రాష్ట్రప‌తి శ్రీ‌మ‌తి ద్రౌప‌ది ముర్ము రాష్ట్రప‌తి భ‌వ‌న్ లో జ‌రిగిన ఒక కార్య‌క్ర‌మంలో 2020-21 సంవ‌త్స‌రానికి నేష‌న‌ల్ స‌ర్వీస్ స్కీమ్ అవార్డుల‌ను బ‌హూక‌రించారు. కేంద్ర యువ‌జ‌న వ్య‌వ‌హారాలు, క్రీడ‌ల శాఖ‌ మంత్రి  శ్రీ అనురాగ్ ఠాకూర్‌,  కేంద్ర యువ‌జ‌న వ్య‌వ‌హారాలు, క్రీడ‌ల శాఖ స‌హాయ‌ మంత్రి  శ్రీ నితిష్ ప్ర‌మాణిక్ ఈ అవార్డుల ప్ర‌దానోత్స‌వ కార్య‌క్ర‌మంలో పాల్గొన్నారు. యువ‌జ‌న వ్య‌వ‌హారాల శాఖ కార్య‌ద‌ర్శి శ్రీ సంజ‌య్ కుమార్‌, క్రీడ‌ల శాఖ కార్య‌ద‌ర్శి శ్రీ‌మ‌తి సుజాతా చ‌తుర్వేది, మంత్రిత్వ శాఖ సీనియ‌ర్ అధికారులు, ఇత‌ర ప్ర‌ముఖులు ఈ కార్య‌క్ర‌మానికి హాజ‌రైన వారిలో ఉన్నారు.

దేశంలో ఎన్ఎస్ఎస్ కార్య‌క‌లాపాల‌ను ప్రోత్స‌హించేందుకు స‌మాజానికి స్వ‌చ్ఛందంగా అత్యుత్త‌మ సేవ‌లందించిన విశ్వ‌విద్యాల‌యాలు/  +2 కౌన్సిల్‌, ప్రోగ్రామ్ అధికారులు/  ఎన్ఎస్ఎస్ యూనిట్లు, ఎన్ఎస్ఎస్ వలంటీర్ల‌కు ప్ర‌తీ ఏడాది కేంద్ర యువ‌జ‌న వ్య‌వ‌హారాలు, క్రీడ‌ల మంత్రిత్వ శాఖ ఈ అవార్డులు అందిస్తుంది. దేశ‌వ్యాప్తంగా ప్ర‌స్తుతం 40 ల‌క్ష‌ల మంది ఎన్ఎస్ఎస్ వ‌లంటీర్లున్నారు. 2020-21 సంవ‌త్స‌రానికి ఈ దిగువ మూడు విభాగాల్లో నేష‌న‌ల్ స‌ర్వీస్ స్కీమ్ (ఎన్ఎస్ఎస్‌) అవార్డుల వివ‌రాలు ఇలా ఉన్నాయి.

స్వ‌చ్ఛంద క‌మ్యూనిటీ సేవ‌ల ద్వారా విద్యార్థుల వ్య‌క్తి త్వం, ప్ర‌వృత్తి అభివృద్ధి ల‌క్ష్యంగా 1969లో ప్రారంభించిన కేంద్ర ప్ర‌భుత్వం ప‌థ‌కం ఎన్ఎస్ఎస్‌. సైద్ధాంతికంగా ఎన్ఎస్ఎస్ కు  స్ఫూర్తి మ‌హాత్మాగాంధీ. అందుకు త‌గిన‌ట్టుగానే  ఎన్ఎస్ఎస్ నినాదం కూడా “నాట్ మి, బ‌ట్ యు” (“స్వ‌యం సే ప‌హ‌లే ఆప్‌”)

సామాజిక అవ‌స‌రాల‌కు అనుగుణంగా నిరంత‌ర, ప్ర‌త్యేక శిబిరాల నిర్వ‌హ‌ణ ద్వారా ఎన్ఎస్ఎస్ వ‌లంటీర్లు ప్ర‌ధానంగా సామాజిక ప్రాధాన్యం గ‌ల స‌మ‌స్య‌ల‌పై ప‌ని చేస్తారు. అలాంటి స‌మ‌స్య‌ల్లో (i) అక్ష‌రాస్య‌త‌, విద్య‌, (ii) ఆరోగ్యం, కుటుంబ సంక్షేమం, పోష‌కాహారం, (iii) ప‌ర్యావ‌ర‌ణ ప‌రిర‌క్ష‌ణ‌, (iv) సామాజిక సేవా కార్య‌క్ర‌మాలు, (v) మ‌హిళా సాధికార‌త కార్య‌క్ర‌మాలు, (vi) ఆర్థికాభివృద్ధితో అనుసంధాన‌మైన కార్య‌క్ర‌మాలు, (vii) వైప‌రీత్యాల స‌మ‌యంలో ప్ర‌మాదంలో ఉన్న వారిని కాపాడి, స‌హాయం అందించే కార్య‌క్ర‌మాలు,  (viii) స్వ‌చ్ఛ‌తా కార్య‌క‌లాపాలు.

***