সিম্ফোনি অসি অৱাং নোংপোক লমদমদা তুরিজম সেক্তর শাহৌ পীনবা পান্দমগা লোয়ননা পোলিসী থিঙ্কর, স্তেকহোল্দর অমসুং ইনফ্ল্যুন্সর কয়া য়াওবা অৱাং নোংপোক থংবা লমদমগী দিবেলপমেন্ত কনফরেন্সতা দাইলোগ মথং-মথংগী অহৌবনি।

অৱাং নোংপোক ভারত অসি চিঞ্জাক, নাৎ, ফজরবা লেন্দস্কেপশিং, হেরিতেজ অমসুং আর্কিতেকচর কয়ানা থল্লি অমসুং পৃথিবীগী খ্বাইদগী ফজবা মফমশিংগী মরক্তা মফম অমা কল্লি। অদুবু লমদম অসিদা তুরিজম সেক্তর শাহৌ পীনবা অচৌবা খুদোংচাবশিং লৈ।

মঙলান অসিগা লোয়ননা দোনর, তুরিজম অমসুং কলচরগী মন্ত্রী, শ্রী জি. কিশন রেদ্দীনা দোনর মন্ত্রালয়গী সেক্রেতরী, শ্রী লোক রঞ্জন, এন.ই.সি.গী সেক্রেতরী শ্রী কে. মোজেস চালাই, মন্ত্রালয় অমসুং রাজ্য ৮গী মকোক থোংবা ওফিসরশিং, তুরিজম বোর্দশিংগী মকোক থোংবা ওফিসরশিং, মরু ওইবা স্তেকহোল্দরশিং, তুরিস্ত ওপরেতরশিং অমসুং দিজিতেল ইনফ্ল্যুন্সরশিং য়াওবা থৌরম অমদা ঙসি নুমিৎ নিনিগী ভর্চুএল কনফরেন্স ‘সিম্ফোনি’ হৌদোকখ্রে।

মালেমগী তুরিজম নুমিৎতা অৱাং নোংপোক লমদমগী চাউখৎ-থৌরাং মন্ত্রালয়না সেপ্তেম্বর ২৪ অমসুং ২৭তা ‘সিম্ফোনি’ পাঙথোক্লি। নুমিৎ নিনিগী কনফরেন্স অসিনা অৱাং নোংপোক ভারতকী এক্সপ্লোর তৌদ্রিবা ফজবা অসি উৎথোক্নবা অমসুং অৱাং নোংপোক লমদমদা তুরিজম সেক্তর শাহৌ পীনবা রোদমেপ অমা শেম্নবা পান্দম থমগনি। লৌশিং লুচিংবশিং, পোলিসী থিঙ্করশিং, সোসিএল মেদিয়া ইনফ্ল্যুন্সরশিং, ত্রেবেল এন্দ তুর ওপরেতরশিং অমসুং দোনর মন্ত্রালয় অমসুং রাজ্যগী বিভাগশিংগী মকোক থোংবা ওফিসিএলশিংনা আইদিয়া পুথোক্কনি, আইদিয়া অমসুং সজেনশিং খন্ন-নৈনগনি।

‘ত্রেবেলর্স অনএক্সপ্লোর পেরেদাইজ’ অমনি হায়না ফোঙদোক্লদুনা মন্ত্রী শ্রী জি কিশন রেদ্দীজীনা হায়খি মদুদি “অৱাং নোংপোক ভারত অসি মহৌশাগী ফজবা, তোপ-তোপ্পা নাৎশিংগী তাংনা থোকপা অপুনবা অমনি অমসুং নেচরেল রিসোর্সশিং মরাং কাইনা লৈ অমসুং মীৎয়েং শান্না উবা ঙম্বা প্রধান মন্ত্রী, শ্রী নরেন্দ্র মোদীগী লুচিং মখাদা ভারত সরকারনা অৱাং নোংপোক থংবা লমদম খোঙজেল য়াংনা খুমাং চাউশিন্নবা হোৎনখি”। শ্রী রেদ্দীনা সিম্ফোনি অসিনা অৱাং নোংপোক থংবা লমদমদা তুরিজমগী পোতেন্সিএল পুথোক্নবা খন্ন-নৈন্নবা অমসুং পুন্না থবক তৌনবা ফম্পাক অমা ওইরগনি হায়না ফোঙদোকখি।

এম.দোনরগী ইকাই খুম্নরবা সেক্রেতরী, শ্রী লোক রঞ্জন্না ‘সিম্ফোনি’গী সেসন্দা ৱা ঙাংলদুনা হায়খি মদুদি কনফরেন্স অসিনা অৱাং নোংপোক থংবা লমদমগী তুরিজম পোতেন্সিএল পুথোক্নবা তশেংবা আইদিয়াশিং অমসুং খুদোংচাবশিংগী গেম-চেঞ্জর অমা ওইরগনি। ‘সিম্ফোনি’বু ‘অচৌবা অহৌবা’ অমনি হায়রদুনা শ্রী রঞ্জন্না পার্তনরশিং অমসুং স্তেকহোল্দরশিংনা পীরকপা সজেসনশিং অমসুং ফীদবেকশিং অসি খঙজিনগনি অমসুং মন্ত্রালয়না থাজবা পুম্নমক থুংহন্নবগীদমক মিসন মোদতা থবক তৌগনি হায়না স্তেকহোল্দরশিংদা থাজবা পীখি।

