డైరెక్టరేట్ ఆఫ్ రెవెన్యూ ఇంటెలిజెన్స్ (DRI) ఈశాన్య ప్రాంతంలో  బంగ్లాదేశ్ మరియు మయన్మార్ యొక్క ఈశాన్య సరిహద్దుల ద్వారా బంగారం స్మగ్లింగ్‌లో ఊపందుకుందనే విషయం ఇటీవల బంగారం స్వాధీనం చేసుకోవడం ద్వారా నిర్దారణ అయింది. గతంలో స్మగ్లింగ్ కోసం పలచని సరిహద్దులను ఉపయోగించినప్పటికీ, 2022 సెప్టెంబరులో మాత్రమే 121 కిలోల బంగారం స్వాధీనం చేసుకున్న 11 కేసులు  ఇప్పటికీ స్మగ్లర్లు ఈశాన్య కారిడార్‌ను రహస్య మార్గాలను విస్తృతంగా ఉపయోగిస్తున్నట్లు చూపుతున్నాయి.

నిర్ధిష్ట ఇంటెలిజెన్స్‌తో పాటు పాట్నా, ఢిల్లీ మరియు ముంబయిలో మూడు సమన్వయ తనిఖీల్లో డైరెక్టరేట్ ఆఫ్ రెవెన్యూ ఇంటెలిజెన్స్ (DRI) రూ. 33.40 కోట్ల విలువైన 65.46 కిలోల విదేశీ బంగారాన్ని స్వాధీనం చేసుకుంది. దేశీయ కొరియర్ సరుకులో ఐజ్వాల్ నుంచి ముంబైకి బంగారాన్ని రవాణా చేశారు. బంగారాన్ని గోనె సంచులలో దాచి ఉంచారు.

ఇదే మార్గంలో అక్రమంగా రవాణా చేస్తున్న మరో కేసులో, మయన్మార్ నుంచి అక్రమంగా తరలిస్తున్న సుమారు 23.23 కిలోల బరువున్న రూ.11.65 కోట్లు (సుమారుగా) విలువైన మరో పెద్ద విదేశీ స్మగ్లింగ్  బంగారాన్ని డీ ఆర్ ఐ (DRI) స్వాధీనం చేసుకుంది. విదేశీ బంగారాన్ని మిజోరాంలోని ఛాంఫై-ఐజ్వాల్ నుండి కోల్‌కతా, పశ్చిమ బెంగాల్‌కు వాహనంలో తీసుకెళ్లడం/దాయడం ద్వారా అక్రమంగా రవాణా చేసేందుకు ప్రయత్నిస్తారు. నిషేధిత వస్తువులను అక్రమ రవాణా అరికట్టడానికి, 2022 సెప్టెంబర్ 28 - 29 తేదీలలో సమన్వయ చర్య చేపట్టారు. డీ ఆర్ ఐ అధికారులు సిలిగురి - గౌహతిలను కలిపే హైవేపై నిఘా పెట్టారు. రెండు అనుమానిత వాహనాల్లో ప్రయాణిస్తున్న నలుగురు ప్రయాణికులను గుర్తించి అదుపులోకి తీసుకున్నారు. 2 రోజుల పాటు రెండు వాహనాలను క్షుణ్ణంగా తనిఖీ చేసిన తర్వాత, వాహనం బాడీలో 21 స్థూపాకార ముక్కల రూపంలో దాచిన 23.23 కిలోల బంగారాన్ని స్వాధీనం చేసుకున్నారు. ఈ సందర్భంలో బంగారం వెనుక చక్రాల వెనుక ఉన్న కుడి మరియు ఎడమ పట్టాలను కలుపుతూ క్రాస్-మెంబర్ మెటల్ పైపు లోపల ప్రత్యేకంగా తయారు చేయబడిన కుహరంలో మరియు రెండు వాహనాలలో సస్పెన్షన్‌కు అమర్చబడింది. స్వాధీనం చేసుకున్న బంగారం మయన్మార్ నుంచి మిజోరాంలోని జోఖౌతార్ సరిహద్దు ద్వారా భారత్‌లోకి అక్రమంగా రవాణా చేయబడింది. ఈ కేసులో ఇప్పటి వరకు నలుగురిని అరెస్టు చేశారు.

ఈ నెలలో మరో 9 కేసుల్లో డీఆర్‌ఐ వివిధ క్యారియర్‌ల రూపంలో వస్తున్న27 కిలోల స్మగ్లింగ్ బంగారాన్ని  పట్టుకొని స్వాధీనం చేసుకుంది. ఈ నిఘా కొనసాగింపు  దేశంలోని ఈశాన్య భాగం నుండి భారతదేశంలోకి విదేశీ బంగారాన్ని స్మగ్లింగ్ చేసే కార్యకలాపాన్ని వెలికి తీయడంలో సహాయపడింది.

తదుపరి విచారణ పురోగతిలో ఉంది.

****