కార్పొరేట్ సంస్థలు ఇత‌రుల దివాలా లావాదేవీల‌ను ప‌ర్య‌వేక్షించే 'దివాలా మరియు దివాలా బోర్డ్ ఆఫ్ ఇండియా' (ఐబీబీఐ) అక్టోబర్ 1, 2022న ఆరవ వార్షికోత్స‌వాన్ని జరుపుకోనుంది. కేంద్ర ఆర్థిక మరియు కార్పొరేట్ వ్య‌వ‌హారాల మంత్రి శ్రీమతి నిర్మలా సీతారామన్ ఈ కార్య‌క్ర‌మంలో ముఖ్య అతిథిగా పాల్గొననున్నారు. కేంద్ర గణాంకాలు మరియు కార్యక్రమ అమలు మంత్రిత్వ శాఖ సహాయ మంత్రి (స్వతంత్ర బాధ్యత) శ్రీ రావు ఇంద్రజిత్ సింగ్; ప్రణాళికా మంత్రిత్వ శాఖ యొక్క కేంద్ర సహాయ మంత్రి (స్వతంత్ర బాధ్యత);  కార్పొరేట్ వ్యవహారాల మంత్రిత్వ శాఖ కేంద్ర సహాయ మంత్రులు త‌దిత‌రులు ఈ కార్య‌క్ర‌మానికి గౌరవ అతిథిలుగా పాల్గొన‌నున్నారు. ఐబీబీఐ సంస్థ స్థాపన జ్ఞాపకార్థం వార్షిక దినోత్స‌వ‌ ఉపన్యాసపు శ్రేణిని ఏర్పాటు చేసింది. నేషనల్ కంపెనీ లా ట్రైబ్యునల్ ప్రెసిడెంట్, చీఫ్ జస్టిస్ (రిటైర్డ్) శ్రీ రామలింగం సుధాకర్ మరియు కాంపిటీషన్ కమీషన్ ఆఫ్ ఇండియా చైర్‌పర్సన్ శ్రీ అశోక్ కుమార్ గుప్తా ఈ సంవత్సరం వార్షిక డే లెక్చర్ ఇవ్వనున్నారు. ఈ సందర్భాన్ని పురస్కరించుకుని, వార్షిక ప్రచురణ, “ఐబీసీ: ఐడియా, ఇంప్రెషన్స్ అండ్ ఇంప్లిమెంటేషన్” కూడా విడుదల చేయనున్నారు. ప్రభుత్వం మరియు నియంత్రణ సంస్థల సీనియర్ అధికారులు ఈ వేడుకలో పాల్గొననున్నారు. దివాలా నియంత్ర‌ణ‌,ప‌ర్య‌వేక్ష‌ణ‌లో వాటాదారులుగా ఉన్న  నిపుణులు, నమోదిత సంస్థ‌లు, ఇతర నిపుణులు, రుణదాతలు,  వ్యాపార అధినేత‌లు, విద్యావేత్తలు, పరిశోధకులు  ఈ కార్య‌క్ర‌మంలో పాల్గొనున్నారు.
ఐబీబీఐ మరియు ఐబీసీ గురించి
'ది ఇన్‌స‌ల్వెన్సీ అండ్ బ్యాంక్‌ర‌ప్ట‌సీ బోర్డ్ ఆఫ్ ఇండియా' (ఐబీబీఐ), 'ఇన్‌స‌ల్వెన్సీ అండ్ బ్యాంక్‌ర‌ప్ట‌సీ కోడ్ (ఐబీసీ)- 2016' అమలుకు బాధ్యతను నిర్వ‌హిస్తోంది. కార్పొరేట్ వ్యక్తులు, భాగస్వామ్య సంస్థలు, వ్యక్తుల యొక్క పునర్వ్యవస్థీకరణ మరియు దివాలా పరిష్కారాన్ని సమయానుకూలంగా గరిష్టీకరించడానికి లక్ష్యంగా పెట్టుకొని ఈ సంస్థ ప‌ని చేస్తోంది. ఆస్తుల విలువ, వ్యవస్థాపకతను ప్రోత్సహించడం, క్రెడిట్ లభ్యత, అన్ని వాటాదారుల ప్రయోజనాలను సమతుల్యం చేయడం ఈ సంస్థ విధి.

ఐబీసీ దివాలా పాలనలో బలమైన పర్యావరణ వ్యవస్థను సృష్టించింది, ఇది సర్వీస్ ప్రొవైడర్ల సంఖ్య, కష్టాల్లో ఉన్న సంస్థల కోసం ఐబీసీని రెస్క్యూ మెకానిజమ్‌గా ఉపయోగించే కేసుల సంఖ్య పరంగా విస్తరిస్తోంది. ఐబీసీ జూన్ 2022 వరకు 1,934 కేసుల‌ను (రిజల్యూషన్ ప్లాన్‌ల ద్వారా 517, అప్పీల్ లేదా రివ్యూ లేదా సెటిల్‌మెంట్ ద్వారా 774 మరియు ఉపసంహరణ ద్వారా 643) ప‌రిష్క‌రించింది. విలువ పరంగా, ఐబీసీ కింద ప్రక్రియలోకి ప్రవేశించి దాదాపు 69% ఒత్తిడిలో ఉన్న ఆస్తులు పరిష్కరించింది.
                                                                                   

****