লৈরমখিবা মতম অদু নীংশিংখি। মহাক্না হায়, “ঙসি ঐখোয়না সর্ভিসেস অমসুং মেন্যুফেকচরিং সেক্তর অনিমক ফগৎহল্লি”। মহাক্না মেন্যুফেকচরিং অমসুং সর্ভিস সেক্তর অনিমক্তা মীৎয়েং থম্লিবা হোলিস্তিস এপ্রোচপু মরু ওইনা লৌখি হায়না ফোঙদোকখি। মহাক্না মখা তারদুনা হায়, “ঙসি ভারতনা মেন্যুফেকচরিংদা মীপুম খুদিংমক্তগী মাংজিল থানা চৎনবা শেম-শারি”। প্রধান মন্ত্রীনা হায়, “মসি হৌখিবা চহি ৮দা ঐখোয়না স্কিল দিবেলপমেন্ত অমসুং মসিনা শেমখিবা এনভাইর্নমেন্তদা মীৎয়েং থম্বনা ওইথোকপা ঙমহনখিবনি। অহোংবশিং অসি পুনশিন্দুনা ঙসি ভারতকী মেন্যুফেকচরিং সেক্তরগী চাউখৎ খোঙচৎ অসিনা থাক অসি য়ৌবা ঙমখিবনি”।

সরকার অসিগী ইনবেস্তমেন্ত ফ্রেন্দলী ওইবা থৌশিলশিং অদুগী মতাংদা পল্লদুনা মসিগী কান্নবা অসি এফ.দি.আই.দা ময়েক শেংনা উবা ফংলে হায়না ফোঙদোকখি। “হৌখিবা চহি নিপান অসিদা লৈবাক ১৬০ হেনবদগী কম্পনীশিংনা ভারত্তা ইনবেস্ত তৌরকখি হায়না মহাক্না ফোঙদোকখি”। মহাক্না মখাতানা ফোঙদোক্লদুনা অসিগুম্বা ফোরেন ইনভেস্তমেন্তশিং অসি ইন্দস্ত্রী খরখক্তা ইনবেস্ত তৌবা নত্তে অদুবু ইকনোমীগী সেক্তর ৬১দা শন্দোক্লি অমসুং ভারতকী রাজ্য ৩১ কোনশিল্লি। এরোস্পেস সেক্তর খক্তদা বিলিয়ন দোলর ৩দগী হেন্না ইনবেস্ত তৌখ্রে হায়না প্রধান মন্ত্রীনা ফোঙদোকখি। সেক্তর অসিদা ২০১৪গী মতুংদা ইনবেস্ত তৌখিবা অসি ২০০০ দগী ২০১৪ ফাওবগী মনুংদা তৌখিবা অদুগী শরুক মঙা ওই হায়না মহাক্না ফোঙদোকখি। লাক্কদৌরিবা চহিশিং অসিদা দিফেন্স অমসুং এরোস্পেস সেক্তরশিংনা আত্মনিভর ভারত কেম্পেনগী মরুওইবা য়ুম্বীশিং ওইরগনি হায়না প্রধান মন্ত্রীনা ফোঙদোকখি। ২০২৫ ফাওবদা ঐখোয়গী দিফেন্স মেন্যুফেকচরিং অসি দোলর ২৫ হেন্নবা পান্দম থম্লি। ঐখোয়গী দিফেন্স এক্সপোর্তশিং অসি বিলিয়ন দোলর ৫ হেল্লগনি হায়না মহাক্না মখা তাখি। উত্তর প্রদেশ অমসুং তমিল নাদুদা শেমগৎলিবা দিফেন্স কোরিদোরশিং অসিনা সেক্তর অসি পাকথোক চাউথোকহনবদা চাউনা মতেং পাংলগনি হায়না প্রধান মন্ত্রীনা ফোঙদোকখি। শ্রী মোদীনা ঙাকশেল মন্ত্রালয় অমসুং গুজরাত সরকারবু গান্ধীনগরদা খ্বাইদগী চাউবা দেফ-এক্সপো শিল-লাংখিবগী থাগৎপা ফোঙদোকখি।  দেফ-এক্সপোদা উৎখিবা খুৎশু খুৎলাই অমসুং তেক্নোলোজী খুদিংমক ভারত্তা শাজবা ঙাক্তনি হায়না মহাক্না ফোঙদোকখি। “প্রোজেক্ত সি-২৯৫কী মমিশিং অদুসু লাক্কদৌরিবা চহিশিংদা পাংথোক্কদবা দেফ-এক্সপোদা উবা ফংলগনি হায়না প্রধান মন্ত্রীনা মখা তাখি।  

