امور صارفین، خوراک اور عوامی تقسیم کی وزارت
ملک کی مانگ کو پورا کرنے کے لیے اناج کا مناسب ذخیرہ ہے:مرکزی حکومت
یکم اکتوبر 2022 تک، تقریباً 227 لاکھ میٹرک ٹن گندم اور 205 لاکھ میٹرک ٹن چاول دستیاب ہیں، جو بفر اسٹاک کی شرائط سے کافی زیادہ ہے
Posted On:
17 OCT 2022 6:54PM by PIB Delhi
مرکزی پول میں نیشنل فوڈ سیکیورٹی ایکٹ (این ایف ایس اے) اور حکومت ہند کی دیگر اسکیموں کے ساتھ ساتھ پردھان منتری غریب کلیان یوجنا (پی ایم جی کے وائی) کے تحت تقسیم کے لیے درکار اضافی اناج کی مانگ کو پورا کرنے کے لیے مناسب غذائی اناج دستیاب ہے۔ یکم اکتوبر 2022 تک، تقریباً 227 ملین میٹرک ٹن گندم اور 205 ملین میٹرک ٹن چاول مرکزی پول میں محفوظ ہیں۔ یہ رقم بفر اسٹاک کی شرائط/انتظام کی ضروریات سے نمایاں طور پر زیادہ ہے۔
این ایف ایس اے کے تحت مانگ کو پورا کرنے کے بعد، دیگر فلاحی اسکیموں اور پی ایم جی کے وائی کے 7ویں مرحلے کے لیے ضروری غذائی اجناس کی فراہمی کے بعد، یکم اپریل 2023 تک سنٹرل پول میں کافی ذخیرہ دستیاب ہوگا جو کہ بفر کی شرائط سے زیادہ ہے۔ تمام ضروریات کو پورا کرنے کے بعد، ایک اندازے کے مطابق 1 اپریل 2023 تک 113 لاکھ میٹرک ٹن گندم اور 237 لاکھ میٹرک ٹن چاول دستیاب ہوں گے۔ یہ بالترتیب 75 لاکھ میٹرک ٹن گندم اور 136 لاکھ میٹرک ٹن چاول کی بفر شرائط/انتظام کی ضروریات سے نمایاں طور پر زیادہ ہے۔
موجودہ 23-2022خریف مارکیٹنگ سیزن میں خریف کے دھان کی خریداری شروع ہو چکی ہے۔ 16 اکتوبر 2022 تک، تقریباً 58 لاکھ میٹرک ٹن دھان (39 لاکھ میٹرک ٹن چاول) خریدے جا چکے ہیں۔ یہ رقم گزشتہ 22-2021 کے خریف مارکیٹنگ سیزن کے دوران خریدے گئے دھان سے کافی زیادہ ہے۔ ملک میں اس سال مون سون کی اچھی بارشیں ہوئی ہیں اور دھان کی فصل معمول کے مطابق ہونے کی امید ہے۔
موجودہ 23-2022 خریف مارکیٹنگ سیزن کے دوران، اندازہ ہے کہ 771 لاکھ میٹرک ٹن دھان (518 لاکھ میٹرک ٹن چاول) خریدے جائیں گے۔ ربیع کے دھان سمیت، پورے 23-2022 خریف کے مارکیٹنگ سیزن میں 900 لاکھ میٹرک ٹن دھان کی خریداری کی امید ہے۔
دوسری جانب گندم کی خریداری اپریل 2023 سے شروع ہوگی۔ اس سال ملک میں اچھی بارشوں کے باعث آئندہ ربیع کے سیزن میں گندم کی پیداوار اور خریداری معمول پر آنے کی امید ہے۔
‘‘نیوٹری سیریلز’’ کہلانے والے موٹے اناج کی اعلیٰ غذائیت کے پیش نظر حکومت ہند نے 23-2022 کے خریف مارکیٹنگ سیزن کے دوران سنٹرل پول کے تحت 13.72 لاکھ میٹرک ٹن موٹے اناج کی خریداری کا ہدف مقرر کیا ہے۔22-2021 کے خریف مارکیٹنگ سیزن کے دوران، حکومت نے 6.30 لاکھ میٹرک ٹن موٹے اناج خریدے تھے۔
کووڈ 19 کی وجہ سے ملک کے غریب لوگوں کو مختلف مالی مسائل کا سامنا کرنا پڑا ہے۔ اس کو ذہن میں رکھتے ہوئے، حکومت ہند نے غریبوں کے حق میں اقدامات کیے ہیں اور موجودہ پی ڈی ایس اور دیگر فلاحی اسکیموں کے تحت دستیاب اناج کے علاوہ پی ایم جی کے وائی کے تحت 80 کروڑ لوگوں کو مفت خوراک فراہم کر رہی ہے۔ اس کے لیے پی ایم جی کے وائی کے تحت کل 1121 لاکھ میٹرک ٹن اناج مختص کیا گیا ہے۔ ایک اندازے کے مطابق مرکزی حکومت اس کے لیے کل 3.91 لاکھ کروڑ روپے خرچ کرے گی۔ اتنی بڑی مقدار میں غذائی اجناس عام لوگوں کو فراہم کیے گئے ہیں اور برآمدی کنٹرول نافذ کیے گئے ہیں، تاکہ ان اجناس کی مقامی مارکیٹ کی قیمتوں کو بین الاقوامی قیمتوں کے مقابلے میں مستحکم کرنا ممکن ہو سکے۔
ملک میں اہم غذائی اجناس حسب ذیل ہیں:
لاکھوں میٹرک ٹن میں ڈیٹا
|
اجناس
|
یکم اکتوبر 2022 تک اسٹاک کی پوزیشن
|
یکم اکتوبر 2022 تک بفر کے شرائط
|
یکم اپریل 2023 تک اسٹاک کی تخمینی پوزیشن
|
یکم اپریل 2023 تک بفر کا معیار
|
|
گندم
|
227
|
205
|
113
|
75
|
|
چاول
|
205
|
103
|
237
|
136
|
*****
ش ح ۔ ع ح ۔
U. No.11548
(Release ID: 1868734)
Visitor Counter : 154