কাউন্সিল ওফ সাইন্তিফিক এন্দ ইন্দস্ত্রিএল রিসর্চ (সি.এস.আই.আর.)গী প্রসিদেন্ত ওইরিবা প্রধান মন্ত্রী শ্রী নরেন্দ্র মোদীনা ঙসি অঙনবদা ৭, লোক কল্যান মার্গতা সি.এস.আই.আর. সোসাইতীগী মীফমদা ময়াই তাংবল লৌখ্রে।

সি.এস.আই.আর.গী ভাইস প্রসিদেন্তগী ফমসু পুরিবা সাইন্স এন্দ তেক্নোলোজীগী কেন্দ্রগী রাজ্য মন্ত্রী (ইন্দিপেন্দেন্ত চার্জ), দা. জিতেন্দ্র সিংহ অমসুং কম্মর্স এন্দ ইন্দস্ত্রীগী কেন্দ্র মন্ত্রী, শ্রী পিয়ুশ গোয়ল অমদি মশক নাইবা বিজ্ঞানিক, ইন্দস্ত্রিএলিস্ত অমসুং সরকারগী সাইন্তিফিক অমসুং অতোপ্পা মন্ত্রালয়শিংগী সেক্রেতরীশিং য়াওনা সি.এস.আই.আর. সোসাইতী মেম্বরশিংনা মীফম অসিদা শরুক য়াখি

প্রধান মন্ত্রীনা হৌখিবা চহি ৮০ অসিদা সি.এস.আই.আর.না হোৎনখিবশিংবু থাগৎখি অমসুং সি.এস.আই.আর.না চহি ১০০ শুরকপা মতমদা ২০৪২গীদমক বিজন দিবেলপ তৌনবা হায়খি। মহাক্না হৌখিবা চহি ৮০গী খোঙচৎ অসি দোক্যুমেন্ত তৌবগী তঙাই ফদবা অদু ফোঙদোকখি, হায়রিবা অসিনা খুমাং চাউশিনবা ঙমখিবা অদু য়েংশিনবা অমসুং অৱাৎপা লৈখিবা লমশিং মশক খঙদোক্তুনা মেনখৎপদা মতেং পাংবা ঙমগনি। মহাক্না হায় মদুদি মীচম মীয়ামদা তেক্নোলোজী য়ৌহন্নবগীদমক সাইন্তিফিক, কম্মর্সিএল অমসুং সোসিএল কম্পোনেন্তশিংগী অপুনবা থৌশিল অমা পাইখৎপা তাই। মহাক্না সাইন্তিফিক কম্ম্যুনিতীগী লুচিংবশিংদা অসিগুম্বা ফোকস এপ্রোচকী খুত্থাংদা সাইন্তিফিক রিসর্চ অমসুং দিবেলপমেন্ত শাহৌ পীবদা মতেং পাংনবা মীওই অমা লেব অমা হায়বা অসি চৎনহন্নবা হায়খি। মহাক্না চাং নাইনা লেব পুম্নমক্কী ভর্চুএল সম্মিৎ পাঙথোক্তুনা অমনা অমগী এক্সপরিয়েন্সতগী অনৌবা হীরমশিং তমশিনবা য়াগনি হায়না ৱাখল্লোনসু ফোঙদোকখি।

প্রধান মন্ত্রীনা সাইন্তিফিক কম্ম্যুনিতীদা পোত্থোক অমসুং ন্যুত্রিস্নেল কন্তেন্ত হেনগৎহন্নবা সিরিএলশিং অমসুং অনৌবা মিল্লেতশিং মখলশিংদা প্রোতিন কন্তেন্ত হেনগৎহন্নবা তেক্নোলোজিকেল সোল্যুসনশিং পুথোক্নবা হায়খ্রে। মহাক্না বিজ্ঞানিকশিংদা গ্লোবেল এসেপ্তিবিলিতী হেনগৎহনবদা মতেং পাংগদবা ন্যুত্রিস্নেল ভেল্যু ৱাংবা লমদম অসিগী চানবা পোৎলমশিংগী কেতলোগ অমা শেম্নবা হায়খি। মহাক্না ইন্দস্ত্রী অমসুং একাদেমিক অমদি রিসর্চ ওর্গনাইজেসনশিংদা হেন্না চাউনা ইন্তিগ্রেসন তৌদুনা অপনবা লৈতনা থবক তৌনবা অমসুং ভারতকী তঙাই ফদবা ইনর্জী থুংহনবদা মীৎয়েং চংনবা অমসুং সর্ক্যুলর ইকনোমী লৈহন্নবা অমসুং সস্তেনেবল দিবেলপমেন্তগী মাইকৈদা শেন্মীৎলোন্দা কান্নবা পীগদবা সোল্যুসনশিং পুথোক্নবা হায়খি।

