పెన్షన్ & పెన్షనర్ల సంక్షేమ శాఖ (డిఓపిపిడబ్ల్యూడి) అనేది కేంద్ర ప్రభుత్వ పెన్షనర్లు/ఫ్యామిలీ పెన్షనర్ల పెన్షన్, ఇతర పదవీ విరమణ ప్రయోజనాలకు సంబంధించిన విధానాల రూపకల్పనకు నోడల్ విభాగం. ఎస్ సి డి పి ఎం - 2.0 ప్రచారం సందర్భంగా, 4200 పెండింగ్‌లో ఉన్న పెన్షన్ ఫిర్యాదులను త్వరితగతిన పరిష్కరించేందుకు, 68 లక్షల మంది కేంద్ర ప్రభుత్వ పెన్షనర్‌లకు “ఈజ్ ఆఫ్ లివింగ్” అంటే సులభతరమైన జీవన విధానాన్ని మెరుగుపరచడానికి డిపార్ట్‌మెంట్ లక్ష్యంగా పెట్టుకుంది.

21.10.2022 నాటికి, ఈ విభాగం ద్వారా అనేక కార్యక్రమాలు జరిగాయి. అంటే ప్రచారం జరిగిన 20 రోజుల్లోనే 3150 పెన్షన్ గ్రీవెన్స్‌లు ఇప్పటికే పరిష్కారం అయ్యాయి. అన్ని ఫిర్యాదులను నిర్ణీత వ్యవధిలో పరిష్కరించేందుకు సంబంధిత మంత్రిత్వ శాఖలు/డిపార్ట్‌మెంట్‌లతో శాఖ అంతర్-మంత్రిత్వ సమావేశాలను ఏర్పాటు చేస్తోంది. ప్రచారం ప్రారంభంలో నిర్దేశించిన ప్రతిష్టాత్మక లక్ష్యాన్ని సాధించడానికి, పెన్షన్ గ్రీవెన్స్‌ల పెండింగ్‌ను తగ్గించడానికి డిపార్ట్‌మెంట్ ట్రాక్‌లో ఉంది. నిబంధనలు/ప్రక్రియల సడలింపు కింద డిపార్ట్‌మెంట్ 30 సర్క్యులర్‌లను జారీ చేసింది. మొత్తం 3094 ఈ -ఫైళ్లు పరిష్కారం అయ్యి, వాటి చర్యలు పూర్తయ్యాయి. దేశవ్యాప్తంగా ఈ విభాగం, పెన్షనర్స్ అసోసియేషన్ల ద్వారా మొత్తం 26 స్వచ్ఛత ప్రచారాలు చేపట్టడం అయింది. 

                                                       <><><><><>