লোইশিল্লকপগী ৱারোলদা প্রধান মন্ত্রীনা ইন্দস্ত্রী অসিগা মরী লৈনবা মীপুম খুদিংমক্তা মীকুপ অসিদা লৈবাক অসিদা মমাংদা অমুক্তা ওইদ্রিবা মওংদা ইনবেস্তমেন্ত লাকহন্নবা অপাম্বা ফোঙদোকখ্রে। মহাক্না মখা তারদুনা লৈবাক অসিগী স্তার্ত অপশিংনা মাংলোমদা চংশিনবদা মতেং পাংগদবনি হায়না ফোঙদোকখি। রিসর্সকী লমদা লনাই সেক্তরনা শরুক য়াবা হেনগৎহন্নবা অপাম্বসু ফোঙদোকখি। “করিগুম্বা ঐখোয়না মাইকৈ অসিদা শাফু পীরবদি ঐখোয়না ইনোবেসন অমসুং মেন্যুফেকচরিংগী হেন্না কনবা ইকোসিস্তেম অমা শেমগৎপা ঙমগনি।

ঙাকশেল মন্ত্রীগী ৱারোল

ঙাকশেল মন্ত্রী শ্রী রাজনাথ সিংহনা মহাক্কী ৱারোল পীবদা প্রাইবেৎ সেক্তরগী অহানবা মেন্যুফেকচরিং ফেসিলিতীগী উরেপ-উয়ুং তম্বা অসি ঙাকশেলদা ‘আত্মনির্ভরতা’ ওইবগী খোঙচঃতা মরু ওইবা পন্দুপ অমনি হায়না ফোঙদোকখি। মহাক্না তাতা কন্সোর্তিয়ম, এয়রবস অমসুং প্রোজেক্ত অসিগা মরী লৈনবা অতোপ্পা ওর্গনাইজেসনশিংবু থাগৎপা ফোঙদোকখি, গুজরাত্তগী হৌরকখিবা জাতিগী মপা মহাত্মা গান্ধীগী স্বাদেশি মুফমেন্তবু শাহৌ পীবগীদমক মখোয়বু থাগৎপা ফোঙদোকখি।

ঙাকশেল মন্ত্রীনা সি-২৯৫ অসি স্তেৎ-ওফ-দি-আর্ত এয়রক্রাফ অমনি মসিদা আই.এ.এফ.কী লোজিস্তিকেল কেপাবিলিতীবু অমুক্তা ওইখিদ্রিবা মওংদা হেনগৎহনগদবা সুপরিয়র কেপাবিলিতীশিং অমসুং গ্লোবেল স্তেন্দর্দশিং য়াওই হায়না ফোঙদোকখি। মহাক্না মখা তারদুনা হায়, “এয়রক্রাফ ৫৬তা ভারত ইলেক্ত্রোনিক্স লিমিতেদ অমসুং ভারত দাইনামিক্স লিমিতেসনা শাবা ইন্দিজিনস ইলেক্রোনিক ৱারফিয়র স্যুৎ হাপকনি হায়রিবা অসি য়াম্না চাউথোকচনীংঙাই ওইবা ৱাফম অমনি। লৈবাক শিনবা থুংবদগী এম.এস.এম.ই. কয়ানা প্রোজেক্ত অসিদা শরুক য়ারি। মসি প্রাইবেৎ সেক্তর অমসুং দি.পি.এস.য়ু.শিংগী অপুনবা খোঙথাংশিংগা লোয়ননা আর্মদ ফোর্সশিংগী মথৌ তাবশিং থুংহন্নবগী অফবা খুদম অমনি”।

শ্রী রাজনাথনা ঙাকশেল মন্ত্রালয়না পাইখৎলিবা খোঙথাংশিং অসিনা দোমেস্তিক মেন্যুফেকচরিং তৌবা থৌগৎপা খক্তা নত্তনা মসিনা আর্ম ফোর্সেসকী মথৌ তাবশিংসু থুংহল্লগনি অদুবু মসিনা দিফেন্স ইক্বিপমেন্ত/প্লেৎফোর্মশিংগী নেৎ এক্সপোর্তর অমা ভারতনা ওইবদা মতেং পাংলি হায়না ফোঙদোকখি। ফেসিলিতী অসিদা এয়রক্রাফ মেন্যুফেকচর তৌবগী খোঙচৎ অসি মুচুএল কোওপরেসন, দিফেন্স এম্পাৱরমেন্ত অমসুং আত্মনির্ভর ওইবগী খোঙচৎনি হায়না মহাক্না মখা তাখি।

