خزانہ  اور کارپوریٹ امور کی مرکزی وزیر محترمہ نرملا سیتا رمن نے آج واشنگٹن ڈی سی میں سالانہ میٹنگ 2022 کے دوران ورلڈ بینک-بین الاقوامی مالیاتی فنڈ (ڈبلیو بی -آئی ایم ایف ) مشترکہ ترقیاتی کمیٹی (ڈی سی ) کی میٹنگ میں شرکت کی۔

ترقیاتی  کمیٹی نے خاص طور پر دو اہم پہلوؤں پر بات کرنے کے لیے میٹنگ  کا اہتمام کیا تھا جن کا پوری دنیا کو سامنا ہے:

خوراک اور توانائی کا بحران: چیلنج کا سامنا کرنا

آب و ہوا اور ترقی کے اہداف کا حصول: مالیاتی سوال

اپنے افتتاحی خطاب میں وزیر خزانہ نے کہا کہ یہ ہمارے لیے غور وفکر کرنے اور اس بارے میں سوچنے کا ایک بہترین موقع ہے کہ ہم کس طرح مختلف چیلنجوں کا بہتر طریقے سے مقابلہ کر سکتے ہیں اور طویل مدتی ترقی کو واپس لا سکتے ہیں۔ انہوں نے کہا کہ اس سال ہندوستانی معیشت کے لئے 7 فیصد کی متوقع شرح  نمو کے باوجود، ہم عالمی اقتصادی نقطہ نظر اور جغرافیائی سیاسی ماحول کے بارے میں فکر مند ہیں۔

سیتا رمن نے کہا کہ فوڈ اینڈ انرجی کرائسس پیپر نے توانائی کی کارکردگی کو "انتخاب کا پہلا ایندھن" کے طور پر نشان زد کیا ہے۔ اسی طرح، فصلوں کے نقصان اور خوراک کے ضیاع کو کم کرنا بھی خوراک کی حفاظت کو یقینی بنانے کے لیے "پہلا طریقہ انتخاب" ہونا چاہیے۔

وزیر خزانہ نے عالمی بینک پر زور دیا کہ وہ سبسڈی کے یکساں نقطہ نظر سے اجتناب کرے اور مسخ شدہ سبسڈیز اور کمزور گھرانوں کو ٹارگٹڈ سپورٹ میں فرق کرے۔

ہندوستان کی مثال دیتے ہوئے سیتا رمن نے کہا کہ گزشتہ چھ سالوں میں پردھان منتری اجولا یوجنا کے تحت مفت ایل پی جی کنکشن دے کر ہندوستان نے اس بات کو یقینی بنایا ہے کہ ہندوستان میں تقریباً تمام خواتین کو کھانا پکانے کے صاف طریقوں تک رسائی حاصل ہو۔ اس نے ایس ڈی جی ایس  3، 5 اور 7 پر ہندوستان کی کارکردگی کو بہتر بنانے میں اہم کردار ادا کیا ہے۔

وزیر خزانہ نے کہا کہ توانائی اور غذائی تحفظ کے لیے ہمارے انرجی مکس سے فوسل فیول کو خارج کرنا قدرے مشکل لگتا ہے، ہندوستان نے اس سال اپنا پہلا خالص ہائیڈروجن پروڈکشن پلانٹ اور اپنی پہلی 2جی بائیو ایتھانول ریفائنری قائم کی ہے۔

محترمہ سیتا رمن نے کہا کہ ورلڈ بینک گروپ کے لیے 3 واضح مواقع موجود ہیں:

توانائی کی کارکردگی کو بڑھانے اور خوراک کے نقصان کو کم کرنے کے لیے رویے میں تبدیلی کو فروغ دیں۔ جون 2022 میں عالمی یوم ماحولیات کے موقع پر ہندوستان کے وزیر اعظم کے ذریعہ لائف فار دی انوائرمنٹ جیسے پروگرام شروع کیے گئے تھے، جس میں ورلڈ بینک گروپ کے صدر، مسٹر ڈیوڈ مالپاس نے ایک دلچسپ تقریر کی تھی، کھپت کے ذمہ دارانہ رویے کو مرکزی دھارے میں لا سکتے ہیں۔

