ওক্তোবর ১, ২০২২দগী হৌদুনা নুমিৎ হুম্নি চুপ্না চত্থখিবা “দিজিতেল ইন্দিয়া কন্ফরেন্স ফোর স্তেত আই.তি. মিনিস্তর্স” ঙরাং মফমসিদা লোইশিনখ্রে‍।

অহানবা নুমিত্তা, কম্ম্যুনিকেসন্স, ইলেক্ত্রোনিক্স এন্দ ইন্ফোর্মেসন তেক্নোলোজী অমসুং রেলৱেজ মন্ত্রী শ্রী অস্বিনী বৈষ্ণবনা থৌরম মপু ওইদুনা স্তেত অমসুং য়ুনিয়ন তেরিতরীশিংগা লোয়ননা দিজিতেল ইন্দিয়া ইনিসিএতিবশিংগী মরুওইবা মীৎয়েঙ চঙগদবা হীরমশিংগী মতাঙদা মীফম অমা পাঙথোক্তুনা কুপ্না খন্নখি‍। ইলেক্ত্রোনিক্স এন্দ ইন্ফোর্মেসন তেক্নোলোজী অমসুং স্কিল দিভেলপমেন্ত এন্দ ওন্ত্রপ্রিন্যুরসিপকী রাজ্য মন্ত্রী, শ্রী রাজীব চন্দ্রসেখর অমসুং কম্ম্যুনিকেসন্সকী রাজ্য মন্ত্রী, শ্রী দেবুসিন্হ চৌহান অমদি অন্ধ্র প্রদেশ, অসাম, বিহার, মধ্য প্রদেশ, গুজরাত, গোৱা, মনিপুর, উত্তরাখন্দ, তেলঙ্গনা, মিজোরম, সিক্মিম অমসুং পুদুচেরী হায়রিবা স্তেত অমসুং য়ু.তি. ১২গী আই.তি. মন্ত্রীশিংনা শরুক য়াখি‍।

ৱারোইশিন্দা, শ্রী অস্বিনী বৈষ্ণবনা দিজিতেল ইন্দিয়া অমসুং মসিবু লৈবাকসিগী কাচিন কোয়া থুংনা য়ৌহনবদা কন্নেক্তিভিতী য়াম্না মরুওই হায়না ফোঙদোকখি‍। লাক্কদৌরিবা নুমিৎ ৫০০গী মনুংদা তৱার ২৫,০০০ য়ুংননবা লুপা করোর ৩৬,০০০ কাইথোকপদা অয়াবা পীখ্রে হায়না মহাক্না লাউথোকখি‍। মহাক্না স্তেত অমসুং য়ু.তি. পুম্নমকপু পি.এম. গতি শক্তিদা খুৎলৈ থুনা য়াওশিল্লকপগীদমক্তসু নুংঙাইবা ফোঙদোকখি‍। স্তেতশিংদা কেপিতেল এক্সপেন্দিচরগী লুপা করোর ২০০০গী ওইগদবা অখন্নবা তেংবাংসু পীরি হায়না মহাক্না পাউদমখি‍। মহাক্না স্তেতশিংদা ইচঙ থৌনা থবক পায়খত্তুনা বিজিনেসশিংগী পুক্নিং চিংশিন্নবগীদমক বিজিনেস ফ্রেন্দলী পোলিসীশিং শেম্নবা পুক্নিং থৌগৎখি‍। সবকা সাথ অমসুং সবকা বিকাস হায়বা খোল্লাউগী মতাঙদা পল্লদুনা, অচৌবা অমদি অপীকপা স্তেত অমসুং য়ু.তি. পুম্নমক্তগী দিজিতেল ইন্দিয়াবু হেন্না ৱাংবা থাক অমদা থাঙ্গৎনবা অমদি আত্মনিরভর ভারত অমসুং ত্রিলিয়ন দোলর দিজিতেল ইকনমীগী মঙলান মঙফাওনহন্নবগী খোঙফম য়াম্না মরুওই হায়বা ৱাফমসু মহাক্না থমখি‍।

