ভারতকী কোবিদ-১৯ ভেক্সিনেসন কবরেজ অসি ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না করোর ২১৬.৮৩ (২,১৬,৮৩,২৪,৫৩৭) হেনখ্রে।

চহি কাংলুপ ১২-১৪গী কোবিদ-১৯ ভেক্সিনেসন অসি মার্চ ১৬, ২০২২দগী হৌখি। হৌজিক ফাওবদা এদোলেসেন্ত করোর ৪.০৮ (৪,০৮,৩২,০৫৩)দা কোবিদ-১৯ ভেক্সিনগী অহানবা দোজ কাপখ্রে। মসিগা মান্নবা মওংদা চহি কাংলুপ ১৮-৫৯গী মনুংদা লৈবা মীওইশিংগী কোবিদ-১৯গী প্রিকোসন দোজ কাপ্পা অসি এপ্রিল ১০, ২০২২দগী হৌখি।

ঙসি অয়ুক্কী পুং ৭ ফাওবগী প্রোভিজনেল রিপোর্তশিংগী মতুং ইন্না অপুনবা মশিংগী ব্রেক-অপতা পীরিবশিং অসি য়াওরি:

ভারতকী এক্তিব কেসলোদ অসি হৌজিক ৪৭,৩৭৯ লৈরি। এক্তিব কেসশিং অসি হৌজিক লৈবাক্কী অপুনবা পোজিতিব কেসশিং ০.১১% ওইরি।

মসিনা মরম ওইরগা ভারতকী রিকবরী রেৎ অসি ৯৮.৭১%দা লৈরি। হৌখিবা পুং ২৪দা মীওই ৪,৬৭৬ নাবা ফগৎখি অমসুং নাবা ফগৎখিবা মীওইশিংগী অপুনবা মশিং (লাইচৎ হৌরকপদগী) অসি হৌজিক ৪,৩৯,৬৭,৩৪০ শুখ্রে।

হৌখিবা পুং ২৪দা অনৌবা কেস ৪,০৪৩ রিপোর্ত তৌরকখি।

হৌখিবা পুং ২৪দা পুন্না কোবিদ-১৯গী তেস্ত ২,৯৫,৮৯৪ তৌখি। ভারতনা হৌজিক ফাওবদা অপুনবা তেস্ত করোর ৮৯.২০ (৮৯,২০,৪৯,০১৪) হেন্না তৌখ্রে।

লৈবাক্কী ওইনা হৌজিক চয়োলগী ওইবা পোজিতিবিতী রেৎ অসি ১.৮১% অমসুং নোংমগী ওইবা পোজিতিবিতী রেৎ অসি ১.৩৭% ওইরি হায়না রিপোর্ত তৌরকখি।

***************