صحت اور خاندانی بہبود کے مرکزی وزیر ڈاکٹر منسکھ منڈاویہ نے آج صحت عامہ کے ماہرین اور عہدیداروں کے ساتھ ایک میٹنگ کی صدارت کی، جس میں ملک میں کووڈ- 19 کی وبائی صورتحال، ویکسی نیشن مہم کی صورتحال اور کوویڈ- 19 کی نئی قسموں  کے عالمی منظر نامے کا جائزہ لیا۔ میٹنگ کے دوران نیتی آیوگ کے رکن (صحت) وی کے پال بھی موجود تھے۔

جناب لو اگروال،وزارت صحت اور خاندانی بہبود (ایم او ایچ ایف ڈبلیو ) کے اے ایس نے بنیادی طور پر یورپ میں کووڈ- 19 کیسز میں اضافے کے عالمی منظر نامے اور دنیا میں اومیکرون کی مختلف اقسام کے تجزیئے پر ایک تفصیلی پریزنٹیشن پیش کی۔ پریزنٹیشن میں ملک میں کووِڈ- 19 کی صورتحال کا تفصیلی تجزیہ شامل تھا، جس میں کووِڈ- 19 کیسز کے رجحان کے ساتھ؛ روزانہ رپورٹ ہونے والے کیسز، ایکٹیو کیسز، مثبت کیس اور ٹیسٹنگ کی حیثیت کے ساتھ ساتھ ریاست وار ،ہفتہ وار ٹیسٹ فی ملین کے حساب سے کیے جانے والے ٹیسٹوں میں  آر ٹی- پی سی آر کا حصہ بھی شامل ہے۔

ڈاکٹر منوہر اگنانی، وزارت صحت اور خاندانی بہبود (ایم او ایچ ایف ڈبلیو ) کے اے ایس نے ملک میں  ٹیکہ کاری کی موجودہ صورتحال، ویکسین کی دستیابی،  ریاست وار ٹیکہ کاری  انتظامیہ کے تجزیئے  پر ایک پریزنٹیشن پیش کی اور ملک میں احتیاطی خوراک کی انتظامیہ کی سست رفتاری  پر روشنی ڈالی۔

مرکزی وزیر صحت نے بروقت انفیکشن کے پھیلاؤ کا اندازہ لگانے اور اس پر قابو پانے کے لیے مناسب جانچ (آر ٹی - پی سی آر کے زیادہ تناسب کے ساتھ) اور مؤثر کوویڈ- 19 نگرانی کرنے کی ضرورت پر زور دیا۔  ڈاکٹر منڈاویہ نے عہدیداروں کو ہدایت دی کہ وہ ملک بھر میں نگرانی پر توجہ مرکوز رکھیں، خاص طور پر اہم مقامات، جس میں ایس اے آر آئی  اور آئی ایل آئی  کیسوں کی نگرانی اور مکمل جینوم سیکوینسنگ (ڈبلیو جی ایس) کے ذریعے نگرانی  شامل ہے، پر توجہ مرکوز رکھیں، تاکہ  دوسرے ممالک میں اومیکرون کی مختلف قسموں  کی شناخت کے تناظر میں کسی بھی ممکنہ تبدیلی کو اسکین کیا جا سکے۔  انہوں نے عہدیداروں پر بھی زور دیا کہ وہ کووڈ - 19 کی وجہ سے اسپتال میں داخل ہونے کی کڑی نگرانی کریں۔ انہوں نے اہل استفادہ کنندگان کو احتیاطی خوراک سمیت ویکسی نیشن کی رفتار بڑھانے کی تاکید کی۔

اومیکرون کی نئی اقسام کے ظہور کے ساتھ، بہت سے ممالک میں کیسز میں تیزی سے اضافہ دیکھنے میں آ رہا ہے۔ مرکزی وزیر صحت نے اندراجات کے پوائنٹس کی نگرانی پر زور دیا۔ انہوں نے خاص طور پر آنے والے تہواروں کے موسم کے پیش نظر کوویڈ مناسب رویے (سی اے بی) کے مسلسل نفاذ کے لیے کمیونٹی بیداری کی ضرورت پر بھی روشنی ڈالی۔

میٹنگ میں حکومت کے پرنسپل سائنسی مشیر ڈاکٹر اجے کمار سود نے  اور ایس اپرنا، سکریٹری (فارماسیوٹیکل)، ڈاکٹر راجیو بہل، ڈی جی آئی سی ایم آر اور  وزارت صحت کے دیگر اعلیٰ حکام نے شرکت کی ۔

۔۔۔۔۔۔۔۔۔۔۔۔۔۔۔۔۔۔۔۔

ش ح۔ا ک۔ ق ر۔

U-11588