প্রধান মন্ত্রীগী মীৎয়েং শান্না উবা ঙম্বা লুচিংবগী মতৌ অসিগী মতাংদা ঙাকশেল মন্ত্রীনা শ্রী নরেন্দ্র মোদী অসি লৈবাক অসিগী হৌজিক্কী মথৌ তাবশিং থুংহনবগী ৱারেপশিং লৌবা ঙম্বা লৈঙাকলোই অমা ওইবতা নত্তনা তুংলচৎকী মথৌ  তাবসু থুংহনবা ঙম্মি। মহাক্না হায়, লৈবাক অসিনা প্রধান মন্ত্রীগী ‘আত্মনির্ভর ভারত’কী মঙলান থুংহন্নবা কন্না হোৎনরি মরমদি মসি মালেমদা ভারতনা মপাঙ্গল কনবা লৈবাক অমা ওইনবগীদমক তঙাই ফদে। মহাক্না মখা তারদুনা হায়, “প্রধান মন্ত্রীগী মীৎয়েং শান্না উবা ঙম্বা লুচিংবগী মতৌ অসিনা মরম ওইদুনা ভারতকী গ্লোবেল ইমেজ অসিদা চাউনা অওনবা পুরকপা ঙমখি। নই দিল্লীনা হৌজিক ইন্তর্নেস্নেল প্লেৎফোর্মশিংদা মেজর ভোইস ওইরক্লি লোয়ননা মালেম্না থৱায় য়াওনা অমসুং ইকাই খুম্নবগা লোয়ননা ঐখোয়না ঙাংবা তারি”।

তাইমলাইন

এয়রক্রাফ তরাতরুক (১৬) ফ্লাইঅৱে কন্দিসন্দা দেলিবর তৌরগনি। মখোয় অসি সেপ্তেম্বর ২০২৩ অমসুং ওগস্ত ২০২৫কী মনুংদা পীনবা মতম লেপখি। লেমহৌরিবা নিফু (৪০) অসিনা বদোদরা মেন্যুফেকচরিং ফেসিলিতীদা শাগনি। অহানবা মেদ ইন ইন্দিয়া এয়রক্রাফ অসি সেপ্তেম্বর ২০২৬তা পুথোকপা ঙম্লবা য়াই।

এয়রক্রাফকী মতিক-ময়াই

সি-২৯৫ অসি আই.এ.এফ.কী অরিবা এবরো এয়রক্রাফ মহুৎ শিনগদবা কন্তেম্পোররী তেক্নোলোজী ওইরিবা তন কেপাসিতী ৫-১০গী ত্রান্সপোর্ত এয়রক্রাফ অমনি। মপাঙ্গল কনবা অমসুং থাজবা য়াবা, ভর্সেতাইল অমসুং ইফিসিএন্ত তেক্তিকেল ত্রান্সপোর্ত এয়রক্রাফ ওইবা তোঙান-তোঙানবা মিসন কয়ামরুম পাঙথোকপা ঙমগনি।  পুং ১১ ফাওবগী ফ্লাইৎ এন্দুরেন্স ওইবা এয়রক্রাফ অসিনা ৱেদর কন্দিসন পুম্নমক্তা মলতি-তোল ওপরেসনশিং পাঙথোকপা ঙমগনি। মসিনা লৈকংলাদগী মেরিতাইম এনভাইর্নমেন্তশিংদা অয়ুক অমদি নুমিদাং মিসন পাঙথোক্নবা চাং নাইনা ওপরেৎ তৌবা ঙমগনি। থুনা রিএক্সন তৌনবগীদমক রিয়র রেম্প দোর, ত্রুপশিংগী পেরা দ্রোপ্পিং অমসুং কার্গো য়াওই। সেমি-প্রিপিয়র্দ সর্ফেসশিংদগী শোর্ত তেক-ওফ/লেন্দ অসি মাগী অতোপ্পা ফীচরশিংগী মনুংদা অমনি।

আত্মনির্ভর ভারত

প্রোজেক্ত অসিনা ভারতকী প্রাইবেৎ সেক্তরশিংগীদমক তেক্নোলোজী ইন্তেন্সিব অমসুং য়াম্না কম্পিতিতিব ওইবা এভিএসন ইন্দস্ত্রীদা চংনবগী অখন্নবা খুদোংচাবা অমা পীরি। মসিনা দোমেস্তিক এভিএসন মেন্যুফেকচরিং হেনগৎহল্লগনি মসিগী ফল ওইনা ইমপোর্ত তৌদুনা মীপাল তাংবা হন্থহনগনি অমসুং এক্সপোর্তশিং হেনগৎহল্লবা য়াই হায়না পানরি।