قابل تجدید اور سبز توانائی جیسے شعبوں میں رعایتی فنانسنگ اور ٹیکنالوجی کی منتقلی کے انتظامات میں تمام رکن ممالک کی مدد کرنا۔

نہ صرف بین الاقوامی ترقیاتی ایسوسی ایشن (آئی ڈی اے) بلکہ بین الاقوامی بینک برائے تعمیر نو اور ترقی (آئی بی آر ڈی ) کے ذریعے علاقائی انضمام کی حمایت کرنا۔

موسمیاتی اور ترقیاتی اہداف کی فنانسنگ پر وزیر خزانہ نے کہا کہ ڈبلیو بی جی کا کردار؛ موسمیاتی اور ترقیاتی فنانسنگ کے لیے سرمایہ کاری  حکمت عملی تیار کرنے کے لیے تمام اسٹیک ہولڈرز کو ساتھ لانے میں بہت اہم ہے۔ اس کے باوجود، دنیا کو بین الاقوامی طور پر تسلیم شدہ لیکن علیحدہ ذمہ داریوں کے بنیادی اصول سے کبھی بھی محروم نہیں ہونا چاہیے۔ ہمیں 'سب کے لیے ایک' نقطہ نظر سے بچنے کی ضرورت ہے۔

محترمہ  سیتا رمن نے کہا کہ نجی سرمایہ کو راغب کرنے کے لیے خطرات کو کم کرنا ضروری ہے۔ اسکیل (ایس سی اے ایل ای ) کے آغاز  کا خیرمقدم کرتے ہوئے، وزیر خزانہ نے عالمی بینک کی حوصلہ افزائی کی کہ وہ گرانٹ کا حصہ موجودہ 5 فیصد کی سطح سے بڑھائے اور ملکی سطح سے نیچے کام کرنے کے لیے قومی حدود سے باہر بڑے آب و ہوا کے اثرات والے منصوبوں کی مدد کرے۔

محترمہ سیتا رمن نے سی سی ڈی آر ایس  کی تشکیل کے دوران اہم اسٹیک ہولڈرز کے ساتھ مشاورت کو ترجیح دینے اور ان کی کامیابی کے لیے "ایک بینک" کے نقطہ نظر پر عمل کرنے پر زور دیا۔

عالمی بینک پر زور دیتے ہوئے کہ وہ قیادت کرے اورایم ڈی بی ایس   میں اتفاق رائے پیدا کرنے میں مدد کرے، وزیر خزانہ نے جی 20 کی طرف سے شروع کیے گئے ایم ڈی بی کیپیٹل ایڈیکویسی فریم ورک کے آزادانہ جائزے کی سفارشات پر زور دیا، جو پائیدار فنانسنگ کے لیے اہم ہیں۔

ڈبلیو -آئی ایم ایف کی سالانہ میٹنگز کے بارے میں

مشترکہ ڈبلیو بی-آئی ایم ایف ڈیویلپمنٹ کمیٹی موسم سرما اور ہر موسم بہار میں ورلڈ بینک اور آئی ایم ایف کے بورڈ کی سالانہ میٹنگوں کے دوران ورلڈ بینک اور آئی ایم ایف کے کام کی پیشرفت پر تبادلہ خیال کرنے کے لیے میٹنگ   کرتی ہے۔ سالانہ میٹنگوں کی روایت کے بعد، ترقیاتی کمیٹی کی میٹنگ تین میں سے دو سال واشنگٹن میں ہوتی ہے اور ہر تیسرے سال کسی دوسرے رکن ملک میں میٹنگ ہوتی ہے، تاکہ دونوں اداروں کے بین الاقوامی کردار کی عکاسی کی جا سکے۔

*****

U.No:11447

ش ح۔م م۔م ر