সিভিল এভিএসন মন্ত্রী, শ্রী জ্যোতিরাদিত্য সিন্দিয়ানা এম.ও.এস. সিভিল এভিএসন, জেনেরেল দাঃ বিজয় কুমার (রিতায়র্দ)গা লোয়ননা অৱাং নোংপোক্কী শহর মঙা, অসম, অরুনাচল প্রদেশ প্রদেশ, মেঘালয়, মনিপুর অমসুং মিজোরম শম্নহনগদবা ফ্লাইত অহুম হৌদোকখ্রে।

লৈবাক্কী অৱাং নোংপোক্কী রাজ্য মঙাগী চিংগী শহর মঙাগী এরিএল কন্নেক্তিবিতী ফগৎহনবনা লমদমসিদা লৈরিবা মীয়ামগী পুন্সি মহিং লাইহনবা অমসুং তুরিজম অমদি লল্লোন ইতিক হেন্না ফগৎহনবদা য়াম্না চাউবা থৌদাং লৌগনি।

সিভিল এভিএসন মন্ত্রী, শ্রী জ্যোতিরাদিত্য এম. সিন্দিয়ানা মহাক্কী থৌরম হৌদোকপগী ৱারোলদা লমদমসিগী মীয়াম্বু থাগৎখি অমসুং ঙসি অসিদি লৈবাক্কী মফম খুদিংদা এয়র কন্নেক্তিবিতী য়ৌহনবগী মাইকৈদা মশক থোকপা খোঙথাং অমা থাংজিনবগী য়াম্না য়াইফরবা নুমিৎ অমনি হায়খি।

কেন্দ্র সরকারনা অৱাং নোংপোক্কী এয়র কন্নেক্তিবিতীদা অহেনবা মিৎয়েং চঙলি হায়না মন্ত্রীনা মখা তানা হায়খি। মমাংগী চহি ৮দা, লমদমসিদা অনৌবা এয়রপোর্ত ৭ হাংদোকখি। উরান স্কিমগী মখাদা, লমদমসিদা ১৪% রুত পীখি। উরান ৪.২ স্কিমগী মখাদা, লমদমসিদা ১৮% রুত পীখি। অৱাং নোংপোক্কী এয়র কন্নেক্তিবিতীগীদমক্তা লুপা করোর ৫০০গী কোর্পস পীখ্রে। কৃষি উরানগী মখাদা, লমদম অসিগী এয়রপোর্ত ২৫বু ইন্সেন্তিবাইজ তৌখি।

ইন্তর্নেস্নেল উরানগী মখাদা, অনৌবা রুত অনি, অগর্তালা-চিত্তাগোং-অগর্তালা অমসুং ইম্ফাল-মন্দালে-ইম্ফাল অসিবুসু থবক তৌবা হৌরগনি অমসুং মসিনা লৈবাক অমসুং মালেমগী থাক ফাওবদা অৱাং নোংপোক রাজ্যশিংগী এয়র কন্নেক্তিবিতীগী পাক চাউবা হেনগৎহনগনি হায়না মন্ত্রীনা লাউথোকখি।

সিভিল এভিএসনগী এম.ও.এস., জেনেরেল দাঃ বিজয় কুমার (রিতায়র্দ)না লৈবাক্কী অৱাং নোংপোক লমদমসিদা অহেনবা এয়র কন্নেক্তিবিতী য়ৌহনবসি য়াম্না নুংঙাইবা ৱাফম অমনি হায়খি। মসিনা রাজ্যশিংগী মরক্তা চত্থোক চৎশিন তৌবদা হেন্না নুংঙাইহনগনি অমসুং লমদমসিগী চাউখৎ থৌরাংদা অচৌবা মতেং পাংগনি হায়খি।

মখাদা পীরিবা সেদ্যুল অসিদা ফ্লাইতশিং অসি এল্লাইএন্স এয়রনা পাইগনি:

ইম্ফাল-আইজোল-ইম্ফাল (আর.সি.এস. উরানগী মখাদা): ওক্তোবর ৩০, ২০২২

লিলাবারী-জিরো-লিলাবারী: ওক্তোবর ৩০, ২০২২

শিল্লোং-লিলাবারী-শিল্লোং (আর.সি.এস. উরানগী মখাদা): ওক্তোবর ৩১, ২০২২

ঙসিগী থৌরমদুদা অরুনাচল প্রদেশ প্রদেশকী মুখ্য মন্ত্রী, শ্রী পেমা খন্দু, মনিপুরগী মুখ্য মন্ত্রী, শ্রী এন. বিরেন সিংহ, অসমগী মুখ্য মন্ত্রী, শ্রী হেমন্তা বিস্বা শর্মা, মেঘালয়গী মুখ্য মন্ত্রী, শ্রী কোনরাদ সাংমা (হান্ননা রেকোর্দ তৌরবা ভিদিও মেসেজকী খুত্থাংদা), কেন্দ্রগী লো অমসুং জস্তিস মন্ত্রী, শ্রী কিরেন রিজিজু অমদি রাজ্যশিং অসিগী অতোপ্পা মন্ত্রী কয়া অমসুং এম.পি. কয়ানা শরুক য়াখি।

***