ঙসি ওক্তোবর ১২, ২০২২দা ভারতকী রাস্ত্রপতি শ্রীমতি দ্রৌপতি মুর্মুনা অগরতালাগী নরসিংহগরদা ত্রিপুরা স্তেৎ জুদিসিএল একাদেমী শঙ্গাখ্রে অমসুং ত্রিপুরা নেসনেল লো য়ুনিভর্সিতিগী উরেপ-উয়ুং তমখ্রে।

অতোপ্পা থৌরম অমদা, রাস্ত্রপতিনা ভর্চুএল ওইনা অগরতালাগী কেপিতেল কমপ্লেক্সতা এম.এল.এ হোস্তেল অমশু শঙ্গাখি অমসুং অগরতালাগী রবিন্দ্র সাতাবরসিকি ভাবন্দগী মহারাজা বিরেন্দ্র কিসোর মনিক্যা মিউজম এন্দ কলচরেল সেন্তর অমসুং আই.আই.আই.তি-অগরতালা অমসুং লম্বীশিং, স্কুলশিং অমসুং মহৈরোয়শিংগী হোস্তেল য়াওনা ত্রিপুরা সরকারগী তোঙান-তোঙানবা প্রোজেকশিং উরেপ-উয়ুং তমখ্রে।

রবিন্দ্র সাতাবরসিকি ভাবন্দা মীয়ামদা ৱা ঙাংবদা রাস্ত্রপতিনা হায়খি ঙসি শঙ্গারিবা প্রোজেকশিং অসিনা ত্রিপুরাদা লম্বী-থোঙ, লাইরিক-লাইশু তম্বা, জুদিসিএরি অমসুং লেজিসলেচর চাউখৎহনবা খক নত্তনা রাজ্য অসিগী ইনাকখুল্লবা কলচরশু চাউখৎহনগনি।

রাস্ত্রপতিনা হায়খি নেসনেল লো য়ুনিভর্সিতি, ত্রিপুরাগী উরেপ-উয়ুং তম্বদা মহাক হরাওই। হৌখিবা চহি ৩০ হেন্না লো তম্বগী লমদা নেসনেল লো য়ুনিভর্সিতিশিংনা অচৌবা থৌদাং অমা লৌদুনা লাক্লি। ঙসি শেন-থুমগী ফিবম ফগৎলকপদা লোয়ন্না লিগেলগী শীনফম অসি মাইকৈ কয়াদা পাকথোক-চাউথোরক্লে। নেসনেল লো য়ুনিভর্সিতি, ত্রিপুরানা অৱাং-নোংপোক খক্তগী নত্তনা লৈবাক শীনবা থুংনা লিগেল ইজুকেসনগী মরুওইবা মফম অমা ওইরক্লগনি।

রাস্ত্রপতিনা হায়খি ইনফোর্মেসন তেক্নোলোজিগী লমদা মালেম শীনবা থুংনা ভারতকী নহারোলশিংনা অখন্নবা মশক অমা তাক্লে। ইন্দিয়ান ইন্সতিতুৎ ওফ ইনফোর্মেসন তেক্নোলোজি, ত্রিপুরাগী কেম্পস অসিনা ইনফোর্মেসন তেক্নোলোজিগী লমদা অনৌবা মশক অমা তাক্লগনি।

রাস্ত্রপতিনা হায়খি লৈবাক চাউখৎনবা অমসুং ঐখোয়গী নহারোলশিং চাউখৎনবা অফবা লাইরিক-লাইশু তম্বীবগী থবক অমা লৈহনবা তঙাইফদে। অৱাংবা থাক্কী মহৈ-মশিং তম্বগা লোয়ন্না প্রাইমারিগী ইজুকেসনশু ঐখোয়না অহেনবা মীৎয়েং চঙগদবনি। দোনর মিনিস্ত্রিনা ত্রিপুরা সরকারগা লোয়ন্না ‘বিদ্যা-জয়তি মিসন ১০০’ হৌদোক্তুনা হৌজিক লৈরিবা হায়র সেকেন্দরি স্কুল ১০০ অফবা স্কুলশিং ওইহন্নবা হোৎনরিবা অসিদা হরাওই।

রাস্ত্রপতিনা হায়খি অৱাং-নোংপোক লমদম চাউখৎহন্নবা খুদোংচাবা কয়া মরাংকাইনা লৈরি। ঙসিদি,  হায়ৱেজ, রেলৱেজ, এয়রৱেজ অমসুং ৱাতরৱেজগী অনৌবা প্রোজেকশিংগা লোয়ন্না অৱাং-নোংপোক লমদমগী চাউখৎপা অনৌবা থাক অমা য়ৌরে।

রাস্ত্রপতিনা হায়খি ভারত মালেমদা ৫শুবা খ্বাইদগী চাউবা ইকোনোমি ওইরে। ২০২৫ ফাওবগী মনুংদা ভারতকী দোল্লর ত্রিল্লিয়ন ৫গী ইকোনোমি অমা লৈহনবদা ত্রিপুরা য়াওনা অৱাং-নোংপোক লমদম্না মরুওইবা থৌদাং অমা লৌগনি। মসিগী পান্দম অসি ফংবদা, লৌশিং লৈবা অমসুং থবক শুবা নোম্বা কনবা ত্রিপুরাগী নহারোলশিংগী অনৌবা থবক অমসুং ওন্ত্রেপ্রেনিউয়রশিপনা মরুওইবা থৌদাং অমা লৌগনি হায়বগী থাজবা থম্লি।

