রাস্ত্রপতিগী লোইশঙ
ভারতকী রাস্ত্রপতি ত্রিপুরা সরকারনা তরাম্না ওকপগী থৌরমদা শরুক য়াখ্রে
Posted On:
12 OCT 2022 8:31PM by PIB Imphal
ঙসি নুমিদাংৱাইরম(ওক্তোবর ১২, ২০২২)দা অগরতালাগী তাউন হোলদা ত্রিপুরা সরকারনা শীন্দুনা পাংথোকপা তরাম্না ওকপগী থৌরম অমদা ভারতকী রাস্ত্রপতি শ্রীমতি মুর্মু শরুক য়াখ্রে।
![](https://static.pib.gov.in/WriteReadData/userfiles/image/CivicReception(2)I88G.jpg)
থৌরম অদুদা ৱা ঙাংবদা, মহাক তরাম্না ওকপগীদমক রাস্ত্রপতিনা ত্রিপুরাগী মীয়াম থাগৎখি। মহাক্না হায়খি ত্রিপুরাগী অপুনবা কলচর অসি ভারতকী চাউথোকচনিঙাইনি। ত্রিপুরাগী ত্রাইবেল ফুরুপনা গনতন্ত্র অমসুং নাৎকী চৎনবীগা ফজনা হিংমিন্নরি।
![](https://static.pib.gov.in/WriteReadData/userfiles/image/CivicReception(1)C54H.jpg)
রাস্ত্রপতিনা হায়খি মহৌশাগা শাগোন্ননা হরাওনা হিংমিন্নবা হায়বসি ত্রাইবেল খুন্নাইগী তোপ-তোপ্পা মশক্নি। ত্রিপুরাগী অয়াম্বা শরুক উমংগী পোৎথোকশিং মরাংকাইনা লৈরি। মসিগী মমল নাইদ্রবা উমংগী লন-থুমশিং ঙাক-শেনবদা ত্রাইবেল খুন্নাইগী মহৌশাগী পুন্সি মহিংনা মরুওইবা থৌদাং অমা লৌরি। ইং ২০২০-২১দা স্তেনেবল দিবলপমেন্ত গোল-১২দা য়াওরিবা ‘দাইত্ব খঙনা শীজিন্নিবা অমসুং পোৎথোক পুথোকপা’ হায়বা পান্দম অদু ফংবদা ত্রিপুরানা মকোক্তা লৈবা অসিদা হরাওই। প্লাস্তিক্কী অমোৎপা খ্বাইদগী য়ামদনা পুথোকপা রাজ্য অনিগী মনুংদা ত্রিপুরা য়াওরি।
![](https://static.pib.gov.in/WriteReadData/userfiles/image/AlbertEkkaWarMemorial(3)A477.jpg)
রাস্ত্রপতিনা হায়খি ত্রিপুরা অসি মৈ মরাংকাইনা পুথোকপা রাজ্য অমনি অমসুং মৈ অসি বাংলাদেসতা য়োল্লি। ফেনি তুরেলদা মাইত্রি সেতু শাবদগী বাংলাদেস অমসুং ভারতকী মরক্তা চৎথোক-চৎশিনগী খুদোংচাবা হেনগৎলে। মসিনা ত্রিপুরাগী ওন্ত্রেপ্রেনিউয়রশিংনা চিত্তাগোং অমসুং অসুগঞ্জগী হিংথাংফমশিং শীজিন্নবগী খুদোংচাবা ফংলে। মমাংঙৈদগী হৌনা, ভারত অমসুং বাংলাদেসকী মরী চেৎশিনহনবদা ত্রিপুরানা অচৌবা থৌদাং অমা লৌদুনা লাক্লি।
ত্রিপুরা অসি লাইরিক তমফম অমা ওইনা তপ্ন-তপ্না চাউখৎলকপা অসিদা হরাওবা ফোঙদোক্লদুনা রাস্ত্রপতিনা হায়খি অৱাংবা থাক্কী অমসুং প্রোফেসনেল ইজুকেসনগী মহৈলোয়শঙ কয়া রাজ্য অসিদা লিংখৎলে অমসুং অৱাং-নোংপোক লমদমগী মহৈরোয়শিং খক নত্তনা ভারতকী অতোপ্পা রাজ্যশিং অমসুং মপান লৈবাক্তগী মহৈরোয়শিংশু লাইরিক তম্বা লাক্লে। ত্রিপুরানা ইলিমেন্তরি ইজুকেসন্দা চাদা ১০০ মিং চন্নবগী পান্দম ফংবা ঙম্বদা মহাক্না হরাওবা ফোঙদোকখি।
থৌরম অসিগী মমাঙদা, রাস্ত্রপতিনা অগরতালাদা লৈবা অলবার্দ এক্কা ৱার মেমোরিএলদা চৎখি অমসুং ইং ১৯৭১গী বাংলাদেস লিবেরেসন ৱারদা থৱায় কৎখ্রবা থৌনা ফরবা লান্মীশিংগী মফমদা ইকায়খুম্নবা উৎখি।
*****
(Release ID: 1867321)
Visitor Counter : 92