بدھ کو بہار کے بھوجپور اور بکسر اضلاع کے اپنے دورے کے دوران، خوراک اور عوامی نظام تقسیم کے سکریٹری، جناب سدھانشو پانڈے نے بکسر میں گیہوں اور چاول کے سائیلو کی تعمیر کو دسمبر 2022 تک مکمل کرنے کی ہدایت کی، تاکہ اس کا مؤثر طریقے سے استعمال کیا جاسکے۔

انہوں نے نیشنل فوڈ سیکورٹی ایکٹ اور پی ایم جی کے وائی کے تحت اناج کی لفٹنگ اور تقسیم کے عمل اور آنے والے کے ایم ایس23-2022کے لیے دھان کی خریداری کی تیاریوں کا جائزہ لیا۔

جناب پانڈے نے بھوجپور ضلع کے کوئلوار بلاک کے وارڈ نمبر 45 پنچایت قیام نگر اور بکسر ضلع کے ڈمراؤ سب ڈویژن کے برہما پور بلاک نظام پنچایت میں ایک  ایک پی ڈی ایس کی دکان کا معائنہ کیا۔ انہوں نے استفادہ کنندگان سے بھی بات چیت کی اور پی ڈی ایس کی دکانوں کے ذریعے ملنے والے معیار اور مقدار کے بارے میں دریافت کیا۔

انہوں نے بکسر کے ضلع مجسٹریٹ کے ساتھ، بکسر ضلع کے عوامی نظام تقسیم کا بھی جائزہ لیا۔ مرکزی سکریٹری نے گزشتہ دو (2) سالوں میں عوامی تقسیم کے نظام اور خریداری میں ریاست کی طرف سے کئے گئے اہم کام کی تعریف کی اور تکنیکی نظام کے مسلسل نفاذ اور جدید کاری پر اطمینان کا اظہار کیا۔ انہوں نے کہا کہ آن لائن اسکیلز اور کیش لیس ادائیگی کی سہولت مکمل طور پر نافذ ہونے کے بعد عوامی تقسیم کے نظام کی تقریباً تمام شکایات ختم ہو جائیں گی۔

حکومت بہار کے  محکمہ خوراک اور امور صارفین کے سکریٹری جناب وِنے کمار، بہار خطے کے  فوڈ کارپوریشن آف انڈیا کے جنرل منیجر،علاقائی منیجر،  سنٹرل ویئر ہاؤسنگ کارپوریشن اور ریاست کے دیگر سینئر افسران بھی دورے کے دوران موجود تھے۔

حکومت بہار کے خوراک کے سکریٹری  نے ایک تفصیلی پریزنٹیشن کے ذریعے مرکزی سکریٹری کو نیشنل فوڈ سیکورٹی ایکٹ اور پردھان منتری غریب کلیان انا یوجنا کے تحت لفٹنگ  اور تقسیم کرنے کے بارے میں آگاہ کیا اور بتایا کہ ریاست میں کووڈ وبائی امراض کے مشکل وقت میں گھر گھر مہم شروع کی گئی اور 24 (24) لاکھ سے زیادہ راشن کارڈ اہل اور مستحق خاندانوں کو جاری کیے گئے۔ اس مہم کے ذریعے اب تک 37 (37) لاکھ راشن کارڈ جاری کیے جا چکے ہیں۔ ریاستی خوراک کے سکریٹری نے یہ بھی بتایا کہ نااہل خاندانوں کو ہٹانے اور اہل خاندانوں کو راشن کارڈ جاری کرنے کا عمل ریاست میں مسلسل جاری ہے۔ انہوں نے یہ بھی بتایا کہ ریاست میں ہر ماہ نیشنل فوڈ سیکورٹی ایکٹ اور پردھان منتری غریب کلیان انا یوجنا کے تحت 9.5 ایل ایم ٹی  اناج کی ریکارڈ تقسیم کی جا رہی ہے۔

مرکزی خوراک کے سکریٹری کو بتایا گیا کہ ریاستی حکومت کی طرف سے مزید خریداری کے لیے کیے گئے فیصلے کی روشنی میں، ریاست میں گزشتہ 02 (دو) خریف سیزن میں دھان کی ریکارڈ خریداری ہوئی ہے اور کم از کم امدادی قیمت (ایم ایس پی) کو 48 گھنٹے کے اندر کسانوں کے اکاؤنٹ میں براہ راست ٹرانسفر کیا گیا  ہے۔ یہ بھی بتایا گیا کہ ریاست میں پورے پروکیورمنٹ چین مینجمنٹ سسٹم میں مکمل شفافیت اور اثر انگیزی  لائی گئی ہے اور ریاست میں پبلک ڈسٹری بیوشن سسٹم کے تحت خریدے گئے اسٹاک کی بروقت تقسیم کو یقینی بنایا جا رہا ہے۔

فوڈ کارپوریشن آف انڈیا کے جنرل منیجر نے ریاست میں غذائی اجناس ذخیرہ کرنے کے انتظام کے شعبے میں لاگو کی جا رہی اسکیموں کے بارے میں ایک پریزنٹیشن پیش کی اور گوداموں کے انتظام، اسٹار کی درجہ بندی اور ان کی اپ گریڈیشن کے بارے میں تفصیلی جانکاری دی۔ انہوں نے پی ای جی اسکیموں اور ریاست میں اس کے نفاذ کے بارے میں بھی جانکاری دی۔ انہوں نے ریاست میں ہب اینڈ اسپوک  ماڈل کے تحت سائلو  کی تعمیر کے بارے میں بھی جانکاری دی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

 

(ش ح- ا ک- ق ر)

U-11941

(Release ID: 1871459) Visitor Counter : 120