ప్రధాన మంత్రి శ్రీ న‌రేంద్ర మోదీ అక్టోబ‌ర్ 01, 2022న భార‌త‌దేశంలో 5జీ సేవ‌ల‌ను ప్రారంభించ‌నున్నారు. అలాగే  అక్టోబ‌ర్ 1 నుండి 4 వరకూ ఢిల్లీలోని న్యూ ప్రగ‌తి మైదాన్‌లో జరిగే 6వ ఎడిష‌న్ ఆఫ్ ఇండియా మొబైల్ కాంగ్రెస్ 2022 (ఐఎంసి-2022)ను కూడా ప్రారంభిస్తారు.

దేశంలో 5జీ సేవలను ప్రారంభించడానికి గత కొన్నేళ్లుగా ప్రయత్నాలు జరుగుతున్నాయి.ఇటీవల 5జీ స్పెక్ట్రమ్ వేలం విజయవంతంగా జరిగింది. రూ. 1,50,173 కోట్ల స్థూల ఆదాయంతో టెలికాం సర్వీస్ ప్రొవైడర్లకు 51,236 ఎంహెచ్‌జడ్‌ స్పెక్ట్రమ్‌ కేటాయించబడింది. ఐఓటీ, ఎం2ఎం,ఏఐ, ఎడ్జ్ కంప్యూటింగ్, రోబోటిక్స్ మొదలైన సాంకేతిక అవసరాలను తీర్చగలిగేలా బలమైన 5జీ పర్యావరణ వ్యవస్థ డిమాండ్‌ను వేలం సమీకరించింది.

కొత్త ఆర్థిక అవకాశాలను మరియు సామాజిక ప్రయోజనాలను 5జీ ఆవిష్కరించగలదు. ఇది భారతీయ సమాజానికి పరివర్తన శక్తిగా ఉండటానికి అవకాశం కల్పిస్తుంది. ఇది దేశం అభివృద్ధికి సంప్రదాయ అడ్డంకులను అధిగమించడానికి, స్టార్టప్‌లు మరియు వ్యాపార సంస్థల ద్వారా ఆవిష్కరణలను ప్రోత్సహించడానికి అలాగే 'డిజిటల్ ఇండియా' విజన్‌ను ముందుకు తీసుకెళ్లడానికి సహాయపడుతుంది. భారతదేశంపై 5జీ  ఆర్థిక ప్రభావం 2035 నాటికి 450 బిలియన్ డాలర్లకు చేరుకుంటుందని అంచనా.

ఆగస్ట్ 2022లో రైట్ ఆఫ్ వే (ఆర్‌ఓడబ్ల్యూ) రూల్స్ 2016ని డాట్ సవరించింది. ఇందులో ఆర్‌ఓడబ్ల్యూ అనుమతుల ఛార్జీలు సహేతుకమైనవి. 5జీ చిన్న సెల్స్ మరియు ఆప్టికల్ ఫైబర్ కేబుల్ ఇన్‌స్టాలేషన్ కోసం ఆర్‌ఓడబ్ల్యూ ఛార్జీలకు సీలింగ్ నిర్ణయించబడింది.

2018లో సాంకేతికతను అభివృద్ధి చేయడానికి ఐఐటీలు, ఐఐఎస్‌సీ బెంగళూరు మరియు సమీర్‌ సహాయంతో డాట్ 5జీ టెస్ట్‌బెడ్‌ను ఏర్పాటు చేసింది. స్టార్టప్‌ల ద్వారా వినియోగంపై ఆలోచన మరియు నమూనాను ట్రిగ్గర్ చేయడానికి 2020లో 5జీ హ్యాకథాన్ ప్రారంభించబడింది మరియు వినూత్న ఉత్పత్తులను ప్రోత్సహించడానికి దారితీసింది. 5జీ వినియోగంపై అంతర్ మంత్రిత్వ కమిటీ 2021 నుండి 12 కేంద్ర మంత్రిత్వ శాఖల సమన్వయంతో పనిచేస్తోంది, 5జీ వినియోగ కేస్ ల్యాబ్‌ల ఏర్పాటును అనుమతిస్తుంది. 5జీ హ్యాండ్‌సెట్‌లను అందుబాటులో ఉంచడానికి 5జీ పర్యావరణ వ్యవస్థను ప్రారంభించేందుకు పరిశ్రమతో సంప్రదింపులు జరిగాయి. 5జీ వ్యాపార అవకాశాలపై మరియు ప్రభుత్వ కీలక జోక్యాలను గుర్తించేందుకు పెట్టుబడిదారులు, బ్యాంకర్లు మరియు పరిశ్రమలతో ముంబైలో రౌండ్ టేబుల్ సమావేశం జరిగింది.

