সেপ্তেম্বর ১৯, ২০২২দা রক্ষা মন্ত্রী শ্রী রাজনাথ সিংহনা কাইরোদা ইজিপকী রাস্ত্রপতি অবদেল ফাতাহ ইল-সিসিগা উনখ্রে। রাস্ত্রপতি ইল-সিসিনা রক্ষা মন্ত্রী শ্রী রাজনাথ সিংহ তরাম্না ওকখি অমসুং পুৱারিদগী হৌনা ভারত অমসুং ইজিপকী মরক্তা লৈনরকপা লৈবাক অনিগী মরীশিং শিংথাখি। মহাক্না হায়খি লৈবাক অনিগী লান্মীশিংগী মরক্তা মতেং পাংনবা অনৌবা থাক অমদা য়ৌবা অসি থাগৎনিঙাইনি অমসুং ঙাক-শেনগী লমদম মতেং পাংন্নবা এম.ও.য়ু খুৎয়েক পীনবা অসি অচৌবা মাইপাকপা অমনি।

অপুনবা ত্রেনিং, ঙাক-শেনগী খুৎলায়শিং পুন্না পুথোকমিন্ননবা অমসুং শেমজিন-শাজিন্নবা অমসুং লান্মীগী মতেং পীনবা মখা তানা হেনগৎহনবা হায়না লুচিংবা অনিনা য়ানখি। পুন্না পুথোকমিন্নবা অমসুং মসিগী মতাংদা অকক্নবা ৱাফমশিং খন্নবা হায়না মখোয়না অকনবা ৱাফম থমখি। তেরোরিজমগী মায়োক্তা ইজিপনা লৌখৎলিবা থবকশিং শ্রী রাজনাথ সিংহনা থাগৎখি। তেরোরিজমগী শিংনরকপশিং থেংন্নবা ভারত অমসুং ইজিপনা খ্বাইদগী ফবা থবকশিং পীথোক-পীশিন তৌনবগী তঙাইফবা অদু রাস্ত্রপতিনা সিসিনা থমখি।

রক্ষা মন্ত্রী শ্রী রাজনাথ সিংহনা হায়খি অফ্রিকাদা ইজিপ অসি ভারতকী খ্বাইদগী মরুওইবা ললোন-ইতিক্কী মরুপনি। তোঙান-তোঙানবা ফোরমশিংদা ভারত অমসুং ইজিপকী মরক্তা মতেং পাংনবা অসিদা অপেনবা পোকই। নবেম্বর ২০২২দা মাইপাক্না কোপ-২৭ য়ুম্বু ওইবগীদমক রক্ষা মন্ত্রী শ্রী রাজনাথ সিংহনা মহাক্কী য়াইফ-পাউজেল পীখি।

*****