প্রধান মন্ত্রীনা ভারত খক্তগী নত্তা মালেমগীদমক তেক্নোলোজীশিং পুথোক্নবা অমসুং গ্রীন ইনর্জীদা মীৎয়েং চংবা তঙাই ফদবা ইনর্জী ফংহন্নবগীদমক অফবা এপ্রোচশিং পাইখৎনবা হায়খ্রে। মহাক্না ভারতনা গ্লোবেল লীদর অমা ওইনবগী পান্দমগা লোয়ননা বিজন ২০৪৭গী মাইকৈদা ঐখোয়না চংশিনবা অসিদা ভারত অমসুং মালেমগী তুংলমচৎকী মথৌ তাবশিং হেন্না থুংহনবা ঙম্নবা ত্রেদিস্নেল নোলেজতগী হৌরগনি মহৈরোয়শিংবু মখোয়গী অপাম্বা, স্কিল সেৎশিং অমসুং কম্পিতেন্সীশিংদা মেপ্পিং তৌবা য়াওনা তোঙান-তোঙানবা লমশিংদা এ.আই.গুম্বা সাইন্তিফিক এপ্রোচ অমসুং তেক্নোলোজী শীজিন্নবা মথৌ তাই হায়খি।

মহাক্কী হৌদোকপগী ৱারোল পীবদা দা. জিতেন্দ্র সিংহনা হায়খি মদুদি চহি অসিদা ভারতনা মাগী নীংতম্বা ফংবগী চহি ৭৫ মপুং ফাখিবা তানফম অসিদা সি.এস.আই.আর.না চহি ৮০ মপুং ফাগদৌরি অমসুং অনিমক্না পুন্না খোঙচৎ অসি চৎমিন্নখি। মহাক্না ইন্দস্ত্রী, একাদেমিয়া অমসুং রিসর্চকী ইন্তিগ্রেসন, সীনর্জী অমসুং দেসিলোইজেসনদা মীৎয়েং চংখি।

দি.জি.-সি.এস.আই.আর., দা. এন. কলৈসেলবিনা সি.এস.আই.আর.না হন্দক্তা মাইপাকখিবশিং অমসুং শরুক তমখিবশিংগী মতাংদা প্রজেন্তেসন অমা শেমখি অমসুং ভারতকী অহানবা হাইদ্রোজেন ফ্যুল সেল বস চেলহনখিবা, জে.এন্দ কে.দা পর্পল রিভোল্যুসন হৌদোকখিবা অমসুং ভারতকী মমল য়াম্লবা ত্রেদিস্নেল নোলেজতা য়ুম্ফম ওইবা ইনোভেসন পুথোক্নবা তি.কে.দি.এল. হাংদোকপগী হন্দক্তা পাইখৎখিবা খোঙথাংশিং অদুসু পাউদমখি। এম.আর.এন.এ. প্লেৎফোর্ম তেক্নোলোজীগী খত্থাংদা তুংলমচৎকী লাইচৎশিং থেংননবা শেম-শাবা, নহা ওইরিবা সাইন্তিফিক লীদরশিং য়োকখৎপা অমসুং সস্তেনেবল স্তার্ত-অপশিং লিংখৎপা অমসুং জিগ্যসা ভর্চুএল লেবকী খুত্থাংদা স্কুলগী মহৈরোয়শিংদা য়ৌশিনবা হায়রিবা মরু ওইনা থৌশিল খরা অসি দি.জি.-সি.এস.আই.আর.না পাউদমখি। মহাক্না জাতিগী অচৌবা অমসুং vision@2047গী মখাদা সি.এস.আই.আর. বিজন ২০৩০গী রোদ মেপসু প্রজেন্ত তৌখি।

<><><><><>