ওক্তোবর ২৩ অমসুং ওক্তোবর ২৪, ২০২২দা চীফ ওফ আর্মি স্তাফ জেনেরেল মনোজ পান্দেনা নোংচুপ বেঙ্গালগী মিলিতরি স্তেসনশিং অমসুং সিক্কিগী ঙমখৈগী শরুকশিং য়েংশিনখ্রে। মহাক্না রেঙ্ক খুদিংমক দিপাৱালি লাকপদা য়াইফ-পাউজেল পীখি অমসুং সিক্কিমগী অৱাং থংবা ঙমখৈদা ঙাক-শেনগী ফিবম হন্না য়েংশিনখ্রে। ওপরেসনগীদমক অৱাংবা থাক্তা মতিক চানা থৌরাং তৌদুনা লৈবা অমসুং মোরেল ৱাংবগীদমক লান্মীগী মকোক্না ত্রুপশিং থাগৎখি।

ঙমখৈগী শরুকশিংদা ইনফ্রাস্ত্রকচরশিং খোঙজেল য়াংনা শেমগৎপদা লান্মীগী মকোক্না অপেনবা ফোঙদোকখি। মহাক্কী খোঙচৎ অদুদা ইস্তর্ন কমান্দগী আর্মি কমান্দর লেপ্তনেন্ত জেনেরেল আর.পি কালিতা অমসুং ত্রিশক্তি কোরগী জি.ও.সি লেপ্তনেন্ত জেনেরেল তরুন কুমার আইচ লোয়নখি।

ওক্তোবর ২৩দা সুক্না মিলিতরি স্তেসন্দা থুংবদা, দিৱালি মাঙওইন্না পাংথোকপা ভারতকী কলচরগী থৌরম অমদা লান্মীগী মকোক্না ত্রুপশিংগা উনখি। কৎথোকপগা লোয়ন্না মথৌ পাংথোকপগীদমক লান্মীগী মকোক্না ত্রুপশিং থাগৎখি অমসুং দিপাৱালি থৌরম অসিদা রেঙ্ক খুদিংমক অমসুং মখোয়গী ইমুং-মনুংশিং য়াইফ-পাউজেল পীখি। মাউন্ত জোন্সাং অমসুং মাউন্ত দোমেখাং মতোন য়ৌনা কাখিবা চীংকারোয়শিং লান্মীগী মকোক্না থাগৎখি অমসুং হন্দক হৌদা পাংথোকখিবা আর্মস কম্পিতিসন্দা ত্রিশক্তি কোরগী সুত্তিং তিম্না স্কিলদা মকোক তারকপদা থাগৎখি।  

ওক্তোবর ২৪, লান্মীগী মকোক্না আর্মি কমান্দর অমসুং জি.ও.সিগা লোয়ন্না অৱাং অমসুং নোংপোক সিক্কিমগী ফোরৱার্দ এরিয়াশিংদা চৎখি। সিক্কিমগী অৱাং থংবা ঙমখৈগী শরুকশিংদা থম্লিবা ফিল্দ     ফোর্মেসনশিংগী থৌরাং অমসুং ওপরেসনগী থৌরাং তৌরিবশিং উবদা লান্মীগী মকোক্না অপেনবা ফোঙদোকখি আমসুং মখল খুদিংমক্কী শিংনরকপশিং থেংন্নবা ত্রুপশিংনা থৌরাং তৌরিবা অদু থাগৎখি। দিপৱালি লাকপা ত্রুপশিং থাগৎপা ফোঙদোক্লদুনা লান্মীগী মকোক্না মখোয়গা অথুম-অহাও চামিন্নখি। মখোয়গী মথৌ নিংথিনা পাংথোকপা অমসুং মথৌগীদমক কৎথোকপা অদুগীদমক লান্মীগী মকোক্না লান্মীশিং থাগৎখি।

*****