নেসনেল মিন্স-কম-মেরিত স্কোলারসিপ স্কিম(এন এম এম এস এস)কী স্তেৎ নোদেল ওফিসারশিংগী নেসনেল ৱার্কশোপ অমা সেপ্তেম্বর ২০, ২০২২দা পাংথোকখ্রে। রাজ্যশিং অমসুং য়ু.তিশিংগী স্তেৎ ইজুকেসন ওফিসারশিং শরুক য়াখিবা ৱার্কশোপ অদু স্কুল ইজুকেসন অমসুং লিতেরিসি দিপার্তমেন্তগী এদিসনেল সেক্রেতরি, এল.এস চাংসন্না প্রসিদেন্ত ওইখি। চৎলিবা চহি ২০২২-২৩গী ওইনা অনৌবা এপ্লিকেসনশিং রেজিস্তার তৌনবা অমসুং রিনিউ তৌনবা ৱার্কশোপ অদু পাংথোকপনি।

থৌরম অদুদা চাংসন্না হায়খি শেন-থুমগী ফিবম শোক্লবা কাংলুপশিংগী অঙাংশিংদা মতম চানা স্কোলারসিপ পীবা য়াম্না মরুওই অমসুং স্তেৎ লেবেল ওফিসারশিংনা এপ্লিকেসনশিং নিংথিনা য়েংশিনবা দরকার ওই।

এন.এস.পি পোর্তেলদা রেজিস্তার তৌবা অমসুং ভেরিফিকেসনগী মতাংদা এন.এস.পিগী নোদেল ওফিসারনা তাকখি অমসুং তুংদা নেসনেল স্কোলারসিপ পোর্তেলগী খুৎথাংদা এন.এম.এম.এস.এস স্কোলারসিপশিং ওনলাইনদা পীনবা রেজিস্তার তৌবা, ভেরিফিকেসন অমসুং য়েন্থোকপগী মতাংদা ইজুকেসন মিনিস্ত্রি, দি.বি.তি অমসুং এন.এস.পিগী ওফিসারশিংগা রাজ্য সরকারশিংগী ওফিসিএলশিংগা অকুপ্পা ৱাফমশিং খন্নখি।

মহৈরোয়শিং ক্লাস ৮তা লাইরিক তম্বা তোকখিদনবা অমসুং মখোয়না মখা তানা সেকেন্দরি থাক ফাওবা মখা তম্নবা পুক্নিং থৌগৎনবা ‘নেসনেল মিন্স-কম-মেরিত স্কোলারসিপ স্কিম’গী মখাদা শেন-থুমগী ফিবম শোক্লবা কাংলুপশিংগী লাইরিক ফবা অঙাংশিংদা স্কোলারসিপশিং পীরি। চহি খুদিংগী ক্লাস ৯গী খনখৎলবা মহৈরোয়শিংদা অনৌবা স্কোলারসিপ লাখ অমা পীরি অমসুং রাজ্য সরকার, গভর্নমেন্ত-এদেদ অমসুং লোকেল বোদি স্কুলশিংদা মখা তানা ক্লাস ১০দগী ক্লাস ১২ ফাওবা তম্বদা স্কোলারসিপ মখা পীরি। স্কোলারসিপ অসি চহি অমদা লুপা ১২০০০ পীরি।

মহৈরোয়শিংগী স্কোলারসিপ স্কিমশিংগী মফম অমা ওইরিবা নেসনেল স্কোলারসিপ পোর্তেলদা নেসনেল মিন্স-কম-মেরিত স্কোলারসিপ স্কিম য়াওরে। দি.বি.তিগী মওংদা পব্লিক ফাইনান্সিএল মেনেজমেন্ত সিস্তেম(পি এফ এম এস)কী খুৎথাংদা ইলেকত্রোনিক ওইনা খনগৎলবা মহৈরোয়শিংগী বেঙ্ক একাউন্তশিংদা হকথেংন্না নেসনেল মিন্স-কম-মেরিত স্কোলারসিপ স্কিম স্কোলারসিপ য়েন্থোক্লে। মসি কেন্দ্রনা চাদা ১০০ পুথোকপা স্কিম অমনি।

চহি অমদা লুপা ৩,৫০,০০০ ফাওবগী শেন্থোক লাকপা মমা-মপাশিংগী মহৈরোয়শিংনা স্কোলারসিপ লৌবা য়াগনি। স্কোলারসিপ পীনবা চাংয়েংদা শরুক য়ানবা মহৈরোয়শিংনা ক্লাস ৭ গী পরিখাদা য়ামদ্রবদা মার্ক চাদা ৫৫ ফংগদবনি। এস.সি/এস.তি মহৈরোয়শিংগী ওইনা মার্ক চাদা ৫ কোমথোক্লি।

*****

(Release ID: 1861256) Visitor Counter : 141