লোয়ননা এয়রবসনা স্পেন্দা লৈবা মাগী মেন্যুফেকচরিং ফেসিলিতীদা শীজিন্নবা এয়রক্রাফ অমগী অপুনবা মেন আৱর ৱার্ক অদুগী ৯৬% অদু তাতা কন্সোর্তিয়মনা ভারত্তা পাইখৎকনি। তুলশিং, জুগশিং অমসুং তেস্তরশিংগা লোয়ননা দিতেল পার্ত ১৩,৪০০ হেন্না. সব-এসেমব্লী ৪,৬০০ অমসুং মেজর কম্পোনেন্ত এসেমব্লী তরেৎমক্কী মেন্যুফেকচরিং ভারত্তা তৌগনি। ইঞ্জিনশিং, লেন্দিং গিয়র, এভিওনিক্স, ই.দবল্যু. স্যু অসিনচিংবা তোঙান-তোঙানবা সিস্তেমশিং অসি এয়রবস দিফেন্স এন্স স্পেসনা পীগনি অমসুং তাতা কন্সোর্তিয়মনা এয়রক্রাফধা ইন্তিগ্রেৎ তৌগনি। এয়রক্রাফ অসি তাতা কন্সোর্তিয়ম্না ইন্তিগ্রেতেদ সিস্তেম অমা ওইনা তেস্ত তৌগনি। এয়রক্রাফ অসি ফ্লাইৎ তেস্ত তৌগনি অমসুং তাতা কন্সোর্তিয়ম ফেসিলিতীনা দেলিবরী সেন্তর অমগী খুত্থাংদা দেলিবর তৌহনগনি।

এয়রক্রাফ ৫৬মক্তা ইন্দিয়ন দি.পি.এস.য়ু.শিং – ভারত ইলেক্ত্রোনিক্স লিমিতেদ অমসুং ভারত দাইনামিক্স লিমিতেসনা শাবা ইন্দিজিনস ইলেক্রোনিক ৱারফিয়র স্যুৎ হাপকনি। আই.এ.এফ.তা এয়রক্রাফ ৫৬ মপুং ফানা দেলিবরী তৌবা লোইরবা মতুংদা এয়রবস দিফেন্স এন্স স্পেসনা ভারত্তা শাজবা এয়রক্রাফ অসি সিভিল ওপরেতরশিংদা য়োনবা অমসুং ভারত সরকারনা অয়াবা পীখ্রবা লৈবাকশিংদা এক্সপোর্ত তৌবা য়াহনগনি।

এমপ্লোইমেন্ত জেনরেসন

তাতা কন্সোর্তিয়মনা রাজ্য তরেৎতা ইন-কন্ত্রী এম.এস.এম.ই. সপ্লায়র ১২৫ হেন্না শকখঙখ্রে। মসিনা লৈবাক অসিগী এরোস্পেস ইকোসিস্তেমদা এমপ্লোইমেন্ত জেনরেসনগী কেতলিস্ত অমা ওইরগনি অমসুং মসিনা হকথেংননা য়াম্না স্কিল ওইবা থবক ৬০০, নাকোইননা থবক ৩,০০০ হেন্না অমসুং ভারতকী এরোস্পেস অমসুং দিফেন্স সেক্তর মনুংদা মেন আৱর লাখ ৪২.৫ হেনবগা লোয়ননা অহেনবা  ৩,০০০গী মিদিয়ম স্কিল ওইবা থবক্কী খুদোংচাবা পীরগনি পান্নরি। স্পেনগী এয়রবস ফেসিলিতীদা ইঞ্জিনীয়র ২৪০গী ময়াদা ত্রেন তৌগনি।

একজিবিসন অমসুং অতোপ্পা এত্তেন্দীশিং

থৌরম অসিগী শরুক ওইনা প্রধান মন্ত্রীনা ‘আত্মনির্ভর ভারত’কী মখাদা এরোস্পেস ইন্দস্ত্রীদা তেক্নোলোজী অমসুং মেন্যুফেকচরিংগী মাইপাকপশিং উৎলিবা একজিবিসন অমদা চৎখি। গুজরাতকী রাজ্যপাল, শ্রী অচার্য় দেবব্রত; সিভিল এভিএসনগী কেন্দ্রগী মন্ত্রী শ্রী জ্যোতিরাদিত্য সিন্ধিয়া; গুজরাতকী মুখ্য মন্ত্রী, শ্রী ভুপেন্দ্র পতেল, চীফ ওফ দিফেন্স স্তাফ জেনরেল অনিল চৌহান’ চীফ ওফ দি এয়র স্তাফ এয়র চীফ মার্শেল ভি.আর. চৌধরি; দিফেন্স সেক্রেতরী দা. এজয় কুমার; সেক্রেতরী, সিভিল এভিএসন মন্ত্রালয় শ্রূ রাজিব বনসল; চিয়রমেন, তাতা সন্স শ্রী চন্দ্রসেকরন; চীফ কম্মর্সিএল ওফিসর, এয়রবস মিস্তর খৃস্তিন স্কেরর অমসুং ইন্দস্ত্রীগী লুচিংবশিংনা শরুক য়াখি।

**********