এন.ই.সি.গী সেক্রেতরী শ্রী কে. মোজেস চালাইনা ‘সিম্ফোনি’দা ৱা ঙাংবদা হায়খি মদুদি ভারত সরকারনা অৱাং নোংপোক লমদমদা তুরিজমগী গ্রোথ লৈনবগী মথংগী থাক য়ৌনবা মাইকৈদা থবক পাইখৎলি। তুরিজম অসি হৌখিবা চহি খরা অসিদা খুমাং চাউশিল্লক্লি অমসুং তেক্নোলোজী অমসুং দিজিতাইজেসনগা লোয়ননা লমদম অসিগী তুরিজম অসি শীংথানীংঙাই ওইনা শাহৌ লৈরগনি।

এন.ই.ঐচ.ঐচ.দি.সি.গী এম.দি., ব্রিগেদিয়র আর.কে সিংহ (রিতায়র্দ)না হায়খি মদুদি স্তেকহোল্দর পুম্নমক্কী অপুনবা থৌনা-লিংজেল শীজিন্নদুনা ভারত সরকারনা অৱাং নোংপোক্তা তুরিজম ফ্রেন্দলী ওইবা ক্লাইমেৎ অমা ওইহন্নবা মাইকৈদা খোঙথাংশিং লৌখৎলি। এন.ই.আর.গী হেন্দিক্রাফ অমসুং মাস্তর আর্তিসেনশিংগী হৈশিংবা অমসুং ফজবা অদু উৎথোক্নবা অখন্নবা তুরিজম এক্সপোশিং প্রমোৎ তৌনবগীদমক খোঙথাংশিং লৌখৎকনি।

এন.ই.দি.এফ.আই.গী সি.এম.দি., শ্রী পি.ভি.এস.এল.এন. মুর্থীনা তুরিজম সেক্তরগা মরী লৈননা অনৌবা স্তার্তঅপশিংনা অৱাং নোংপোক্কী তুরিজম লেন্দস্কেপতা অহোংবা পুরকখি হায়না ফোঙদোকখি।

‘সিম্ফোনি’গী ঙসিগী সেসন অসিদা শিল্লোংগী ফোল্ক ম্যুজিক বেন্দ ‘সম্মরসোল্ত’ শরুক য়াখি। বেন্দ মেম্বর কিত শাংপ্লিয়াংনা অৱাং নোংপোক ভারতকী তুরিজমদা সস্তেনেবল গ্রোথ লৈহন্নবগী হীরমশিং লৈহনগদৌরিবা ‘ম্যুজিক’কী মরু ওইবা অদু থমখি।

বাইকরশিংগী গ্রুপ – তীম ৱান্দর্রসনা অৱাং নোংপোক লমদমদা চৎলুবগী নুংঙাইরবা এক্সপরিয়েন্সশিং শিয়র তৌখি। তীম মেম্বর শ্রী পৱন্না ফম্পাক অসিদা মহাক্কী সজেসনশিং শিয়র তৌখি।

‘সিম্ফোনি’গী ঙসিগী সেসন অদুদা লৌশিং লৈবা লুচিংবশিং, পোলিসী থিঙ্করশিং, স্তেৎ তুরিজম বোর্দশিং, সোসিএল মেদিয়া ইনফ্ল্যুন্সর অসিনচিংবা মশক নাইবা মীওই কয়া, ত্রেবেল এন্দ তুর ওপরেতরশিংনচিংবনা শরুক য়াখি। সেসনশিং অসিদা রাজ্য সরকারশিংগী মকোক থোংবা তুরিজম ওফিসিএলশিং অমসুং মরী লৈনবা রাজ্যশিংগী লোকেল তুর ওপরেতরশিং য়াওখি।

সিম্ফোনিনা লোজিস্তিক্স অমসুং ইনফ্রাস্ত্রকচরেল ফেসিলিতিতীশিং, তুরিস্তশিংগী মরক্তা লোকেসনশিংগী মতমদা এৱের্নেস ৱাৎপা অমসুং মীয়ামগী মরক্তা মথৌ তাবা ই-পাউ শন্দোকপা অমসুং মার্কেতিং/প্রমোস্নেল এক্তিবিতীশিংদা থেংনবা খুদোংচাদবশিং কোকহনবগা লোয়ননা তুরিস্তশিংনা, অমসুং বিজিতরশিংগী ওপরেসনশিং চত্থবদা তুর ওপরেতরশিংনা ময়োক্নবা অপনবা পুম্নমক কোকহন্নবা ৱান-স্তোপ সোল্যুসন দিবেলপ তৌনবা পান্দম থম্মি।

‘সিম্ফোনি’গী লোইশিনবগী সেসন অসি সেপ্তেম্বর ২৭, ২০২২দা পাঙথোক্কনি অমসুং এম.দোনরগী এম.ও.এস., শ্রী বি.এল. ভর্মনা ৱা ঙাংগনি।

******