سڑک نقل و حمل اور شاہراہوں کی وزارت نے صفائی اور زیر التواء حوالوں کو نمٹانے کے لیے خصوصی ڈرائیو 2.0 کا آغاز کیا۔ یہ مہم وزارت اور اس کے ماتحت دفاتر یعنی این ایچ اے آئی، این ایچ آئی ڈی سی ایل، آئی آر سی اور آئی اےایچ ای میں چلائی جا رہی ہے۔ خصوصی مہم2.0 کے تحت تقریباً 1200 مقامات پر صفائی مہم چلائی جا رہی ہے جس میں سڑک نقل و حمل اور شاہراہوں کی وزارت، این ایچ اے آئی اور این ایچ آئی ڈی سی ایل کے تمام فیلڈ دفاتر، ٹول پلازا اور سڑک کنارے سہولیات شامل ہیں۔

سڑک نقل  وحمل اور شاہراہوں کی وزارت کے سکریٹری جناب گریدھر ارمان نے اس موقع پر ٹرانسپورٹ بھون میں اس وزارت کے افسران اور ملازمین سے صفائی ستھرائی کا عہد کروایا۔ انہوں نے تمام افسران سے اپیل کی کہ وہ مہم کے دوران مختلف زمروں - ایم پی ریفرنس، پی ایم او ریفرنس، عوامی شکایات، پارلیمنٹ کی یقین دہانی وغیرہ کے تحت زیر التواء ریفرنسز کو نمٹانے کو یقینی بنائیں۔ انہوں نے وزارت اور اس کے تمام ماتحت دفاتر کو ہدایت کی کہ وہ فیصلہ سازی میں زیادہ سے زیادہ 4 درجے کی پیشکش کے چینل سے متعلق ہدایات پر سختی سے عمل کریں۔

این ایچ اے آئی اور این ایچ آئی ڈی سی ایل نے مہم کی شروعات کی  نشاندہی کرنےکےلئے  ملک بھر میں اپنے  سبھی  افسروں اورملازمین کوصفائی ستھرائی کاحلف دلایا

سکریٹری نے افسران کو مشورہ دیا کہ وہ بدعنوانی سے پاک نظام کو یقینی بنانے کے لیے تمام سرکاری کاموں میں مکمل دیانتداری اور انتہائی صفائی کو برقرار رکھیں۔ افسران کو عوام کی ضروریات کے بارے میں حساس ہونا چاہیے اور ان کی شکایات کو جلد از جلد دور کرنے کی کوشش کرنی چاہیے۔ سکریٹری نے مہم کے دوران قومی شاہراہ کو گڈھوں سے پاک رکھنے اور رائٹ آف وے (آر او ڈبلیو) کی صفائی کے لیے خصوصی کوششیں شروع کرنے کی ہدایت کی۔

سکریٹری نے دفتر کے احاطے کو صاف ستھرا رکھنے میں ہاؤس کیپنگ اسٹاف کے تعاون کو سراہا اور انہیں ایک یادگاری تحفہ پیش کیا۔ انہوں نے افسران اور ملازمین کے ساتھ ٹرانسپورٹ بھون کے احاطے میں 'شرمدان' دیا۔ انہوں نے ٹرانسپورٹ بھون کمپلیکس کا بھی دورہ کرکے مجموعی صفائی کا معائنہ کیا۔

ش ح ۔ا م۔

U:10955