నేడు దిల్లీలో భారత ప్రభుత్వం నిర్వహిస్తున్న అంతర్జాతీయ ఒప్పందం (ఆహారం మరియు వ్యవసాయ సంస్థ) పాలకమండలి తొమ్మిదో సెషన్ సందర్భంగా అంతర్జాతీయ చిరుధాన్యాల సంవత్సరం (IYOM) 2023పై ఎఫ్ఏఓ సమావేశం నిర్వహించింది.

ఈ సమావేశం IYOM-2023 నిర్వహించుకుంటున్న తరుణంలో చిరుధాన్యాల రైతులపై దృష్టి సారించింది. శ్రీమతి శుభా ఠాకూర్, వ్యవసాయ & రైతు సంక్షేమ శాఖ జాయింట్ సెక్రటరీ (పంటలు) ఐవైఓఎమ్- 2023 కోసం భారతదేశం యొక్క సంసిద్ధతను తెలిపారు. ప్రతి ప్లేట్‌లో చిరు ధాన్యాలను ఉంచడానికి రైతులతో కలిసి పని చేయడానికి భారతదేశం ఎలా సన్నద్ధమవుతోందో తెలియజేస్తూ సంక్షిప్త ప్రదర్శనను అందించారు. ఐవైఓఎమ్ -2023 కోసం భారతదేశం, అంతర్జాతీయ కమ్యూనిటీ అంతటా అవగాహన కార్యక్రమాలు, G2B, B2B మరియు B2C సంభాషణలను అమలు చేయడానికి పంతొమ్మిది మంత్రిత్వ శాఖల సమిష్టి ప్రయత్నాలను కూడా వెల్లడించారు. ఐవైఓఎమ్ 2023కి ముందు, రైతుల అభ్యున్నతికి పరిష్కారంగా ఆహార భద్రత మరియు పంటల వైవిధ్యానికి కేంద్రంగా ఉన్న మినుములపై ఆమె ప్రత్యేక దృష్టి పెట్టారు.

         

 

శ్రీమతి శుభా ఠాకూర్ అధ్యక్షతన జరిగిన ప్యానెల్ చర్చలో చిరుధాన్యాల నిపుణులు పాల్గొన్నారు, ఇందులో ICAR-IIMR ప్రిన్సిపల్ సైంటిస్ట్ డాక్టర్ దయాకర్ రావు, మనీషా భాసిన్, కార్పొరేట్ చెఫ్, ఐటీసీ హోటల్స్; డాక్టర్ అరవింద్ కుమార్, డిప్యూటీ డైరెక్టర్ జనరల్ (పరిశోధన), ఇక్రిసాట్; రోహిత్ చౌదరి, డైరెక్టర్ డెవలప్‌మెంట్, అక్షయ పాత్ర ఫౌండేషన్; శ్రీ పీసీ చౌదరి, డైరెక్టర్ ఆఫ్ అగ్రికల్చర్ అండ్ ఫుడ్ ప్రొడక్షన్, ఒడిశా; శ్రీ విజయ్ పాటిల్, కర్ణాటక మిల్లెట్స్ మిషన్ ప్రతినిధి; శ్రీమతి విశాలా రెడ్డి, వ్యవస్థాపకురాలు, మిల్లెట్ బ్యాంక్ (స్టార్ట్-అప్); శ్రీమతి షర్మిలా ఓస్వాల్, బాసిలియా ఆర్గానిక్స్ (స్టార్ట్-అప్) వ్యవస్థాపకురాలు; కొండా చవ్వా, ఓఐసీ, ఎఫ్ఏఓ ఇండియా; జైనేంద్ర సింగ్, అసిస్టెంట్ డైరెక్టర్ (ప్రోగ్రామ్) ఆల్ ఇండియా రేడియో ప్రతినిధులు ఉన్నారు.

 

ప్రపంచంలోని ప్రతి ఒక్కరి ఆహారంలో చిరుధాన్యాలను ఉంచే విధంగా ఈ ఐవైఓఎమ్ 2023ని జరుపుకోవడానికి భారత్ ప్రణాళికను సిద్ధం చేస్తోంది.

 

         ఈ కార్యక్రమంలో వివిధ మిల్లెట్ స్టార్టప్‌లు మరియు ఎఫ్‌పిఓలు తమ ఉత్పత్తులను ప్రదర్శించడానికి స్టాల్స్‌ను కూడా ఏర్పాటు చేశారు. సెషన్ తరువాత హాజరైన వారందరికీ ప్రత్యేకంగా క్యూరేటెడ్ మిల్లెట్ లంచ్ ఏర్పాటు చేశారు.

 

 

 

***

(Release ID: 1860778) Visitor Counter : 105