స్వదేశీ 5జీ నాన్-స్టాండ్ అలోన్ (ఎన్‌ఎస్‌ఏ) కోర్‌ను సి-డాట్ అభివృద్ధి చేసింది. స్థానిక పరిశ్రమ మరియు స్టార్టప్‌ల సహకారంతో 5జీ రేడియో యాక్సెస్ నెట్‌వర్క్ (ఆర్‌ఏఎన్‌)ని కూడా సి-డాట్ అభివృద్ధి చేస్తోంది. సి-డాట్ ఇప్పటికే టీసీఎస్ మరియు తేజాస్ నెట్‌వర్క్‌ల సహకారంతో  4జీ కోర్‌ని విజయవంతంగా పరీక్షించింది.

ఇవన్నీ 'జై అనుసంధాన్'పై ప్రధాన మంత్రి స్పష్టమైన పిలుపుకు సమాధానం ఇవ్వడంలో సహాయపడతాయి. ఈ ప్రయత్నాలన్నీ దేశీయ 5జీ ఎంటర్‌ప్రైజ్ క్యారియర్ గ్రేడ్ స్టాక్‌లతో పాటు వినూత్న ప్రభావవంతమైన 5జీ వినియోగానికి దారితీసే భారతదేశపు తయారీ మరియు టెలికాం పర్యావరణ వ్యవస్థకు గేమ్-ఛేంజర్‌లు.

ఎంపిక చేసిన నగరాల్లో ప్రధానమంత్రి ప్రారంభించనున్న 5జీ రాబోయే రెండేళ్లలో క్రమంగా దేశం మొత్తాన్ని కవర్ చేస్తుంది.

ఆసియాలో ప్రముఖ డిజిటల్ ఈవెంట్ అయిన ఐఎంసీ-2022 థీమ్ 'ఎన్‌క్యాప్సులేట్, ఎంగేజ్ అండ్ ఎక్స్‌పీరియన్స్ ఎ న్యూ డిజిటల్ యూనివర్స్' మరియు కొత్త టెక్నాలజీలను ప్రోత్సహించడం, ముఖ్యంగా దేశీయ సాంకేతికతలను ప్రోత్సహించడం. అలాగే పౌరులు 5జీ ఉపయోగాలు మరియు అప్లికేషన్‌లను అనుభవించేలా చేయడం. స్థానిక తయారీని ప్రోత్సహించడం, అంతర్జాతీయ ప్రాంతీయ సహకారాన్ని పెంపొందించడం, సమ్మిళిత & స్థిరమైన అభివృద్ధిని ప్రోత్సహించడం, వ్యవస్థాపకత మరియు ఆవిష్కరణలను ప్రోత్సహించడం, విదేశీ మరియు స్థానిక పెట్టుబడులను నడపడం ఇతర లక్ష్యాలు. ఈ సదస్సు 5,000 కంటే ఎక్కువ సిఎక్స్‌ఓలు మరియు ప్రతినిధులు, 250 కంటే ఎక్కువ ఎగ్జిబిటర్‌లు, వందకంటే ఎక్కువ స్టార్టప్‌లు, 300కంటే ఎక్కువ స్పీకర్లు, 70,000 మందికి పైగా సందర్శకులను ఆకర్షిస్తుందని భావిస్తున్నారు.

ఐఎంసీ-2022కి రాష్ట్ర ఐటీ కార్యదర్శులను కూడా ఆహ్వానించారు. 5జీ అమలులో రాష్ట్రాలు మరియు కేంద్రపాలిత ప్రాంతాల పాత్ర, వ్యాపార అవకాశాలు, అవసరాలు, నైపుణ్యం అభివృద్ధి మరియు స్టార్టప్‌లు మరియు పెట్టుబడిదారులతో పరస్పర చర్యల చర్చించడానికి ఐఎంసీ-2022లో రాష్ట్ర ఐటీ మంత్రులతో రౌండ్‌టేబుల్ సమావేశం కూడా ఏర్పాటు చేయబడింది.

ఈవెంట్ గురించి మరింత తెలుసుకోవడానికి, అలాగే  నమోదు చేసుకోవడానికి, ఇక్కడ సందర్శించవచ్చు:

www.indiamobilecongress.com/.

***