ওক্তোবর ২, ২০২২, নিনি চনবা নুমিত্তা, মৈতীনা আই.তি. রুল্স, দেতা গভর্নেন্স, দিজিতেল ইন্দিয়া ভাসিনি, দিজিতেল পেমেন্ত, মাইস্কীম অমসুং মেরী পেহচান্নচিংবগী মরমদা খন্ননবা সেসন অহুম পাঙথোকখি‍। মাইস্কীমদা ইলিজিবিলিতী/ প্রোইফাইল বেজ দিস্কভরীগী দিমো উৎখি‍। ৱারোইশিন্দা, মৈতী সেক্রেতরী শ্রী অল্কেস কুমার শর্মনা স্তেত অমসুং য়ু.তি.শিংদা মখোয়গী খুজিল থৌরাংশিং কেন্দ্র লৈঙাক্না শেম্লিবা খুজিল থৌরাংশিংগা চুশিলহন্নবা পুক্নিং থৌগৎখৎ‍। স্তেত অমদি য়ু.তি.শিংনা পুন্সি হিংবদা কোমহন্নবা অমদি লল্লোন ইতিক তৌবদা লায়হন্নবগীদমক কেন্দ্র লৈঙাক্না মীয়ামদা য়ুম্ফম ওইবা, লল্লোন ইতিক্তা য়ুম্ফম ওইবা নৌবা পায়খৎলিবা থৌরাংশিংগী কান্নবা লৌননবা ৱাফম থমখি‍।

হুম্নি চনবা নুমিত্তা, মৈতীনা ‘এত্রেক্তিং স্তার্তঅপ্স তু তিয়র ২ সিতিজ এন্দ সস্তেনিং দেম’, ‘য়ুজ ওফ ইমর্জিং তেক ইন পব্লিক সর্ভিসেস’, ‘মেকিং ইন্দিয়া তেলেন্ত নেসন’, ‘রিএলাইজেসন ওফ দিজিতেল গভর্নেন্স ইন স্তেত্স’, অমসুং ‘মেক ইন ইন্দিয়া ফোর দি গ্লোব – ইন্দিয়া এস সেমিকন্দক্তর নেসন’ হায়না মিংথোনবা পেনেল দিস্কজন মঙা পাঙথোকখি‍। কীনোৎ এদ্রেস পীখিবা ৱাঙাঙলোয়শিংগী মরক্তা শ্রী রোহন ভর্মা, সি.ই.ও. মেপমাইইন্দিয়া, শ্রী প্রকাস কুমার, সি.ই.ও., ৱাদ্বানি, মিস দেবজানি ঘোস, প্রসিদেন্ত, নাসকো, শ্রী তন্মোই চক্রবর্তী, সেনিয়র গভর্নমেন্ত এফ্যার্স ওফিসর, তাতা সন্স অমসুং শ্রী সান্তোস কুমার, এম.দি. তেক্সাস ইন্সত্রুমেন্ত য়াওখি‍।  পেনেল দিস্কজনশিং অদু মৈতীগী মকোক থোংবা ওফিসরশিংনা ৱাতেমখি, অমদি পেনেলদা স্তেত লৈঙাকশিংগী মকোক থোংবা ওফিসরশিং য়াওখি‍।