ভারতকী রাস্ত্রপতি শ্রীমতি দ্রৌপতি মুর্মু ওক্তোবর ১২-১৪, ২০২২দা ত্রিপুরা অমসুং অসামদা চৎকনি।

ওক্তোবর ১২, ২০২২দা রাস্ত্রপতিনা ত্রিপুরা স্তেৎ জুদিসিএল একাদেমী শঙ্গাগনি অমসুং অগরতালাগী নরসিংগরদা ত্রিপুরা নেসনেল লো য়ুনিভর্সিতিগী উরেপ-উয়ুং তমগনি। নুমিৎ অসিদা মহাক্না ভর্চুএল ওইনা অগরতালাগী কেপিতেল কমপ্লেক্সতা এম.এল.এ হোস্তেল অমশু শঙ্গাগনি অমসুং লম্বীশিং, স্কুলশিং অমসুং মহৈরোয়শিংগী হোস্তেল য়াওনা ত্রিপুরা সরকারগী তোঙান-তোঙানবা প্রোজেকশিং উরেপ-উয়ুং তমগনি। অগরতালা মহারাজা বিরেন্দ্র কিসোর মনিক্যা মিউজম এন্দ কলচরেল সেন্তর অমসুং আই.আই.আই.তি-অগরতালা রবিন্দ্র সাতা বারসিকি ভাবন, অগরতালাদগী উরেপ-উয়ুং তমগনি। নুমিদাংৱাইরমদা, অগরতালাগী তাউন হোলদা ত্রিপুরাগী রাজ্যপালনা শীনবা তরাম্না ওকপগী থৌরম অমদা রাস্ত্রপতি শরুক য়াগনি।

ওক্তোবর ১৩, ২০২২দা, রাস্ত্রপতিনা অগরতালা রেলৱেজ স্তেসন্দগী গুৱাহাতি-কোলকাতা-গুৱাহাতি ত্রেন অগরতালা ফাওবা য়ৌবা অমসুং অগরতালা-জিরিবাম-অগরতালা জন সতাব্দি এক্সপ্রেস মনিপুরগী খোঙশাং ফাওবা য়ৌবা লমথাগনি।

নুমিৎ অদুমক্তদা, আই.আই.তি গুৱাহাতিদা রাস্ত্রপতিনা ভর্চুএল ওইনা ইলেকত্রোনিক্স অমসুং ইনফোর্মেসন তেক্নোলোজি মিনিস্ত্রি, হেল্থ অমসুং ফেমিলি ৱেলফিয়ার মিনিস্ত্রি অমসুং অসাম সরকারগী তোঙান-তোঙানবা প্রোজেকশিং শঙ্গাগনি/উরেপ-উয়ুং তমগনি। হায়রিবা প্রোজেকশিং অদুগী মনুংদা আই.আই.তি গুৱাহাতিদা সুপরকম্পুতর পারম কামরুপা অমসুং অৱাংবা থাক্কী মাইক্রোৱেব কম্পোনেন্তশিংগী দিজাইন অমসুং দিবলপমেন্তগী মফম; ধুব্রিদা মেদিকেল কোলেজ অমসুং হোস্পিতাল;দিব্রুগর(অসাম) অমসুং জবালপুর(মধ্য প্রদেস)তা ওফ নেসনেল ইন্সতিতুৎ ওফ ভাইরোলোজিগী জোনেল ইন্সতিতুৎশিং য়াওরি। নুমিদাংৱাইরমদা, গুৱাহাতিগী অসাম এদমিনিস্ত্রেতিপ স্তাপ কোলেজদা পাংথোক্কদবা নাৎকী থৌরমগা লোয়ন্না ওকপগী থৌরম অমদা রাস্ত্রপতি শরুক য়াগনি।

ওক্তোবর ১৪, ২০২২দা রাস্ত্রপতিনা অসাম সরকার অমসুং রোদ ত্রান্সপোর্ত অমসুং হায়ৱেজ মিনিস্ত্রি, পেত্রোলিয়ম অমসুং নেচরেল গ্যাস মিনিস্ত্রি অমসুং রেলৱেজ মিনিস্ত্রিগী তোঙান-তোঙানবা প্রোজেকশিং শঙ্গাগনি/উরেপ-উয়ুং তমগনি। শঙ্গাগদৌরিবা প্রোজেকশিং অদুগী মনুংদা অনৌবা খুদোংচাবশিং য়াওরবা মোদেল অঙ্গনৱাদি সেন্তরশিং; মিসন সৌবগ্যা; সিলচরগী মোইনাবন্দদা ইন্দিয়ান ওইল কোর্পোরেসন লিমিতেৎকী রেল-ফেদ পেত্রোলিয়ম স্তোরেজ দিপো; হায়ৱে প্রোজেক অনি; অসামগী চা থাফমশিংদা মোদেল সেকেন্দরি স্কুল ১০০ উরেপ-উয়ুং তম্বা; গুৱাহাতিগী অগতোরিদা হায়ৱে প্রোজেক অনি অমসুং কার্গো-কম-কোচিং তর্মিনেল অমসুং গুৱাহাতিদগী লুমদিং-সোখুবি(নাগালেন্দ) অমসুং মন্দিপাথর(মেঘলয়) য়ৌবা ত্রেন অমা লমথাবা য়াওরি।

*****