মন্ত্রীমন্দল
কেন্দ্রগী মন্ত্রী মন্দলনা ০১.০৭.২০২২দগী পন্দুনা লৈরকখিবা কেন্দ্র লৈঙাক্কী শিন্মীশিংগী দিয়রনেস এলোৱেন্স অমসুং পেন্সনরশিংগী দিয়রনেস রিলীফকী অহেনবা ইন্সতোলমেন্তকী শেন্ফম থাদোক্নবা অয়াবা পীখ্রে
Posted On:
28 SEP 2022 4:05PM by PIB Imphal
প্রধান মন্ত্রী শ্রী নরেন্দ্র মোদীনা থৌরম মপু ওইবা মন্ত্রী মন্দলনা জুন ২০২২দা লোইখিবা মতমগী ওল ইন্দিয়া কঞ্জ্যুমর প্রাইস ইন্দেক্সকী থা ১২গী চাংচত্তা হেনগৎলকপগী পর্সেন্তেজতা য়ুম্ফম ওইদুনা ০১.০৭.২০২২দগী পন্দুনা লৈরকখিবা কেন্দ্র লৈঙাক্কী শিন্মীশিং অমসুং পেন্সনরশিংগী মথঙশিৎনা ৪%গী দিয়রনেস এলোৱেন্স অমসুং দিয়রনেস রিলীফকী অহেনবা ইন্সতোলমেন্ত থাদোকপদা অয়াবা পীখ্রে।
কেন্দ্র লৈঙাক্কী শিন্মীশিং অমসুং পেন্সনরশিং ০১.০৭.২০২২দগী হৌরগা দিয়রনেস এলোৱেন্স অমসুং দিয়রনেস রিলীফকী অহেনবা শেনফম ফংলগনি।
কেন্দ্র লৈঙাক্কী শিন্মীশিংগী দিয়রনেস এলোৱেন্স হেনগৎলকপনা পীরক্কদৌরিবা শেনগী অহেনবা পোৎলুম অসি চহিদা লুপা করোর ৬,৫৯১গী চাংদা; অমদি চৎলিবা শেনবা চহি ২০২২-২৩গী ওইনা লুপা করোর ৪,৩৯৪.২৪নি (জুলাই, ২০২২দগী ফেব্রুৱারী ২০২৩ ফাওবগী থা ৮গী মতমগী) হায়না পারি।
পেন্সনরশিংগী দিয়রনেস রিলীফ হেনগৎলকপনা পীরক্কদৌরিবা শেলগী অহেনবা পোৎলুম অসি চহিদা লুপা করোর ৬,২৬১.২০গী চাংদা; অমদি চৎলিবা শেনবা চহি ২০২২-২৩গী ওইনা লুপা করোর ৪,১৭৪.১২নি (জুলাই, ২০২২দগী ফেব্রুৱারী ২০২৩ ফাওবগী থা ৮গী মতমগী) হায়না পারি।
দিয়রনেস এলোৱেন্স অমসুং দিয়রনেস রিলীফ অনিনা পুল্লগা পীরক্কদৌরিবা শেলগী পোৎলুম অসি চহিদা লুপা করোর ১২,৮৫২.৫৬গী চাংদা; অমদি চৎলিবা শেনবা চহি ২০২২-২৩গী ওইনা লুপা করোর ৮,৫৬৮.৩৬নি (জুলাই, ২০২২দগী ফেব্রুৱারী ২০২৩ ফাওবগী থা ৮গী মতমগী) হায়না পারি।
****
(Release ID: 1863019)
Visitor Counter : 186
Read this release in:
Kannada
,
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Malayalam