این ٹی پی سی لمیٹڈ نے مٹسوبشی ہیوی انڈسٹریز لمیٹڈ جاپان اور اس کی ذیلی کمپنی مٹسوبشی پاور انڈیا پرائیویٹ لمیٹڈ کے ساتھ ایم ایچ آئی 701 ڈی گیس ٹربائنز میں قدرتی گیس کے ساتھ ملاوٹ شدہ ہائیڈروجن کو-فائرنگ کے امکانات کو ظاہر کرنے کے لیے ایک مفاہمت نامے پر دستخط کیے ہیں۔ اتر پردیش میں گیس پاور پلانٹ۔ اوریا گیس پاور پلانٹ کی کل تنصیبی صلاحیت 663 میگاواٹ ہے جس میں چار گیس ٹربائنیں کمبائنڈ سائیکل موڈ میں کام کر رہی ہیں۔ مفاہمت نامے پر دونوں کمپنیوں نے جناب اجول کانتی بھٹاچاریہ، ڈائریکٹر (پروجیکٹس)، این ٹی پی سی لمیٹیڈ، جناب تاتسوتو ناگیاسو، سی ایم ڈی، مٹسوبشی پاور انڈیا اور جناب ہیرویوکی شنوہارا، نائب صدر، مٹسوبشی پاور انڈیا کی موجودگی میں دستخط کیے تھے۔

کاربن اخراج کو ختم کرنے کے اہداف کو حاصل کرنے کے لیے توانائی کے تمام شعبوں میں ایک مربوط اور وسیع پیمانے پر روڈ میپ کی ضرورت ہے۔ اس روڈ میپ کے ایک حصے کے طور پر گیس ٹربائنز میں ہائیڈروجن کو-فائرنگ کاربن ڈائی آکسائیڈ کے اخراج کو کم کرنے میں کلیدی کردار ادا کر سکتی ہے۔ این ٹی پی سی لمیٹیڈ، ہندوستان میں سب سے بڑی بجلی پیداوار کرنے والی کمپنی ہونے کے ناطے توانائی کی ترسیل اور COP26 وعدوں کو حاصل کرنے میں اہم کردار ادا کرنے کا ارادہ رکھتی ہے۔ اس اقدام کے ایک حصے کے طور پر این ٹی پی سی ہائیڈروجن کے استعمال کے ساتھ ساتھ مختلف نئی ہائیڈروجن جنریشن ٹیکنالوجیز کو تلاش کر رہی ہے تاکہ مستقبل کی تیاری کو یقینی بنایا جا سکے، مطلوبہ صلاحیتوں اور تکنیکی مہارت کو فروغ دیا جا سکے اور کاربن اخراج کو ختم کرنے کے قومی اور ہائیڈروجن مشن کے اہداف کے ساتھ اسے ہم آہنگ کیا جاسکے۔

اس مفاہمت نامے کے تحت دونوں کمپنیاں مطالعہ کو انجام دینے اور این ٹی پی سی اوریا گیس پر مبنی کمبائنڈ سائیکل پاور پلانٹ میں ہائیڈروجن کو-فائرنگ متعارف کرانے کے لیے کلیدی اقدامات کی نشاندہی کرنے میں تعاون کریں گی۔ یہ مطالعہ ہائیڈروجن کے مختلف فیصد کی کو-فائرنگ کے لیے اہم اقدامات کی نشاندہی کرے گا جیسے 5 فیصد، 15 فیصد، 30 فیصد، 50 فیصد اور 100 فیصد اور پروجیکٹ کے لیے درکار ہائیڈروجن این ٹی پی سی فراہم کرے گی۔

‘‘این ٹی پی سی ہندوستان کے توانائی کی ترسیل کے سفر میں کلیدی کردار ادا کرنے کے لئے پرعزم ہے کیونکہ ملک کاربن اخراج کے خالص صفر ہدف اور آب و ہوا کے اہداف کو حاصل کرنے کے لئے آگے بڑھ رہا ہے۔ این ٹی پی سی ہائیڈروجن سے متعلق مختلف اقدامات کا آغاز کر رہی ہے اور اس شعبے میں تحقیق و ترقی کے کاموں کو انجام دے رہی ہے تاکہ ایک ایسی ٹیکنالوجی لائی جا سکے جو سب کے لیے آلودگی سے پاک، سستی، قابل اعتماد اور پائیدار بجلی فراہم کر سکے۔ یہ مفاہمت نامہ این ٹی پی سی کے ان اہداف کو پورا کرنے کے لیے اٹھائے گئے چند اقدامات میں سے ایک ہے۔ ہمیں یقین ہے کہ ایم ایچ آئی لمیٹڈ کے ساتھ شراکت داری جو اس ٹیکنالوجی میں عالمی مہارت رکھتی ہے ہمیں قومی ہائیڈروجن مشن کے تحت اپنے مقاصد کو پورا کرنے میں مدد دے گی۔’’ جناب منیش کمار شریواستو، ایگزیکیٹو ڈائریکٹر، این ٹی پی سی لمیٹڈ نے یہ بات کہی۔

سی ایم ڈی،ٹیٹسوٹو ناگایاسو، مٹسوبیشی پاور انڈیا نے کہا کہ ‘‘مفاہمت نامے پر دستخط کرنے کا اہم عمل این ٹی پی سی اور مٹسوبشی ہیوی انڈسٹریز کی طرف سے پاور جنریشن سیکٹر کے ڈی کاربنائزیشن کے ہدف کو حاصل کرنے اور آب و ہوا کی تبدیلی کے اہم مسئلے سے نمٹنے کے لیے ان کے عزم کی نشاندہی کرتا ہے۔’’

۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ش ح۔ م ع۔ع ن

 (U: 11512)