ৱারোইশিন্দা, মৈতী সেক্রেতরী শ্রী অল্কেস কুমার শর্মনা স্তেত অমসুং য়ু.তি.শিংবু মখোয় মখোয়গী স্তেতশিংদা লৈরিবা দিজিতে ইন্দিয়া ইনিসিএতিবশিংগী খ্বাইদগী নৌবা ফীভম পাউদম্লকপগীদমক নুংঙাইবা ফোঙদোকখি‍। মহাক্না ইন্দস্ত্রীগী মীহুৎশিংবুসু ইন্দস্ত্রীগী মীৎয়েঙ অমসুং মালেমগী ওইনা চৎনরিবা খ্বাইদগী ফবা থৌওংশিং পাউদম্লকপগীদমক তৌবিমল খঙবা উৎখি‍। ভারত লৈঙাক্না তেক্নোলোজী স্তার্তঅপশিং তিয়র-১ ময়োল্লমগী ৱাংমদা য়োকখৎনবা পান্দম থম্লি‍। অফবা স্তার্ত-অপ ইকোসিস্তেম অমা শেমগৎনবগীদমক স্তেতকী থাক্তা কোলাবোরেসন, স্তার্ত-অপ ফ্রেন্দলী পোলিসী অমসুং ইন্সেন্তিবশিং লৈহনবগী মরুওইবা মহাক্না ফোঙদোকখি‍। নৌনা থোরক্লিবা তেক্নোলোজীশিংগী মতাঙদা, মহাক্না দেতাদা য়ুম্ফম ওইরবা ফিরেপ লৌবা অমসুং এ.আই., ব্লোকচেন, দ্রোন, আই.ও.তি.নচিংবা শীজিন্নদুনা দেতা অমসুং প্রোসেস দ্রিভন ইনোভেসন্দা মীৎয়েঙ থম্নবা ৱাফম ফোঙদোকখি‍। ভারত অসি হিদান্নবা য়াবা মমলদা নীংথিনা খঙ-হৈরবা রিসোর্সশিং ফংফমগী অহানবা খোঙদাফম্নি হায়না মহাক্না মখা তাখি‍।

নহা অমসুং প্রোফেস্নেলশিংবু তুংলমচৎকীদমক শেম শাননবা অমদি ভারতপু তেলেন্ত নেসন অমা ওইবা শেমগৎনবীদমক দীপ তেক্নোলোজীগী মরমদা ত্রেন/রিত্রেন লেপ্পা লৈতনা তৌনবগীদমক তীম ইন্দিয়া – লৈঙাক, ইন্দস্ত্রী অমসুং একাদমিয়াশিংনা পুন্না হোৎনমিন্নবা মথৌ তাই‍। ‘দিজিতেল বাই দিফোল্ত’কী পরিং অমসুং প্রজেন্সলেস, কন্তেক্তলেস, পেপরলেস, এনিতাইম, এনিৱ্যের, অমসুং ইন্ভাইৎলেস সর্ভিসশিংগী প্রিন্সিপলশিং  পর্সনেলাইজ তৌরবা অমদি ইচঙ থৌবা সর্ভিসশিংগীঈ ফীভম ফগৎহন্নবা অমদি পীননবা মরুওই‍ হায়বা ৱাফম মহাক্না থমখি‍। অচৌবা খুদোংচাবা অমা হায়রগদি সেমিকন্দক্তর মেনুফেকচরিং ইকোসিস্তেম অমা লৈবাকশিদা শেমগত্তুনা থবক পীবা ঙম্বা অমদি দিজিতেল ইকনমীদা ভেল্যু এদিসনগী খোঙজেল য়াঙ্খৎহনবনা ওইগনি হায়না মহাক্না হায়খি‍। কেন্দ্র লৈঙাক্না লাউথোকখিবা ইন্সেন্তিবশিংগী মথাক্তা, স্তেতকী থাক্তা ফ্রেন্দলী পোলিসী অমসুং ফাইনেন্সিএল ইন্সেন্তিবশিং পায়খৎপনা থবক পীবা অমদি রিভিন্যু লাকহনবা ঙমগদবা কম্পেনীশিংগী পুক্নিং চিংশিন্নবগী মচাক ওইগদৌরিবনি হায়না মহাক্না মখা তাখি‍।

কন্ফরেন্স অদু মৈতীগী জোইন্ত সেক্রেতরী শ্রী সুসিল পালনা থাগৎ ৱাহৈ ফোঙদোক্তুনা লোইশিনখি‍।

***