صدر جمہوریہ ہند، محترمہ دروپدی مرمو نے حکومت گجرات کے صحت، آبپاشی، پانی کی فراہمی اور دین دیال پورٹ، کاندلا کی اپ گریڈیشن سے متعلق بندرگاہوں، جہاز رانی اور آبی گزرگاہوں کی وزارت کے مختلف پروجیکٹوں کا جی ایم ای آر ایس، گاندھی نگر سے آج (3 اکتوبر 2022) افتتاح/ سنگ بنیاد رکھا۔

اس موقع پر خطاب کرتے ہوئے صدر جمہوریہ نے کہا کہ گجرات کے لوگوں کا کاروبار اور اختراع کا کلچر ہے۔ گجرات کے تاجروں نے گجرات اور ہندوستان کو ایک خاص پہچان دی ہے۔ گجرات ترقی کے لحاظ سے ملک کی سرکردہ ریاستوں میں سے ایک ہے۔ انہوں نے کہا کہ گجرات نے صنعتی ترقی کے ساتھ قدرتی کاشتکاری اور ماحولیاتی تحفظ کی مثالیں پیش کی ہیں۔ انہوں نے کہا کہ جب کہ ملک کی تقریباً 5 فیصد آبادی گجرات میں رہتی ہے، وہ کل قومی زرعی پیداوار میں تقریباً 20 فیصد کا حصہ ادا کرتا ہے۔ انہوں نے کہا کہ گجرات کی زرعی ترقی کے کامیاب تجربات پورے ملک میں کیے جا رہے ہیں۔

صدرجمہوریہ نے کہا کہ بہت طویل عرصے سے گجرات کے جغرافیائی محل وقوع بالخصوص شمالی گجرات، سوراشٹرا اور کچھ کے کچھ حصوں میں پانی کی کمی نے لوگوں کو بڑی پریشانیوں کا سامنا کرنا پڑا تھا۔ لیکن آج وہ صورتحال بالکل بدل چکی ہے۔ 'سردار سروور پروجیکٹ' کے تحت ایک وسیع نہری نیٹ ورک سے لوگوں کو آبپاشی کا پانی فراہم کیا جا رہا ہے۔ اس سے لاکھوں لوگوں کی زندگیاں بدل گئی ہیں۔ انہیں یہ جان کر خوشی ہوئی کہ نیتی آیوگ کے ‘کمپوزٹ واٹر مینجمنٹ انڈیکس’ کے مطابق، گجرات پچھلے تین سالوں سے پانی کے انتظام میں ملک میں پہلے نمبر پر ہے۔

صدر جمہوریہ نے کہا کہ صحت کی دیکھ بھال کے شعبے میں گجرات نے شاندار کامیابیاں حاصل کی ہیں۔ انہوں نے کہا کہ گجرات ہندوستان کی پہلی ریاست ہے جس نے حاملہ خواتین کو ہیلتھ کارڈ جاری کیا ہے۔ انہیں یہ جان کر بھی خوشی ہوئی کہ نیتی آیوگ کی 2020-21 میں جاری کردہ رپورٹ کے مطابق، پائیدار ترقی کے ہدف "اچھی صحت اور بہبود" کو حاصل کرنے میں گجرات ملک میں پہلے نمبر پر ہے۔

صدر نے اس یقین کا اظہار کیا کہ جن منصوبوں کا آج افتتاح کیا گیا اور جن کا سنگ بنیاد رکھا گیا، ان سے کسانوں اور کاروباری افراد کے لیے روزگار اور کاروبار کے نئے مواقع پیدا ہوں گے۔ انہیں یہ بھی یقین تھا کہ سپر اسپیشلٹی ہسپتال اور میڈیکل کالج، جس کا آج سنگ بنیاد رکھا گیا ہے، نرمدا ضلع کی قبائلی آبادی کی ضروریات کو پورا کرے گا۔ قبل ازیں احمد آباد میں اترنے کے بعد صدر جمہوریہ نے سابرمتی آشرم کا دورہ کیا جہاں انہوں نے مہاتما گاندھی کو خراج عقیدت پیش کیا اور چرخہ کاتا۔ صدر کی تقریر دیکھنے کے لیے یہاں کلک کریں-

https://static.pib.gov.in/WriteReadData/specificdocs/documents/2022/oct/doc2022103113601.pdf

*****

ش ح۔   ش ت۔ج

Uno-11005