ইং ২০২২-২৩গী এস.এম.সি.এম.এস.এস.গী এপ্লিকেসন থাজিল্লকপগী অরোইবা তাং ওক্তোবর ১৫, ২০২২ ফাওবা শাংদোকখ্রে‍। ‘নেস্নেল মীন্স-কম-মেরিৎ স্কোলারসিপ স্কীম’গী মখাদা, শেন্থোক হন্থবা কাঙলুপকী লাইরিক ফবা মহৈরোয়শিং ক্লাস ৮ তম্বা লোইরগা মহৈ তম্বা তোকখিদনবা অমদি সেকেন্দরী থাক ফাওবা মহৈ মশিং তমহন্নবগীদমক্তা স্কোলারসিপশিং পীরি‍। চহি খুদিংগী স্তেত লৈঙাক্কী, গভর্নমেন্ত এদেদ অমসুং লোকেল বোদীশিংগী স্কুলশিংদা ক্লাস ৯ তম্লিবা খনগৎলবা মহৈরোয়শিংদা ফ্রেস স্কোলারসিপ লাখ অমা পীরি অমদি মখোয়না ক্লাস ১০দগী ১২ ফাওবা তমথবদা মখা তানা / রিনিউ তৌদুনা লাক্লি‍। স্কোলারসিপকী শেনফম অসি চহিদা লুপা ১২০০০নি‍।

নেস্নেল মীন্স কম মেরিৎ স্কোলারসিপ স্কীম (এন.এম.এম.এস.এস.) অসি মহৈরোয়শিংদা পীবা স্কোলারসিপ স্কীমশিংগী ৱন স্তোপ পোর্তেল অমা ওইরিবা নেস্নেল স্কোলারসিপ পোর্তেল (এন.এস.পি.)দা হাপ্লে‍। এন.এম.এম.এস.এস. স্কোলারসিপ অসি খনগৎলবা মহৈরোয়শিং অদুগী মশা মশাগী বেঙ্ক একাউন্ততা দি.বি.তি. মোদকী মতুং ইন্না পব্লিক ফাইনেন্সিএল মেনেজমেন্ত সিস্তেম (পি.এফ.এম.এস.)কী খুত্থাঙদা ইলেক্ত্রোনিক ত্রান্সফর তৌদুনা হকথেংননা থাজিনবনি‍। মসি ১০০% সেন্ত্রেলী স্পোন্সর স্কীম অমনি‍।

চহিদা শেন্থোক লুপা ৩,৫০,০০০দগী হেন্দবা মমা মপাগী মচাশিংনা স্কোলার্সিপ অসি ফংবা য়াই‍। স্কোলার্সিপকী খন্নবগী চাংয়েংদা শরুক য়ানবগীদমক মহৈরোয়শিংনা ক্লাস ৭গী চাংয়েংদা য়ামদ্রবদা মার্ক ৫৫% নৎত্রগা মান্নবা গ্রেদ ফংগদবনি (এস.সি./এস.তি. মহৈরোয়শিংগী ৫% কোমথোক্লি‍)।

আই.এন.ও. (এল১) ভেরিফিকেসনগী অরোইবা তাং ওক্তোবর ৩১, ২০২২নি অদুগা দি.এন.ও. থাক্কী (এল২) ভেরিফিকেসনগী অরোইবা তাংনা নবেম্বর ১৫, ২০২২নি‍।

*****