ওক্তোবর ২৬, ২০২২দা রক্ষা মন্ত্রী শ্রী রাজনাথ সিংহনা রুসিয়াগী রক্ষা মন্ত্রী সেরগৈ সোইগুগা তেলিফোন্দা ৱারি শানখ্রে অমসুং রুসিয়াগী মন্ত্রীনা হায়রকপদগী মখোয় অনি ৱারি শানখিবনি। ৱারি শানবা অদুদা মন্ত্রী অনিনা লৈবাক অনিগী মরক্তা ঙাক-শেনগী হিরমদা মতেং পাংনবা অমসুং য়ুক্রেন্দা হৌজিক ওইরক্লিবা ফিবমগী মতাংদা খন্নখি। ‘দর্তি বোম্ব’ শীজিন্নবদগী ওইরকপা য়াবশিংগী মতাং য়াওনা য়ুক্রেন্দা হৌজিক ওইরক্লিবা ফিবমগী মতাংদা রক্ষা মন্ত্রী সেরগৈ সোইগুনা রক্ষা মন্ত্রী রাজনাথ সিংহদা পাউদমখি।

মুক্নরিবা অসি অথুবা মতমদা ৱারোইশিন পুরক্নবা ৱারি শানবা অমসুং দিপ্লোমেসিগী লম্বীদা চঙশিনবা তঙাইফদে হায়বা ভারতকী ফিরেপ অদু শ্রী রাজনাথ সিংহনা অমুক হন্না ফোঙদোকখি। মহাক্না হায়খি নিউক্লিয়ার নত্ত্রগা রিদিওলোজিকেলগী খুৎলায়শিং শীজিন্নবা হায়বসি মীওইবা খুন্নাইগী ময়োক্তনি, মরম অদুনা নাকল অনিনা নিউক্লিয়ার খুৎলায়শিং শীজিন্নরোইদবনি।

মখা তানা পাউ ফাওনবা হায়না মন্ত্রী অনিনা য়ানখি।

******