নেস্নেল মীন্স কম মেরিৎ স্কোলারসিপ স্কীমগী এপ্লিকেসন থাজিল্লকপগী অরোইবা মতম ওক্তোবর ৩১, ২০২২ ফাওবা শাংদোকখ্রে‍।

ইং ২০০২-২৩গী ওইনা এম.এম.সি.এম.এস.এস.কী এপ্লিকেসন থাজিল্লকপগী অরোইবা মতম ওক্তোবর ৩১, ২০২২ ফাওবা শাংদোকখ্রে‍। ‘নেস্নেল মীন্স-কম-মেরিৎ স্কোলারসিপ স্কীম’গী মহৈরোয়শিংবু ক্লাস ৮তগী মহৈ তম্বা তোকখিবা লেপহন্নবা অমদি মখোয়গী মহৈ মশিং তম্ববু সেকেন্দরী থাক ফাওবা মখা চত্থনবা পুক্নিং থৌগৎনবগীদমক স্কোলারসিপশিং মখাদা শেন্থোক য়ামজদবা কাঙলুপকী মহৈরোয়শিংদা পীরি‍। চহি খুদিংগী স্তেত লৈঙাক্কী, গভর্নমেন্ত এদেদ অমসুং লোকেল বোদীশিংগী স্কুলশিংদা ক্লাস ৯ তম্লিবা খনগৎলবা মহৈরোয়শিংদা ফ্রেস স্কোলারসিপ লাখ অমা পীরি অমদি মখোয়না ক্লাস ১০দগী ১২ ফাওবা তমথবদা মখা তানা / রিনিউ তৌদুনা লাক্লি‍। স্কোলারসিপকী শেনফম অসি চহিদা লুপা ১২০০০নি‍।

নেস্নেল মীন্স কম মেরিৎ স্কোলারসিপ স্কীম (এন.এম.এম.এস.এস.) অসি মহৈরোয়শিংদা পীবা স্কোলারসিপ স্কীমশিংগী ৱন স্তোপ পোর্তেল অমা ওইরিবা নেস্নেল স্কোলারসিপ পোর্তেল (এন.এস.পি.)দা হাপ্লে‍। এন.এম.এম.এস.এস. স্কোলারসিপ অসি খনগৎলবা মহৈরোয়শিং অদুগী মশা মশাগী বেঙ্ক একাউন্ততা দি.বি.তি. মোদকী মতুং ইন্না পব্লিক ফাইনেন্সিএল মেনেজমেন্ত সিস্তেম (পি.এফ.এম.এস.)কী খুত্থাঙদা ইলেক্ত্রোনিক ত্রান্সফর তৌদুনা হকথেংননা থাজিনবনি‍। মসি ১০০% সেন্ত্রেলী স্পোন্সর স্কীম অমনি‍।

চহিদা শেন্থোক লুপা ৩,৫০,০০০দগী হেন্দবা মমা মপাগী মচাশিংনা স্কোলার্সিপ অসি ফংবা য়াই‍। স্কোলার্সিপকী খন্নবগী চাংয়েংদা শরুক য়ানবগীদমক মহৈরোয়শিংনা ক্লাস ৭গী চাংয়েংদা য়ামদ্রবদা মার্ক ৫৫% নৎত্রগা মান্নবা গ্রেদ ফংগদবনি (এস.সি./এস.তি. মহৈরোয়শিংগী ৫% কোমথোক্লি‍)।

আই.এন.ও. (এল১) ভেরিফিকেসনগী অরোইবা মতম্না নবেম্বর ১৫, ২০২২নি অদুগা দি.এন.ও. থাক্কী (এল২) ভেরিফিকেসনগী অরোইবা মতম্না নবেম্বর ৩০, ২০২২নি‍।

****